Jueces 4:5 - Q'eqchi Bible

⁵ Lix Débora nak'ojlaak rub'el jun kala', li xkala' lix Débora naxk'ab'a'in, sa' xyanq li tenamit Ramá ut Betel, sa'eb' li xtzuulul Efraín, ut eb' laj Israel neke'wulak rik'in a'an re xtuqub'ankil ru li xch'a'ajkilaleb'.

Li Santil hu

⁵ Lix Débora rajlal naxic chi chunla̱c rubel jun to̱n li palmera chi rakoc a̱tin. Li naꞌajej aꞌan “Palmera re lix Débora” nequeꞌxye re. Li cheꞌ aꞌan cuan saꞌ lix naꞌajeb li ralal xcꞌajol laj Efraín li tzu̱l ru li cuan saꞌ xyi li tenamit Ramá ut Bet-el. Ut eb laj Israel rajlal nequeꞌxic riqꞌuin re teꞌxyi̱b ru lix chꞌaꞌajquilaleb.

Jueces 4:5 ပူးပေါင်းရင်းမြစ်များ

Jeremías 31:15

Li Qaawa' kixye chi jo'ka'in: “Ki'ab'iik jun xyaab' kuxej aran Ramá, yaab'ak ut tz'uyink chi numtajenaq: a' lix Rakel li yo chi yaab'ak chirixeb' li xkok'al, ut ink'a' naraj q'unb'esiik xb'aan naq maak'a'eb' chik li xkok'al”.

1 Samuel 1:1

Kiwank jun li winq aj Suf, yo'lajenaq Ramatáhin sa' xtzuulul Efraín, aj Elkaná xk'ab'a', ralal laj Yeroján, ralal laj Toju, ralal laj Suf, aj Efraín.

Josué 18:25

Gabahón, Ramá, Beherot,

Josué 18:22

Bet-Arabá, Semaráhin, Betel,

Josué 16:2

Chirix chik a'an na'elk Betel ut naxik Lus, nanume'k sa' li xnub'ajleb' laj Arkit toj Atarot;

Éxodo 18:26

Ut eb' a'in neke'raqok aatin sa' xb'een li tenamit chiru chixjunil li kutan: li xninqal xch'a'ajkilaleb' neke'xk'am chiru laj Moisés, ab'an wi kok' li ch'a'ajkilal, a'aneb' ajwi' neke'raqok aatin chirix.

Éxodo 18:19

Jo'kan b'i' ab'i li k'aru tinye aawe; tink'e aana'leb' ut li Yos taawanq aawik'in. Laa'ataq laj oksinel aatin chiru li Yos chirixeb' li tenamit ut choxaaye li xch'a'ajkilaleb' re li Qaawa'.

Éxodo 18:13

Sa' li kutan jun chik laj Moisés kik'ojlaak chi raqok aatin sa' xb'eeneb' li tenamit, ut tik jun kutan ke'wank li tenamit chiru laj Moisés chalen eq'la toj ewu.

Génesis 35:8

Sa'eb' li kutan a'an kikamk lix Débora, laj ilol re lix Rebeka, ut kimuqe'k rub'el jun li ji, chi xk'atq Betel. Laj Jakob kixk'e “xJihul li yaab'ak” cho'q xk'ab'a' li na'ajej a'an.

1 Samuel 25:1

Naq laj Samuel kikamk, chixjunileb' laj Israel ke'xch'utub' rib' re xyaab'ankil ut ke'xmuq sa' li xch'och', aran Ramá.

1 Samuel 1:19

Jo' wulajaq chik ke'wakliik toj eq'la, ke'xloq'oni ru li Qaawa' ut chirix chik a'an ke'sutq'iik sa' rochocheb' aran Ramá. Laj Elkaná kiwank rik'in lix Ana li rixaqil, ut li Qaawa' kirusila li ixq.

Éxodo 18:16

Naq wank xch'a'ajkilaleb', neke'chalk wik'in; laa'in ninraqok aatin sa' xb'eeneb' ut nink'e chixnaweb' li xchaq'rab' li Yos ut li xtaqlahom”.

Jueces 4:4

Sa'eb' li kutan a'an yo chi k'amok b'e sa' xyanqeb' laj Israel jun li ixq propeet, xDébora xk'ab'a', rixaqil laj Lapidot.

1 Samuel 22:6

Laj Saúl wan chaq Kibehá, taqe'q, rub'el jun toon chi tamarisko, chi wank li xjutz' che' sa' ruq' ut sutsu xb'aaneb' chixjunileb' laj k'anjel chiru.

1 Samuel 7:17

Chirix chik a'an nasutq'iik chaq Ramá, b'arwi' wank li rochoch ut naxb'eresiheb' laj Israel. Laj Samuel kixxaqab' ajwi' jun li artal cho'q re li Qaawa' aran Ramá.