Jueces 4:15 - Q'eqchi Bible

¹⁵ ut li Qaawa' kiroksi xxiweb' laj puub' re laj Sísara, sa' xyanqeb' li xb'eleb'aal ch'iich', chiru laj Barak. Laj Sísara kikub'eek sa' li xb'eleb'aal ch'iich' ut ki'elelik chi roq.

Li Santil hu

¹⁵ Nak queꞌoc chi pletic riqꞌuin chꞌi̱chꞌ laj Barac, li Dios quixsach xnaꞌleb laj Sísara joꞌqueb ajcuiꞌ lix soldado ut eb li yo̱queb chi beresi̱nc reheb li carruaje. Laj Sísara quicube saꞌ lix carruaje ut chi rok chic co̱ nak quie̱lelic.

Jueces 4:15 ပူးပေါင်းရင်းမြစ်များ

Josué 10:10

Li Qaawa' kixk'eheb' chi elelik chiruheb' laj Israel: k'ajo' naq kixsacheb' aran Gabahón! Kixtaaqiheb' sa' li b'e nataqe'k sa' li tenamit Bet-Jorón, ut wankeb' ajwi' ke'kamsiik Aseká ut Makedá.

Hebreos 11:32

Ut k'a' chik ru tinye? Xb'aan naq ink'a' raj taatz'aqloq we li kutan, wi tinseeraq'iq chirix laj Jedehón, laj Barak, laj Sansón, laj Jefté, laj David, laj Samuel ut eb' li propeet.

2 Reyes 7:6

A'in kik'ulmank xb'aan naq li Qaawa' kixk'e chi ab'iik, sa' li xmuheb'aaleb' laj Aram, xyaab'eb' li k'iila b'eleb'aal ch'iich' ut li k'iila kawaay, ut xyaab' xkuxeb' li k'iila aj puub'. Jo'kan naq ke'xye chirib'ileb' rib': “Li awab'ej re Israel xtojeb' li x'awab'ejeb' laj Hit ut li x'awab'ejeb' laj Ejiipt re chalk chi yalok qik'in”.

Deuteronomio 7:23

Ab'an li Qaawa' laaYos tixq'axtesiheb' sa' laawuq' ut toxsacheb', toj reetal te'oso'q chi junajwa.

1 Samuel 7:10

Toj yo laj Samuel chi xyeechi'inkil li xk'atb'il mayej, naq eb' laj Filistea ke'ok chi yalok rik'ineb' laj Israel. Ab'anan kimoqk jun li kaaq taqlanb'il xb'aan li Qaawa' sa' xb'eeneb' laj Filistea; jo'kan naq kichalk xxiweb' ut ke'q'axe'k ru xb'aaneb' laj Israel.