Jueces 4:12 - Q'eqchi Bible

¹² Naq laj Sísara kirab'i resil naq laj Barak, ralal laj Abinohán, ak xtaqe'k chaq sa' xb'een li tzuul Tabor,

Li Santil hu

¹² Laj Sísara quirabi resil nak laj Barac li ralal laj Abinoam ac xcuulac saꞌ li tzu̱l Tabor.

Jueces 4:12 ပူးပေါင်းရင်းမြစ်များ

Jeremías 46:18

Laa'in li Qaawa', li Nimajwal Yos, li xnimal ru Awab'ej. Laa'in li yo'yookil Yos. Kama' li tzuul Tabor najt xteram sa' xyanqeb' li tzuul ut li tzuul Karmeel nawakliik sa' xb'een li palaw, jo'kanaq li xmetz'ew li winq taachalq sa' eeb'een.

Salmos 89:12

Aawe li choxach'och'; jo'ch'inal jo'nimal wank chisa' laa'at xatk'ojob'ank sa' xna'aj.

Josué 19:34

Nasutq'iik li xnub'ajl sa' rokeb'l saq'e re Asnot-Tabor ut nokox'elq Jukok, naxk'ul Sabulón sa' rokeb'l iq', Aser sa' releb'l saq'e ut li nima' Jordán sa' rokeb'l saq'e.

Josué 19:12

Chalen chaq Sadud naxik sa' xjayal releb'l saq'e, toj sa' xmaril Kislot-Tabor, nokox'elq Dobrat ut nataqe'k Yapía.

Jueces 4:6

Sa' jun kutan lix Débora kixtaqla xb'oqb'al laj Barak, ralal laj Abinohán, li wank rochoch aran Kadés re Neftalí, ut kixye re: “Ma ink'a' tab'i' li Qaawa', xYos eb' laj Israel, xye a'in aawe: «Ayu sa' li tzuul Tabor ut ch'utub'eb' lajeeb' mil chi winq sa' xyanqeb' laj Neftalí ut laj Sabulón.

Jueces 4:11

Nach' rik'in Kadés, chi xk'atq li xji laj Sahananín, wank li xmuheb'aal laj Jéber aj Ken, laj hi' re laj Moisés. A'an ak xjek'om rib' rik'in li xteepal laj Kaín ut li xch'uutal eb' laj Jobab.

Jueces 4:13

kixch'utub' chixjunileb' li xb'eleb'aal ch'iich' ut eb' laj puub', ut rochb'eeneb' ke'elk aran Jaróset-Hakohín ut koheb' wan wi' li nima' Kisón.

Josué 19:22

Li xnub'ajl nawulak toj Tabor, Sajasín ut Bet-Semes, ut nokoxraqe'q sa' li nima' Jordán: waqlaju chi tenamit rochb'eeneb' xk'aleb'aaleb'.

Jueces 8:18

Chirix chik a'an kixye re laj Sébaj ut laj Salmuná: “Chan neke'ilok eb' li winq li xekamsiheb' aran Tabor?”, chan reheb'. Ke'xsume: “Chanchaneb' laa'at neke'ilok. Chanchaneb' li ralal awab'ej chixjunileb'”, chankeb'.

Salmos 89:13

Laa'at xatk'uub'ank re li releb'l iq' ut li rokeb'l; li tzuul Tabor ut Hermón neke'saho'k xch'ool aawik'in.

Oseas 5:1

“Ex aj tij, ab'ihomaq a'in; ex aj k'amol xb'eheb' laj Israel, q'esaq leexik chi ab'ink; laa'ex li wank eewankil sa' rochoch li awab'ej, k'ehomaq reetal: sa' eeb'een laa'ex taa'uxmanq li raqok aatin, xb'aan naq xeluktasi xch'ooleb' li tenamit aran Mispá ut xera'leheb' li poyanam sa' xb'een li tzuul Tabor.