Jueces 3:27 - Q'eqchi Bible

²⁷ Naq kiwulak sa' xyanqeb' laj Israel, sa' li xtzuulul Efraín, kixyaab'asi li xukub' ut eb' laj Israel ke'kub'e chaq sa' li tzuul re chalk rik'in. Toja' naq kixk'e rib' chiruheb'

Li Santil hu

²⁷ Nak quicuulac saꞌ lix naꞌajeb li ralal xcꞌajol laj Efraín, li tzu̱l ru, laj Aod quixya̱basi li trompeta re xbokbaleb laj Israel. Ut chixjunileb queꞌco̱eb chirix. Laj Aod yo̱ chi cꞌamoc be chiruheb.

Jueces 3:27 ပူးပေါင်းရင်းမြစ်များ

1 Samuel 13:3

Laj Jonatán kixkamsi jun ch'uuteb' aj Filistea li wankeb' aran Kibehá, ut eb' laj Filistea ke'rab'i resil. Toja' naq laj Saúl kixye naq chiyaab'asiiq li tronpeet sa' chixjunil li na'ajej, ut kixye: “Ab'ihomaq, ex aj Hebreo!

Jueces 6:34

Ab'an li xmusiq' li Qaawa' ki'eechanink re laj Jedehón, ut a'in kixyaab'asi li xxukub' re xb'oqb'aleb' laj Abiéser.

2 Reyes 9:13

Tikto li junjunq kixseeb'a rib' chi xxokb'al ut xhelb'al li xb'aatal ut ke'xk'e cho'q xna'aj li roq sa' li pek ru. Chirix a'an ke'xyaab'asi li xukub' ut ke'xjap re chi xyeeb'al: “Laj Jehú a'an li awab'ej”, chankeb'.

2 Samuel 20:22

Tikto koxseeraq'i reheb' chixjunileb' li rech tenamitul rik'in xseeb'al xch'ool, ut ke'xch'ot xjolom laj Sebá, ralal laj Bikrí, ut ke'xkut chaq re laj Johab. Toja' naq a'in kixye naq chiyaab'asiiq li xukub' ut chixjunileb' ke'elk sa' li tenamit, koheb' chi xjunjunqaleb' sa' rochocheb'. Ut laj Johab kisutq'iik Jerusalén rik'in li awab'ej.

Jueces 19:1

Sa'eb' li kutan a'an, naq maak'a'eb' chaq awab'ej aran Israel, kiwank jun li winq aj Leví, sa' xnub'ajlil li xtzuulul Efraín. Kixsik' jun li ixq aj Belén, sa' xteepal Judá, re taawanq rik'in.

Jueces 17:1

Kiwank jun li winq aran sa' xtzuulul Efraín, aj Mikaías xk'ab'a'.

Jueces 7:24

Laj Jedehón kixtaqlaheb' aj esil sa' chixjunileb' li xtzuulul Efraín re xyeeb'al: “Kub'enqex chaq chi xk'ulb'aleb' laj Madián ut ramomaq xb'eheb' chire li nima' Jordán toj Bet-Bará”. Ut jo'kan ki'uxmank: chixjunileb' laj Efraín ke'xjunaji rib' ut ke'ramok li nima' Jordán toj Bet-Bará.

Jueces 5:14

Eb' li xninqal ru winq ke'kub'e chaq sa' li taq'a, ut chirixeb' a'an koheb' laj puub' re laj Benjamín. Ke'kub'eek ajwi' li neke'taqlank sa' xyanqeb' laj Makir, jo'eb' ajwi' li wankeb' xwankil sa' xyanqeb' laj Sabulón.

Josué 17:18

eerehaq aj b'an wi' li tzuul li k'iche' ru. T'anomaqeb' li che', ut chi jo'kan teereechani chixjunil li na'ajej a'an. Teerisiheb' laj Kanahán, us ta wankeb' xb'eleb'aal ch'iich' yiib'anb'ileb' rik'in ch'iich' ut q'axal kaweb' rib'”, chan laj Josué.

Josué 17:15

Kichaq'ok laj Josué ut kixye: “Wi laa'ex naab'alex, ayuqex sa' li k'iche' ut t'anomaq eb' li loq'laj che' sa' xch'och'eb' laj Perés ut eb' laj Refait, xb'aan naq q'axal laatz' cho'q eere li na'ajej re Efraín”, chan.

Jueces 3:26

Naq eb' a'an yookeb' chi oyb'enink, laj Ehud ki'elelik, kixq'ax li na'ajej wankeb' wi' li yiib'anb'il yos ut koxkol rib' aran Sehirá.

Jueces 10:1

Naq ak xkamk laj Abimélek, jun li winq, xkomoneb' li ralal xk'ajol laj Isakar, kiwakliik chaq re xkolb'aleb' laj Israel. A'an aj Tolá xk'ab'a', ralal laj Puhá, ri xmam laj Dodó, ut Samir li xna'aj, aran sa'eb' li xtzuulul Efraín.

Nehemías 4:14

Ut naq kink'e reetal naq yo xxiweb', kinxaqliik ut kinye reheb' li xninqaleb' ru winq, eb' laj k'amol b'e jo'wi' chixjunil li tenamit: “Meexiwa ruheb'. Jultikaq eere naq li Qaawa' nim xwankil ut xiwajel ru. Yalonqex re xkolb'aleb' leerech'alal, leeralal eek'ajol, leerixaqil ut leerochoch”.