Jueces 3:15 - Q'eqchi Bible

¹⁵ Toja' naq eb' laj Israel ke'xyaab'a xk'ab'a' li Qaawa' ut A'an kixwaklesi jun aj kolonel: laj Ehud, ralal laj Kerá, aj Benjamín, a'an jun li winq sik li xnim uq'. Sa' jun kutan eb' laj Israel ke'ab'enak chirix, re naq a'an tk'amoq re li tojleb' re laj Eklón, awab'ej re Mohab.

Li Santil hu

¹⁵ Ut eb laj Israel queꞌxya̱ba cuiꞌchic xcꞌabaꞌ li Ka̱cuaꞌ Dios. Ut li Ka̱cuaꞌ quixsicꞌ ru jun li cui̱nk re ta̱colok reheb chiruheb laj Moab. Li cui̱nk li quisiqꞌueꞌ ru, aꞌan laj Aod li ralal laj Gera ut xcomoneb li ralal xcꞌajol laj Benjamín. Laj Aod nacꞌanjelac riqꞌuin lix tzꞌe ukꞌ. Eb laj Israel queꞌxtakla laj Aod riqꞌuin laj Eglón lix reyeb laj Moab re tixqꞌue jun lix ma̱tan.

Jueces 3:15 ပူးပေါင်းရင်းမြစ်များ

Jueces 3:9

Toja' naq eb' laj Israel ke'xyaab'a xk'ab'a' li Qaawa' ut A'an kixwaklesi jun aj k'amol b'e re taakoloq reheb' chiruheb' li xik' neke'ilok reheb': a' laj Otoniel, ralal laj Kenás ut riitz'in laj Kaleb.

Salmos 78:34

Naq yook xkamsinkileb', ke'xsik' li Yos, ke'sutq'iik wi' chik rik'in ut ke'xk'e xch'ooleb' chirix.

Isaías 36:16

Meepaab' li raatin laj Esekías, xb'aan naq jo'ka'in xye chaq li awab'ej re Asiria: «K'amomaq eerib' sa' usilal wik'in ut q'axtesihomaq eerib' chiwu. Chi jo'kan li junjunq eere sa tixtzeka ru li x'uub' ut li x'iig, ut taaruk' li ha' wank sa' li xkumb'.

1 Crónicas 12:2

Eb' laj puub' a'an q'axal kaweb' rib', wankeb' xsimaj rik'ineb', ut naru neke'kutuk rik'in li xnim uq' jo'wi' rik'in li xtz'e uq'. Neke'kutuk ajwi' pek rik'in jok'. A'aneb' a'in xk'ab'a' li rech'alaleb' laj Saúl, sa' xteepal Benjamín:

Jueces 20:16

Sa' xyanqeb' chixjunileb' laj puub' a'in wankeb' o'lajuk'aal xkab' o'q'ob' (700) chi winq sik'b'ileb' ru, aj tz'eheb'; chixjunileb' a'an useb' chi xjok'inkil chi pek junaq ismal chi ink'a' neke'xkol.

Jeremías 33:3

Patz' link'ab'a' ut laa'in tatinchaq'b'e; tinye aawe xninqal na'leb' li wankeb' chi muqmu ut toj maji' nakanaw laa'at.

Proverbios 21:14

Li sihink sa' muqmu naxkotz li josq'il wi nak'eemank sa' xq'ehil.

Proverbios 19:6

Naab'aleb' neke'sik'ok re li b'ihom; chixjunileb' neke'raj wank cho'q ramiiw li nasihink.

Proverbios 18:16

Li sihink naxte chixjunileb' li b'e ut nokooxk'am toj wankeb' wi' li ninqeb' xwankil.

Salmos 90:15

Chak'e xsahil qach'ool anaqwan cho'q reeqaj li rahob'tesiik qak'ulum aab'aan chiru k'iila kutan, sa' xk'ab'a'eb' li chihab' naq junes rahilal xqak'ulatq chaq.

Salmos 50:15

Chayaab'a link'ab'a' sa' xkutankil laarahilal; laa'in tatinkol ut laa'at tinaaloq'oni”.

1 Samuel 10:27

Ab'an wankeb' li yib'ru xna'leb'eb' ke'xye: “Ma tooxkol awuli?”, chankeb'. Ke'xtz'eqtaana laj Saúl ut ink'a' ke'xk'e xmaatan. Ab'an laj Saúl ink'a' kixk'e sa' xch'ool li k'aru ke'xb'aanu.

Jueces 3:14

Chiru waqxaqlaju chihab' eb' laj Israel ke'wank rub'el xwankil laj Eklón, awab'ej re Mohab.

Jueces 3:16

Ab'an laj Ehud kixyiib' jun ch'ina ch'iich' ka'pak'al xq'esnal, wan rox k'utub' li roq, ut kixb'ak' rub'el li raq', sa' xb'een li xnim a', xb'aan naq sik li xnim uq'.

Jueces 2:16

Toja' naq li Qaawa' kixwaklesiheb' aj k'amol b'e li ke'xkol li tenamit sa' ruq'eb' laj elq'.

Jueces 4:3

Laj Jabín wank o'k'aal rox o'q'ob' (900) xb'eleb'aal ch'iich' ut k'ajo' naq kixrahob'tesiheb' laj Israel chiru junmay chihab'. Jo'kan naq eb' laj Israel ke'xtz'aama xtenq'ankileb' chiru li Qaawa'.

2 Samuel 20:9

Ut naq laj Johab kixchap chi xmach laj Amasá kama' wi' ok re chi rutz'b'al ru, kixpatz' re: “Ma sa sa' laach'ool, at wiitz'in?”, chan.

2 Samuel 20:10

Laj Amasá ink'a' kixk'e reetal naq wank xch'iich' laj Johab sa' li ruq' jun chik; ut a'in kixjutz' chi ch'iich' laj Amasá jun sut ajwi' sa' xsa', ut chixjunil li xsooyom kit'ane'k chiru ch'och'. Sa' junpaat kikamk laj Amasá. Chirix chik a'an laj Johab rochb'een laj Abisay li riitz'in koheb' wi' chik chi xsik'inkil laj Sebá, ralal laj Bikrí.

1 Crónicas 8:3

Eb' li ralal xk'ajol laj Belá a'aneb' a'in: laj Adar, laj Kerá, laj Abiud,

1 Crónicas 8:5

laj Kerá, laj Sefufán ut laj Hiram.

2 Crónicas 9:24

Ut li junjunq, rajlal chihab', naxk'e xsimaatan: a' li k'a'aq re ru yiib'anb'il rik'in plaat ut oor, jo'wi' aq'ej, ch'iich', sununkil b'an, kawaay ut muul.