Jueces 3:10 - Q'eqchi Bible

¹⁰ Li xmusiq' li Qaawa' kichalk sa' xb'een laj Otoniel ut a'an kikanaak cho'q aj k'amol xb'eheb' laj Israel: koho chi yalok ut li Qaawa' kixq'axtesi sa' ruq' a'an laj Kusán Risatáhin, awab'ej re Edom, li kiq'axe'k ru.

Li Santil hu

¹⁰ Lix musikꞌ li Ka̱cuaꞌ cuan riqꞌuin laj Otoniel ut aꞌan chic laj cꞌamol be chiruheb laj Israel. Laj Otoniel quipletic riqꞌuin laj Cusan-risataim. Ut li Ka̱cuaꞌ quixtenkꞌa laj Otoniel chi numta̱c saꞌ xbe̱neb.

Jueces 3:10 ပူးပေါင်းရင်းမြစ်များ

1 Samuel 11:6

Naq laj Saúl kirab'i a'an, ki'eechaniik xb'aan li xmusiq' li Yos ut k'ajo' naq kichalk xjosq'il.

Jueces 14:19

Tikto ki'eechaniik xb'aan xMusiq' li Qaawa', koho Askalón ut aran kixkamsi lajeeb' xka'k'aal chi winq: kirisi li raq'eb' ut kixq'axtesiheb' reheb' li ke'q'ehink. Chirix a'an koho wi' chik sa' rochoch li xyuwa' chi k'ajo' xjosq'il,

Jueces 14:6

Toja' naq li xMusiq' li Qaawa' ki'eechanink re laj Sansón ut, chi maak'a' wank sa' ruq', kixt'upi li kaqkoj kama' wi' nat'upimank junaq ch'ina chib'aat. Ab'anan ink'a' kixseeraq'i re li xna' xyuwa' li k'aru kixb'aanu.

Jueces 13:25

Ut li xMusiq' li Qaawa' ki'ok chi eek'ank rik'in, aran wankeb' wi' li xmuheb'aaleb' laj Dan, sa' xyanq Sorá ut Estahol.

Jueces 11:29

Toja' naq li xMusiq' li Qaawa' kikub'e chaq sa' xb'een laj Jefté; ut a'in kixb'eeni Galahad ut Manasés, kinume'k Mispá re Galahad ut chirix a'an ki'ok sa' xna'ajeb' laj Amón.

Jueces 6:34

Ab'an li xmusiq' li Qaawa' ki'eechanink re laj Jedehón, ut a'in kixyaab'asi li xxukub' re xb'oqb'aleb' laj Abiéser.

2 Crónicas 15:1

Toja' naq li xmusiq' li Qaawa' kikub'eek sa' xb'een laj Asarías, ralal laj Obed,

Números 24:2

Ut sa' xtaqsinkil li rilob'aal, laj Balaham kirileb' li xmuheb'aaleb' laj Israel ch'utch'uukeb' chi teep. Toja' naq li xmusiq' li Qaawa' ki'ok rik'in

Hebreos 6:4

Xb'aan naq eb' li ke'kutanob'resiik jun sutaq, ke'xyal xsahil li choxahil maatan ut ke'tz'aqonk rik'in li Santil Musiq'ej,

Salmos 51:11

Maak'e sa' aach'ool li xinmaakob'k wi', ut chawisi chixjunileb' linmaak chi junajwa.

2 Crónicas 20:14

Ut naq ch'utch'uukeb' chixjunil li tenamit, kikub'e chaq li xmusiq' li Qaawa' ut kihilank sa' xb'een laj Jahasiel, ralal laj Sakarías, ralal laj Benaías, ralal laj Jehiel, ralal laj Matanías aj Leví ut xkomoneb' li ralal xk'ajol laj Asaf,

1 Samuel 16:13

Ut laj Samuel kixchap li xukub', xna'aj li aseeyt, ut kixyul laj David chiruheb' li ras. Chalen sa' li honal a'an li xmusiq' li Qaawa' kichalk sa' xb'een laj David. Chirix chik a'an laj Samuel kixchaq'rab'iheb' ut koho Ramá.

1 Samuel 10:6

Toja' naq tatreechani li xmusiq' li Qaawa', tat-aatinaq jo'keb' a'an ut jalanaqat chik.

Números 27:18

Kichaq'ok li Qaawa' ut kixye re laj Moisés: “B'oq laj Josué, ralal laj Nun, a'an jun li winq nujenaq chi musiq'ej. K'e laawuq' sa' xb'een xjolom

Números 11:29

Ab'an laj Moisés kixye re: “Ma xat-ok chinkaqalinkil? Us raj naq chixjunil li xtenamit li Qaawa' te'aatinaq jo' propeet ut te'xk'ul li xMusiq' li Qaawa'!”, chan.

Números 11:25

Li Qaawa' kikub'e chaq sa' li choql, kiraatina laj Moisés ut kixk'e reheb' li lajeeb' xkaak'aal chi tiixil winq kach'inatq li musiq'ej wank rik'in laj Moisés. Sa' li honal a'an, naq ki'ok li musiq'ej rik'ineb', ke'xtikib' aatinak jo' propeet; ab'anan ink'a' chik ke'aatinak chi jo'kan moqon.

Números 11:17

Laa'in tinkub'eeq chi aatinak aawik'in aran; tink'e reheb' kach'inaq li musiq'ej wank aawik'in re naq tate'xtenq'a chi rilb'al li tenamit a'in. Chi jo'kan ink'a' wanqat aajunes.

Jueces 3:8

Jo'kan naq li Qaawa' kichalk xjosq'il sa' xb'eeneb' laj Israel ut kixq'axtesiheb' sa' ruq' laj Kusán Risatáhin, awab'ej re Edom, ut ke'k'anjelak waqxaqib' chihab' chiru li awab'ej a'an.

Jueces 3:11

Chiru ka'k'aal chihab' li tenamit kiwank sa' tuqtuukilal. Chirix chik a'an kikamk laj Otoniel, ralal laj Kenás.

1 Crónicas 12:18

Toja' naq laj Amasay, xjolomil li lajeeb' xka'k'aal, eek'asinb'il xb'aan li musiq'ej, kixye: “Tuqtuukilal cho'q aawe, at David, ralalat laj Jesé! Sahaq taxaq aach'ool! Chiwanq taxaq tuqtuukilal rik'ineb' li te'tenq'anq aawe, xb'aan naq laaYos nakatxtenq'a!”, chan. Laj David kixk'uleb' ut kixk'e xk'anjeleb' sa' xyanqeb' laj jolominel aj puub'.

Jueces 11:32

Laj Jefté ki'ok sa' xna'ajeb' laj Amón re yalok rik'ineb', ut li Qaawa' kixq'axtesiheb' sa' ruq'.

Jueces 15:14

Naq ke'wulak aran Lejí, japjookeb' re laj Filistea naq ke'xk'ul laj Sansón sa' li xtenamiteb'. Ab'an li xMusiq' li Qaawa' kichalk sa' xb'een laj Sansón ut a'in kixt'upiheb' li k'aam li b'ak'b'ookeb' wi' li ruq' ut li xtel, kama' wi' li k'atb'il noq', ut kik'ixonk li xb'ak'b'al sa' ruq'.

1 Samuel 10:10

Moqon chik naq ke'wulak aran Kibehá, jun ch'uuteb' chi propeet yookeb' chaq chi chalk. Toja' naq laj Saúl ki'eechaniik xb'aan li xmusiq' li Yos ut ki'ok chi aatinak jo' propeet sa' xyanqeb' a'an.