Jueces 20:1 - Q'eqchi Bible

¹ Toja' naq chixjunileb' laj Israel, chalen chaq Dan toj Berseba ut Galahad, koxe'xch'utub' rib' jo' jun chi winq, aran Mispá, wan wi' rochoch li Yos.

Li Santil hu

¹ Quilajeꞌxchꞌutub ribeb chixjunileb li cui̱nk aj Israel saꞌ li naꞌajej cuan cuiꞌ li tabernáculo aran Mizpa. Eb aꞌan queꞌchal chak saꞌ eb li naꞌajej li naticla chak Dan ut nacuulac Beerseba ut toj Galaad.

Jueces 20:1 ပူးပေါင်းရင်းမြစ်များ

Jueces 11:11

Toja' naq laj Jefté koho chirixeb', ut eb' li tenamit ke'xxaqab' a'an cho'q aj k'amol b'e ut aj jolominel. Aran Mispá laj Jefté kixye wi' chik chiru li Qaawa' chixjunil li aatin li ak xye.

2 Samuel 3:10

naq trisi xwankileb' li ralal xk'ajol laj Saúl ut tixk'ojob' xwankil laj David sa' xb'een Israel ut Judá, chalen chaq Dan toj Berseba”.

1 Samuel 10:17

Chirix chik a'an laj Samuel kixch'utub'eb' li tenamit chiru li Qaawa' aran Mispá

1 Samuel 3:20

Ut chixjunileb' laj Israel, chalen chaq Dan toj Berseba, ke'xk'e reetal naq laj Samuel tz'aqal xpropeet li Yos.

Jueces 21:5

Ke'xye chirib'ileb' rib': “Ani sa' xyanqeb' chixjunileb' li xteepal laj Israel ink'a' xwulak Mispá, naq xqach'utub' qib' sa' xk'ab'a' li Qaawa'?”. Xb'aan naq ak yeeb'il sa' jurament naq te'kamsiiq li ink'a' te'wulaq sa' li loq'laj ch'utam.

Josué 22:12

Ut naq ke'xnaw a'an, ke'xch'utub' rib' chixjunileb' laj Israel aran Siló re yalok rik'ineb'.

Nehemías 8:1

Sa' xwuq li po chixjunil li tenamit ke'xch'utub' rib' sa' junajil sa' li neb'aal li wank chire li Okeb'aal reheb' laj b'eelahom ha', ut ke'xye re laj Esdras laj tz'iib' naq tixk'am chaq xhuhil li xChaq'rab' laj Moisés li xk'ehom li Yos re te'xpaab' eb' laj Israel.

2 Samuel 24:2

Toja' naq li awab'ej kixye re laj Johab, li xjolomileb' laj puub', li wank rochb'een: “Ayu, chab'eeni chixjunil xteepal Israel, chalen chaq Dan toj Berseba, ut ajlaheb' re naq laa'in tinnaw jo'k'ihaleb' li tenamit”, chan.

Esdras 3:1

Sa' xwuq li po, naq eb' laj Israel wankeb' chik sa' li xtenamiteb', ke'xch'utub' rib' aran Jerusalén chi junajeb' xch'ool junajeb' xk'a'uxl.

1 Crónicas 21:2

Toja' naq laj David kixye re laj Johab ut reheb' li neke'taqlank sa' xb'eeneb' laj puub': “Ayuqex ut ajlahomaqeb' laj Israel chalen Berseba toj Dan, ut tuleeye we jo'k'ihaleb' re naq tinnaw jarub'eb'”.

2 Reyes 25:23

Naq eb' li xjolomileb' laj puub' ut eb' laj puub' aj Judá ke'rab'i a'in, ke'wulak toj Mispá rik'in laj Kedalías. A'aneb' laj Ismael, ralal laj Netanías, laj Jwan, ralal laj Karéhaj, laj Seraías, ralal laj Tanjumet, Netofá xtenamit, laj Jasanías, ralal jun li winq aj Mahaká, ut chixjunileb' li wankeb' rochb'een.

2 Samuel 19:14

Jo'kan naq li xch'ooleb' chixjunileb' laj Judá koho chi junxikik chirix li awab'ej ut ke'xtaqla xyeeb'al: “Sutq'in chaq, laa'at ut chixjunileb' laj k'anjel chawu”.

2 Samuel 2:9

Aran kixxaqab' cho'q awab'ej re Galahad, reheb' laj Aser, laj Jisrehel, laj Efraín, laj Benjamín ut re chixjunil Israel.

Jueces 20:26

Toja' naq chixjunileb' laj Israel ut chixjunileb' laj puub' ke'taqe'k wi' chik Betel, ke'yaab'ak chaq ut aran ke'kanaak chiru li Qaawa'. Jun kutan ke'xkuy xsa'eb' toj reetal ki'ewuuk; ke'mayejak re xk'amb'al wi' chik rib' sa' usilal rik'in li Qaawa' ut ke'xyeechi'i ajwi' k'atb'il mayej.

Jueces 20:18

Eb' laj Israel koheb' ut ke'taqe'k Betel. Aran ke'xpatz' re li Yos: “Ani qe laa'o taaxik xb'enwa chi yalok rik'ineb' laj Benjamín?”, chankeb'. Ut li Qaawa' kixsumeheb': “Eb' laj Judá a'aneb' li te'xik xb'enwa”, chan.

Jueces 20:11

Jo'kan naq chixjunileb' laj Israel ke'xch'utub' rib' jo' jun chi winq chi yalok rik'in li tenamit Kibehá.

Jueces 20:8

Chixjunil li tenamit jo' jun chi winq naq ke'xaqliik chi xyeeb'al: “Maajun qe laa'o taaxik sa' li xmuheb'aal, maajun taasutq'iiq sa' rochoch.

Jueces 20:2

Li xninqal ru winqeb' re chixjunil li tenamit ut chixjunileb' li xteepal laj Israel ke'ok sa' li xloq'laj ch'utam li xtenamit li Yos: li xk'ihaleb' a'an jun o'q'ob' mil (400,000) chi winq li wankeb' xch'iich' ut yal chi roqeb'.

Jueces 18:29

Ke'xjal ajwi' xk'ab'a' li tenamit: ink'a' chik Lahis naxk'ab'a'in anaqwan, Dan b'an ke'xk'e cho'q xk'ab'a' re xjultikankil laj Dan li xyuwa'eb', ralal laj Israel.

Jueces 10:17

Eb' laj Amón ke'xch'utub' rib' ut ke'xyiib' li xmuheb'aaleb' aran Galahad. Ut eb' laj Israel ke'xch'utub' rib' ut ke'xk'ojob' li xmuheb'aaleb' Mispá.

Josué 17:1

Li xteepal laj Manasés kitz'aqk na'ajej sa' xk'ab'a' naq a'an xb'een ralal laj José. Laj Makir aj puub', xb'een ralal laj Manasés ut xyuwa' laj Galahad, kireechani Galahad ut Basán.

Números 32:1

Eb' li ralal xk'ajoleb' laj Rubén ut li ralal xk'ajoleb' laj Gad, jwal naab'aleb' li xketomq ut q'axal ninqeb' ajwi'. Naq ke'ril naq li na'ajej Jaser ut Galahad a'an chaab'il ch'och' re k'iiresink ketomq,

Josué 18:26

Mispá, Kefirá, Mosá,

Josué 15:38

Dilán, Mispá, Yoktehel,

Números 32:40

Toja' naq laj Moisés kixq'axtesi Galahad cho'q re laj Makir, ralal laj Manasés, li kikanaak chi wank sa' li na'ajej a'an.

Jeremías 40:6

Ut laj Jeremías koho sa' rochoch laj Kedalías, ralal laj Ajikán, aran Mispá, ut aran kina'ajunk sa' xyanqeb' li poyanam li ke'kanaak sa' xteepal Judá.

Josué 4:13

Ke'nume'k tana ka'k'aal mil chi aj puub' ak kawresinb'ileb' chi yalok. Ke'nume'k chiru li Qaawa' ut koheb' sa' xtaq'ahil Jerikó.

Josué 22:9

Toja' naq eb' laj Rubén, eb' laj Gad ut li xyiijachil xteepal laj Manasés ke'xjach rib' rik'ineb' laj Israel aran Siló, sa' xteepal Kanahán, ut ke'sutq'iik sa' li na'ajej Galahad, a' li reechanihomeb' chaq jo' chanru li xyehom li Qaawa' re laj Moisés.

Jueces 11:34

Naq laj Jefté kisutq'iik wi' chik Mispá sa' li rochoch, ki'elk chaq li xrab'in chi xk'ulb'al, yo chaq chi xajok ut chi xch'e'b'al li tzojtzoj ch'iich'. Jun ajwi' li xrab'in laj Jefté; chirix a'an maak'a' chik xkok'al.

1 Reyes 5:5

Jo'kan naq twaj xkab'lankil li rochoch li Qaawa' linYos, jo' chanru kixye re laj David linyuwa': «A' laawalal li tinxaqab' chi awab'ejink sa' laak'ojarib'aal, a'an taakab'lanq re li ochoch sa' ink'ab'a'», chan.

Nehemías 11:27

Jasar-Suhal, Berseba,