Jueces 2:22 - Q'eqchi Bible

²² Jo'ka'in naq li Qaawa' kiraj xyalb'al rixeb' laj Israel re rilb'al ma te'xtaaqe tana li chaab'il b'e malaj ut ink'a', jo' ke'xb'aanu chaq li xna' xyuwa'eb'.

Li Santil hu

²² Tinba̱nu chi joꞌcaꞌin re xyalbal rixeb laj Israel ma teꞌxba̱nu na li cꞌaꞌru ninye joꞌ queꞌxba̱nu lix xeꞌto̱nil xyucuaꞌeb malaj ut incꞌaꞌ, chan li Ka̱cuaꞌ.

Jueces 2:22 ပူးပေါင်းရင်းမြစ်များ

Deuteronomio 8:2

“Wanq sa' laach'ool chixjunil li b'e kixk'e chab'eeni li Qaawa' laaYos chiru li ka'k'aal chihab' a'in sa' li chaqich'och' re xkub'sinkil aawankil, re xyalb'al aawix ut xnawb'al k'aru wank sa' laach'ool: ma taapaab' li xchaq'rab' malaj ut ink'a'.

Deuteronomio 8:16

ut katxch'oolani sa' li chaqich'och' rik'in li maná li ink'a' xnawomeb' ru laana' laayuwa'. Kixkub'si aawankil ut kixyal aawix re naq moqon tixk'e xsahil laach'ool.

Deuteronomio 13:3

maapaab' li propeet a'an malaj li xyehom laj matk'. Xb'aan naq li Qaawa' leeYos yooq chi xyalb'al eerix, re xnawb'al ma relik chi yaal naq nekera li Qaawa' leeYos chi anchal eech'ool ut chi anchal eeraanm.

Proverbios 17:3

Li oor ut li plaat sa' xam neke'ch'ajob'resiik; ab'an li qach'ool nayale'k rix xb'aan li Qaawa'.

Génesis 22:1

Chirix chik a'an li Yos kixyal xpaab'aal laj Abrahán ut kixye: “Abrahán, Abrahán!”. Kichaq'ok a'an: “We'kin”, chan.

Salmos 66:10

At qaYos, laa'at xatyalok rix li qapaab'aal ut xatz'il qix kama' naq nayale'k li plaat.

Li xHu LAJ JOB 23:10

A'ut a'an naxnaw chixjunil linb'aanuhom: wi tixyal wix, tinkanaaq jo' tz'aqal li chaab'il oor.

2 Crónicas 32:31

Naq li xninqaleb' ru winq aj Babilonia ke'xtaqlaheb' li xtaql chi xpatz'b'al chirix li sachb'ach'oolej kik'ulmank sa' li tenamit, li Qaawa' kixkanab' xjunes laj Esekías yal re xyalb'al rix ut xnawb'al chixjunil li k'aru wank sa' xch'ool.

Éxodo 15:25

Toja' naq laj Moisés kixyaab'a li Qaawa', ut li Qaawa' kixk'ut jun toon li che': a'an kikute'k sa' ha' xb'aan laj Moisés, ut li ha' kiki'o'k. Aran li Qaawa' kixk'e jun xchaq'rab' eb' laj Israel, kixk'e xtaqlankileb'; aran kixyaleb' rix.

Jueces 2:23

Jo'kan naq li Qaawa' ink'a' kirisiheb' sa' junpaat li tenamit li ink'a' xq'axtesihomeb' sa' ruq' laj Josué, kixkanab'eb' b'an chi wank sa' li xna'ajeb'.