Jueces 2:19 - Q'eqchi Bible

¹⁹ Ab'an naq nakamk laj k'amol b'e, eb' laj Israel neke't'ane'k wi' chik sa' li maak, ut q'axal wi' chik yib'ru neke'xb'aanu chiruheb' li xna' xyuwa'eb': neke'xik chirixeb' li jalanil yos, neke'xloq'oni ut neke'xwiq'ib' rib' chiruheb'. Tik ink'a' neke'raj xkanab'ankil li xna'leb'eb' li xna' xyuwa'eb' chi moko li xmaa'usilaleb'.

Li Santil hu

¹⁹ Ut nak nacam laj rakol a̱tin, nequeꞌoc cuiꞌchic xba̱nunquil li ma̱usilal eb laj Israel ut kꞌaxal cuiꞌchic yibru li nequeꞌxba̱nu chiru li queꞌxba̱nu chak lix naꞌ xyucuaꞌeb. Nequeꞌxlokꞌoni li jalanil dios ut nequeꞌcꞌanjelac chiruheb. Ut incꞌaꞌ nequeꞌxcanab xba̱nunquil li ma̱usilal xban nak kꞌaxal cauheb xchꞌo̱l.

Jueces 2:19 ပူးပေါင်းရင်းမြစ်များ

Jueces 8:33

Chirix li xkamik laj Jedehón eb' laj Israel ke'xmux wi' chik li xpaab'aaleb' rik'ineb' laj Bahal ut ke'xk'e laj Bahal-Berit cho'q xyoseb'.

Jueces 4:1

Naq kikamk laj Ehud, eb' laj Israel ke'ok wi' chik chi xb'aanunkil li ink'a' nawulak chiru li Qaawa';

San Mateo 23:32

Chenujob'resi b'i' li xb'isleb' leena' leeyuwa'!

Jeremías 23:17

Neke'xye reheb' li neke'majewank we: «Li Qaawa' xye naq wanqex sa' tuqtuukil usilal». Ut reheb' li neke'xb'aanu li naraj li xjipileb': «Maajun rahilal taachalq sa' eeb'een», chankeb'”.

Jeremías 16:12

Ut laa'ex q'axal yib' wi' chik ru xeb'aanu chiruheb' a'an, xb'aan naq li junjunq eere laa'ex naxb'aanu li maa'usilal li naraj xch'ool xb'aanunkil ut ink'a' ajwi' nikineepaab'.

Jeremías 3:17

Chiruheb' li kutan a'an, Jerusalén tixk'ab'a'in: «Xk'ojarib'aal li Qaawa'», ut chixjunileb' li tenamit te'xch'utub' rib' rik'ineb' laj Jerusalén sa' xk'ab'a' li Qaawa', chi ink'a' chik taaxik xch'ooleb' chirix li maa'usilal xk'uub'ahomeb' xb'aanunkil.

Salmos 78:8

Re naq ink'a' te'xb'aanu kama'eb' li xna' xyuwa'eb': eb' a'an tz'aqal aj q'etoleb' aatin chaq ut kaweb' xjolom, a'aneb' jun tenamit li kok'aq xsa' nach'inank xch'ool ut naxq'et li xchaq'rab' li Qaawa'.

1 Samuel 15:23

Li xq'etb'al li xchaq'rab' li Yos, a'an maak kama' li q'ehink; ut li xtz'eqtaanankil li raatin li Qaawa', a'an ajwi' maak kama' li loq'onink chiru li jalanil yos. Jo' laa'at xatz'eqtaana li raatin li Qaawa', jo'kan ajwi' tatxtz'eqtaana A'an anaqwan, re naq ink'a' chik tat-awab'ejinq”.

Jueces 2:7

Eb' li tenamit ke'k'anjelak chiru li Qaawa' jo' najtil yo'yo laj Josué rochb'eeneb' li cheekel winq li rilomeb' junxil chixjunil li sachb'ach'oolej uxb'il xb'aan li Qaawa' reheb' laj Israel.

Josué 24:31

Eb' laj Israel ke'k'anjelak chiru li Qaawa' naq toj yo'yo laj Josué. Jo'kan ajwi' ke'xb'aanu chiruheb' li cheekal winqeb' li toj ke'kanaak naq kikamk laj Josué, a'eb' li neke'nawok re chixjunil li xninqal xb'aanuhom li Qaawa' cho'q reheb' laj Israel.

Génesis 6:11

Li Yos kixk'e reetal naq oso'jenaq sa' li maak li ruuchich'och' ut numtajenaq li xmaa'usilaleb'.

Deuteronomio 31:29

Ninnaw naq akaq xinkamk chik, taapo'q leena'leb'; teekanab' li b'e xink'ut cheru ut naab'al li rahilal taachalq sa' eeb'een sa'eb' li kutan chaalel, xb'aan teeb'aanu li ink'a' us chiru li Qaawa' ut teechiq' xjosq'il rik'in leeyib' aj b'aanuhom”, chan laj Moisés.

Jueces 2:18

Naq li Qaawa' naxwaklesi junaq aj k'amol b'e, A'an ajwi' natenq'ank re. Jo' najtil yo'yooq laj k'amol b'e, li Qaawa' naxkoleb' laj Israel sa' ruq'eb' li xik' neke'ilok reheb', xb'aan naq naxtoq'ob'a ruheb' li neke'tz'uyink xb'aaneb' laj rahob'tesinel li neke'numtaak sa' xb'eeneb'.

Jueces 2:20

Jo'kan naq kichalk xjosq'il li Qaawa' sa' xb'een li tenamit Israel, ut kixye: “Li tenamit a'in ke'xq'et li sumwank kink'ojob' rik'ineb' li xna' xyuwa'eb'. Ink'a' ke'rab'i xyaab' linkux.

Ezequiel 20:30

“Ye reheb' laj Israel: «Jo'ka'in xye li Qaawa': Ma toj yooqex chi xmuxb'al eerib' jo' ke'xb'aanu chaq eb' leena' leeyuwa'? K'a'ut naq toj yookex chi xloq'oninkil ru eb' li jalanil yos?

Éxodo 32:7

Toja' naq li Qaawa' kiraatina laj Moisés ut kixye re: “Ayu, kub'en sa' li tzuul, xb'aan naq xe'maakob'k laatenamit, li kawisiheb' chaq aran Ejiipt.

Jueces 10:13

A'ut laa'ex xineetz'eqtaana ut xex'ok chi xloq'oninkileb' li jalanil yos. Jo'kan naq ink'a' chik texinkol anaqwan.

Nehemías 9:28

“Ab'an naq toje'aq rokikeb' sa' tuqtuukilal, ke'ok wi' chik chi maakob'k chawu; jo'kan naq kakanab'eb' sa' ruq'eb' li xik' neke'ilok reheb', li ke'numtaak sa' xb'eeneb'. Ke'xjap reheb' re xtz'aamankil xtenq'ankileb' aawe, ut laa'at toj sa' choxa kawab'iheb' chaq: xb'aan xnimal laarahom naab'al sut kakoleb'.