Jueces 2:17 - Q'eqchi Bible

¹⁷ Ab'anan chi moko chiruheb' laj k'amol xb'eheb' ke'ab'ink, koho b'an chik xch'ooleb' chirixeb' li jalanil yos ut ke'xwiq'ib' rib' chiruheb'. Sa' junpaat ke'xkanab' li xb'e li xna' xyuwa'eb' li neke'xk'e xch'ool chi xpaab'ankil li xtaqlahom li Qaawa', ut ink'a' ke'xkanesi reheb' a'an.

Li Santil hu

¹⁷ Abanan eb laj Israel incꞌaꞌ ajcuiꞌ queꞌabin chiruheb laj rakol a̱tin. Toj yo̱queb ajcuiꞌ chixlokꞌoninquil li jalanil dios. Eb aꞌan incꞌaꞌ queꞌxba̱nu li naxye lix chakꞌrab li Ka̱cuaꞌ joꞌ queꞌxba̱nu chak lix xeꞌto̱nil yucuaꞌeb najter.

Jueces 2:17 ပူးပေါင်းရင်းမြစ်များ

Gálatas 1:6

Nasachk inch'ool xb'aan naq q'axal junpaat yookex chi xkanab'ankil li Yos li kib'oqok eere sa' xk'ab'a' li rusilal li Kriist, ut jalan chik evangelio yookex chi xpaab'ankil.

Deuteronomio 9:12

ut kixye we: «Ayu, kub'en chi junpaat, xb'aan naq laatenamit li kawisiheb' chaq Ejiipt xe'xpo' xch'ooleb'. Sa' junpaat xe'xkanab' li b'e ink'utum chiruheb' ut xe'xyiib' jun li yos yiib'anb'il rik'in ch'iich'», chan.

Jueces 2:7

Eb' li tenamit ke'k'anjelak chiru li Qaawa' jo' najtil yo'yo laj Josué rochb'eeneb' li cheekel winq li rilomeb' junxil chixjunil li sachb'ach'oolej uxb'il xb'aan li Qaawa' reheb' laj Israel.

Oseas 2:2

Li Qaawa' kixye chi jo'ka'in: “Q'usumaq leena', jitomaq, xb'aan naq moko insum'aatin ta chik, ut moko laa'in ta chik li xb'eelom. Xkanab'aq li yumb'eetak ut mixsik'eb' chik li xsum.

Salmos 106:43

K'iila sut li Qaawa' kixkol li xtenamit, a'ut eb' a'an ke'xq'etq'eti rib' chiru ut ke'sub'e'k chi junajwa sa' li xmaakeb'.

Salmos 106:39

ke'xtz'ajni rib' rik'in li xb'aanuhomeb', ke'xmux rib' rik'in li maa'usilal ke'xb'aanu.

Salmos 73:27

Eb' li neke'najto'k aawik'in, te'oso'q; laa'at tatsachoq ruheb' li neke'xmux laarahom.

1 Samuel 12:19

“Chattijoq chiqix laa'o aj k'anjel chawu -chankeb' li tenamit-. Chatz'aama chiru li Qaawa' laaYos, naq ink'a' tookamq, xb'aan naq xqatiq roq li qamaak naq xqapatz' qa'awab'ej”.

1 Samuel 12:17

Ma maawa' tab'i' anaqwan xq'ehil li q'olok triiw? Us b'i', tinyaab'a xk'ab'a' li Qaawa' re naq tixk'e chaq li kaaq ut li hab'. Chi jo'kan teenaw ut teek'e reetal naq nimla maak chiru li Qaawa' li xpatz'b'al jun li awab'ej cho'q eere”.

1 Samuel 12:12

A'ut naq kek'e reetal naq laj Najás, awab'ej re Amón, kichalk sa' eeb'een, keye we: «Ink'a', tqaj junaq awab'ej li taataqlanq sa' qab'een», chankex. Ut keye chi jo'kan, us ta li Qaawa' a'an leeYos.

Josué 24:31

Eb' laj Israel ke'k'anjelak chiru li Qaawa' naq toj yo'yo laj Josué. Jo'kan ajwi' ke'xb'aanu chiruheb' li cheekal winqeb' li toj ke'kanaak naq kikamk laj Josué, a'eb' li neke'nawok re chixjunil li xninqal xb'aanuhom li Qaawa' cho'q reheb' laj Israel.

Josué 24:24

Ut li tenamit ke'xye re laj Josué: “A' li Qaawa' li qaYos taaqak'anjela ru ut chiru A'an toopaab'anq”, chankeb'.

Deuteronomio 9:16

ut kiwil naq laa'ex kexmaakob'k chiru li Qaawa' leeYos naq keyiib' jun li saaj wakax rik'in ha'lesinb'il ch'iich': sa' junpaat kekanab' li b'e xk'utum cheru li Qaawa'.

Levítico 17:7

Ut maajun wa chik te'xq'axtesi li xmayejeb' reheb' li maa'us a'an, li ke'xloq'oni chaq. A'an a'in jun chaq'rab' wanq xwankil cho'q reheb' chi junelik q'e kutan.

Éxodo 32:8

Sa' junpaat xe'risi rib' sa' li b'e xink'ut chiruheb'. Xe'xyiib' jun saaj wakax rik'in oor ut xe'xhupub' rib' chiru; xe'xyeechi'i xmayejeb' ut xe'xye: «A'an a'in laayos, a Israel. A'an ki'isink chaq aawe sa' li tenamit Ejiipt»”.

Amós 2:4

Jo'ka'in kixye li Qaawa': “Ak k'iila sut xinkuy xmaakeb' laj Judá ut anaqwan maak'a' chik xkuyb'al, xb'aan naq xe'xtz'eqtaana li xchaq'rab' li Qaawa' ut ink'a' xe'xpaab' li raatin. Xe'xk'e rib' chi b'alaq'iik xb'aaneb' li yal k'oxlanb'il yos, jo' ke'xb'aanu eb' li xmama' rixa'aneb'.

Deuteronomio 31:16

Toja' naq li Qaawa' kixye re laj Moisés: “K'e reetal, chi seeb' tatq'ajq tatsutq'iiq rik'ineb' laana' laayuwa', ut li tenamit a'in te'xtikib' xmuxb'al rib' rik'ineb' li jalanil yos, xyoseb' li ch'och' toxe'okaq wi'. Tine'xkanab' ut te'xq'et li Sumwank kinb'aanu rik'ineb'.

Deuteronomio 31:18

Ab'anan laa'in tinmuq li wu sa' li kutan a'an xb'aan chixjunil li maa'usilal xe'xb'aanu naq xkoheb' chirixeb' li jalanil yos.

Jueces 8:33

Chirix li xkamik laj Jedehón eb' laj Israel ke'xmux wi' chik li xpaab'aaleb' rik'ineb' laj Bahal ut ke'xk'e laj Bahal-Berit cho'q xyoseb'.

Jeremías 3:6

Naq toj wank chi awab'ejil laj Josías, li Qaawa' kixye we: “Ma xak'e reetal li xb'aanu laj Israel, laj q'etol aatin? Xkoho sa' xb'eeneb' chixjunil li tzuul jo'wi' rub'elatq li ninqi che' re xmuxb'al rib' aran.

Jeremías 6:16

Jo'ka'in kixye li Qaawa': “Xaqlinqex sa'atqeb' li b'e ut ilonqex, patz'omaq chirixeb' li najter b'e b'ar wank li b'e chaab'il; a'an li b'e teek'am re naq sa chik texwanq”. A'ut eb' a'an ke'xye: “Ink'a' naqaj xik sa' li b'e a'an”, chankeb'.