Jueces 2:15 - Q'eqchi Bible

¹⁵ Yalaq b'ar neke'xik chi yalok eb' laj Israel, li ruq' li Qaawa' nachalk sa' xb'eeneb' re xrahob'tesinkileb', jo' chanru xyehom li Qaawa' sa' jurament. Makach'in li ra ke'xk'ul!

Li Santil hu

¹⁵ Nak nequeꞌxic chi pletic yalak bar, li Ka̱cuaꞌ incꞌaꞌ chic naxtenkꞌaheb. Incꞌaꞌ chic naxcoleb chiruheb li xicꞌ nequeꞌiloc reheb. Quixcanabeb ban chi rahobtesi̱c joꞌ quixye reheb. Kꞌaxal ra queꞌxcꞌul joꞌ quiyeheꞌ reheb xban li Ka̱cuaꞌ.

Jueces 2:15 ပူးပေါင်းရင်းမြစ်များ

2 Corintios 4:8

Rahob'tesinb'ilo rik'in chixjunil, ab'an moko yeq'inb'ilo ta chi junajwa; wanko sa' ch'a'ajkilal, ab'an ink'a' nach'inank qach'ool;

Miqueas 2:3

Jo'kan naq li Qaawa' xye chi jo'ka'in: “Laa'in ajwi' xink'uub' jun rahilal cho'q eere. Tintaqla sa' eeb'een jun rahilal li ink'a' texruuq wi' xkolb'al eerib'; ut ink'a' chik texb'eeq chi wanq eewankil, xb'aan naq chalk re xkutankil li sachok.

Jeremías 44:27

K'ehomaq reetal naq yooqin rilb'aleb' re xtaqlankil li rahilal sa' xb'eeneb' ut maawa' re rusilankileb'. Chixjunileb' laj Judá li wankeb' sa' xteepal Ejiipt te'sache'q ru xb'aan li raaxiik' ut li we'ej, toj reetal naq maajun chik tkanaaq.

Jeremías 44:11

«Jo'kan naq laa'in li Qaawa', li xYos laj Israel, ninye chi jo'ka'in: K'ehomaq reetal, tintaqla chaq li rahilal sa' eeb'een, re xsachb'al ru chixjunil Judá.

Jeremías 21:10

Xb'aan naq xink'uub' xrahob'tesinkil li tenamit a'in ut ink'a' chik nawaj rusilankil. Tinq'axtesi sa' ruq' li awab'ej re Babilonia, ut a'an taak'atoq re -chan li Qaawa'-.

Jeremías 18:8

Ab'anan wi li tenamit a'an naxkanab' xb'aanunkil li maa'usilal, laa'in ink'a' chik tinrahob'tesi jo' k'uub'k'u inb'aan.

1 Samuel 30:6

K'ajo' li xk'a'uxl laj David xb'aan naq eb' li wankeb' rochb'een yookeb' chi xk'oxlankil xteninkil chi pek: jwal raheb' sa' xch'ool li tenamit, li junjunq chirixeb' li xkok'al. Ab'an laj David kixtaw xkawub' li xch'ool rik'in li Qaawa' li xYos

1 Samuel 14:24

Q'axal ra wankeb' laj Israel sa' li kutan a'an, xb'aan naq laj Saúl kixb'aanu li jurament a'in: “Tz'eqtaananb'ilaq li ani taawa'aq hoon naq toj maji' na'ok li q'oqyink, wi toj maji' nink'eheb' li xik' neke'ilok we chi xtojb'aleb' li xmaakeb'”. Jo'kan naq maajun reheb' li tenamit kiwa'ak.

1 Samuel 13:6

Naq eb' laj Israel ke'ril li ch'a'ajkilal wankeb' wi' ut li nimla rahilal yo chi chalk sa' xb'eeneb', koxe'xmuq rib' sa'eb' li ochoch pek, sa'atqeb' li xhopolal ut x'atz'alaleb' li saqoonak, rub'elatq ch'och' ut sa'eb' li kumb'-ha'.

Jueces 10:9

Eb' laj Amón ke'nume'k junpak'al li nima' Jordán re yalok ajwi' rik'ineb' laj Judá, eb' laj Benjamín ut eb' laj Efraín. Ut q'axal ra ke'xk'ul eb' laj Israel.

Li xHu LIX RUT 1:13

ma toj teeroyb'eni tab'i' naq te'winqo'q? Ma toj texkanaaq chi jo'kan chi ink'a' texsumlaaq xb'aan a'an? Ink'a', ex inko'. Ak xk'ehom li Qaawa' naab'al li rahilal sa' inb'een; ab'anan q'axal ra wi' chik sa' inch'ool wi ta twil naq laa'ex wanqex sa' rahil ch'oolej inb'aan laa'in.

Deuteronomio 18:20

Ab'an wi li propeet taa'aatinaq sa' ink'ab'a' chi ink'a' xinye laa'in, malaj taa'aatinaq sa' xk'ab'a'eb' li jalanil yos, li propeet a'an taakamq», chan li Qaawa'.

1 Samuel 12:15

Ab'anan wi ink'a' teerab'i xyaab' xkux li Qaawa', wi teeq'etq'eti eerib' chiru li xtaqlahom, li ruq' li Qaawa' taa'aalo'q sa' eeb'een ut sa' xb'een li awab'ej.

2 Crónicas 12:1

Naq laj Robohán xk'ojlaak chik xwankil ut kireek'a naq jwal kaw rib', kixkanab' xpaab'ankil li xchaq'rab' li Qaawa'. Jo'kan ajwi' ke'xb'aanu chixjunileb' laj Israel.