Jueces 2:14 - Q'eqchi Bible

¹⁴ Jo'kan naq li Qaawa' kichalk xjosq'il sa' xb'eeneb' laj Israel. Kixq'axtesiheb' sa' ruq'eb' laj elq' li ke'maq'ok chixjunil li k'aru wank reheb', kixk'ayeb' sa' ruq'eb' li xik' neke'ilok reheb', li wankeb' chi nach', ut ink'a' chik ke'xkuy xkolb'aleb' rib' chiruheb'.

Li Santil hu

¹⁴ Cꞌajoꞌ nak quichal xjoskꞌil li Dios saꞌ xbe̱neb laj Israel. Joꞌcan nak quixkꞌaxtesiheb saꞌ rukꞌeb laj e̱lkꞌ ut qui-elkꞌa̱c chixjunil li cꞌaꞌru cuan reheb. Quixkꞌaxtesiheb saꞌ rukꞌeb li xicꞌ nequeꞌiloc reheb, li cuanqueb chi nachꞌ riqꞌuineb ut eb aꞌan chic queꞌnumta saꞌ xbe̱neb. Ut eb laj Israel incꞌaꞌ queꞌxcuy xcolbaleb rib chiruheb.

Jueces 2:14 ပူးပေါင်းရင်းမြစ်များ

2 Reyes 17:20

Toja' naq li Qaawa' kixtz'eq chirix xch'ool eb' li ralal xk'ajoleb' laj Israel, kixk'ut xxutaaneb' ut kixq'axtesiheb' sa' ruq'eb' laj elq', toj reetal kirisiheb' sa' li xna'ajeb'.

Deuteronomio 32:30

Chanru naq jun chi winq xraanilasiheb' lajeek'aal rox o'q'ob' (1,000) chi winq, ut wiib' chi winq xe'raanilasiheb' k'iila o'q'ob'? Ma ink'a' tab'i' xb'aan naq li Qaawa', laj Ilol reheb', kixkanab'eb' xjuneseb' ut kixq'axtesiheb' sa' ruq' li xik' na'ilok reheb'?

Jueces 10:7

Jo'kan naq kichalk xjosq'il li Qaawa' sa' xb'eeneb' laj Israel ut kixq'axtesiheb' sa' ruq'eb' laj Filistea ut eb' laj Amón,

Jueces 4:2

jo'kan naq li Qaawa' kixq'axtesiheb' sa' ruq' laj Jabín, awab'ej re Kanahán, li yo chi awab'ejink aran Jasor. Li xjolomil chixjunileb' laj puub', a'an laj Sísara, li nawank sa' li na'ajej Jaróset-Hakohín.

Levítico 26:37

Te'xtich rib' chirib'ileb' rib' kama' tawi' naq yooqeb' chi elelik chiru li nimla yalok, us ta maajun taa'aanilasinq reheb'. Maajun eere taaruhanq chi xkolb'al rib' chiruheb' li xik' neke'ilok eere.

2 Crónicas 36:16

Ab'anan eb' a'an ke'xse'e eb' li xtaql li Yos, ke'xtz'eqtaana li raatineb', ke'reetz'uhatq li xpropeet, toj reetal kichalk xjosq'il li Qaawa' rik'in li xtenamit ut maak'a' chik kikolok reheb'.

Jeremías 37:10

Us ta texnumtaaq sa' xb'eeneb' laj Kaldeha li yookeb' chi yalok eerik'in, ut yal wiib' oxib'eb' aj chik te'kole'q chi tiq'ilkaqeb', ab'an eb' a'an chixjunqaleb' raj te'wakliiq wi' chik sa' li xmuheb'aaleb' ut te'xk'e xxamlel li tenamit a'in”.

Isaías 50:1

Jo'ka'in kixye li Qaawa': “Ma wank b'araq li xhuhil li jachok ib', reetalil naq xintz'eqtaana leena'? Malaj xexink'ayi ta laa'ex, re xtojb'al link'as? K'ehomaq reetal naq laa'ex xexk'ayiik xb'aan leemaak; xb'aan ajwi' leeq'etb'a aatin xtz'eqtaanaak leena'.

Salmos 44:12

Xoohaaq'axtesi chi kamk jo' na'uxk reheb' li karneer, ut xoohaacha'cha'i sa'atqeb' chixjunil li tenamit.

2 Crónicas 15:5

Chiruheb' li kutan a'an, maak'a' chaq tuqtuukilal cho'q reheb' li tenamit, junes b'an xninqal rahilal kixib'esink reheb' chixjunileb' li poyanam wankatqeb' sa'eb' li tenamit.

Jueces 1:34

Eb' laj Amor ke'raanilasiheb' laj Dan toj sa'eb' li tzuul ut ink'a' ke'xkanab'eb' chi kub'eek sa' li taq'a ru.

Jueces 1:19

Ab'anan us ta li Qaawa' wank rik'ineb' laj Judá li ke'eechanink re li tzuul, ink'a' ke'ruuk risinkileb' li wankeb' sa' li taq'a ru, xb'aan naq eb' a'in wankeb' xb'eleb'aal ch'iich'.

Deuteronomio 28:58

“Wi ink'a' taak'e aach'ool chi xk'anjelankil chixjunil li raatinul li chaq'rab' a'in, li tz'iib'anb'il sa' li tasb'il hu a'in, ut wi ink'a' taawoxloq'i li xloq'laj k'ab'a' li Qaawa' laaYos, li Nimajwal,

Deuteronomio 28:25

Li Qaawa' tixk'e naq eb' li xik' neke'ilok aawe te'xq'ax aawu: sa' jun ruq'b'e toxaak'uleb' ut sa' wuqub' chik ruq'b'e tat-eleliq chiruheb', ut laa'at xiwajelaqat chiruheb' chixjunil li awab'ejilal sa' ruuchich'och'.

Deuteronomio 28:20

“Li Qaawa' tixtaqla chaq sa' aab'een li ink'a' us, li juk'leek ut chixjunil li yot'ik ch'oolej sa' chixjunil laak'anjel toj reetal tat-oso'q ut tatkamq chi junpaat xb'aan li maa'usilal xab'aanu naq xinaakanab'.

Números 32:14

Ut anaqwan laa'ex chik xek'amchi'i xna'leb'eb' leena' leeyuwa' jo' ralal xk'ajoleb' laj maak: teeraj wi' chik xchiq'b'al xjosq'il li Qaawa' sa' xb'eeneb' laj Israel!

Levítico 26:28

taanumtaaq linjosq'il sa' eeb'een ut texinrahob'tesi wuqub' sutaq wi' chik xb'aan leemaak.

Jueces 2:20

Jo'kan naq kichalk xjosq'il li Qaawa' sa' xb'een li tenamit Israel, ut kixye: “Li tenamit a'in ke'xq'et li sumwank kink'ojob' rik'ineb' li xna' xyuwa'eb'. Ink'a' ke'rab'i xyaab' linkux.

Jueces 3:12

Eb' laj Israel ke'xb'aanu wi' chik li ink'a' nawulak chiru li Qaawa'; jo'kan naq li Qaawa' kixnimob'resi xwankil laj Eklón, awab'ej re Mohab, sa' xb'eeneb' laj Israel, xb'aan naq ke'xb'aanu li ink'a' nawulak chiru li Qaawa'.

2 Samuel 7:11

naq xinxaqab'eb' aj k'amol b'e sa' xb'een lintenamit Israel. Laa'in tink'eheb' li xik' neke'ilok aawe chi wank sa' usilal aawik'in. Ut ninye resil aawe naq laa'in li Qaawa' tink'eheb' aawalal aak'ajol.

2 Reyes 13:3

K'ajo' naq kijosq'o'k li Qaawa' sa' xb'eeneb' laj Israel ut kixq'axtesiheb' rub'el xwankil laj Jasahel, awab'ej re Aram, jo'wi' sa' ruq' laj Ben-Adad, li ralal, chiruheb' li kutan a'an.

Nehemías 9:27

Jo'kan naq kaq'axtesiheb' sa' ruq'eb' li xik' neke'ilok reheb' ut naab'al li rahilal ke'xk'ul. Moqon chik, naq yo xrahob'tesinkileb', ke'xjap reheb' re xtz'aamankil xtenq'ankileb' aawe, ut laa'at toj sa' choxa kawab'iheb' chaq: sa' xk'ab'a' xnimal laawusilal kataqlaheb' winq li ke'kolok reheb' sa' ruq'eb' laj rahob'tesinel.

Levítico 26:17

Laa'in tinjosq'o'q eerik'in ut eb' li xik' neke'ilok eere te'xq'ax eeru; te'numtaaq sa' eeb'een eb' li neke'kaqalink eere, ut tento tex'eleliq chi maajun taa'aanilasinq eere.

Números 32:13

Q'axal kijosq'o'k li Qaawa' rik'ineb' laj Israel ut kixk'eheb' chi xb'eeninkil rib'eb' sa' li chaqich'och' chiru ka'k'aal chihab', toj reetal ke'oso'k chixjunileb' li ke'xb'aanu li ink'a' us chiru.

Josué 23:16

“Wi teeq'et li Sumwank li kixb'aanu li Qaawa' leeYos eerik'in, wi teeloq'oni ruheb' li jalanil yos ut teehupub' eerib' chiruheb', li xjosq'il li Qaawa' taachalq sa' eeb'een ut tex'oso'q sa' junpaat sa' li xchaq'alil ru ch'och' a'in li xk'ehom eere li Qaawa'”.

2 Samuel 24:1

Li Qaawa' kichalk wi' chik xjosq'il sa' xb'eeneb' laj Israel ut kixchiq' xjosq'il laj David sa' xb'eeneb' re naq trajla chixjunileb' laj Israel ut laj Judá.

2 Crónicas 28:5

Li Qaawa' li xYos kixq'axtesi laj Ajás sa' ruq' li awab'ej re Aram, ut kik'ame'k sa' li tenamit Damaask. Kiq'axtesiik ajwi' sa' ruq' li awab'ej re Israel, ut q'axal ra kixk'ul.

Salmos 44:11

Xoohaak'e chi elelik chiru laj xik'il uuchinel, ut eb' li xik' neke'ilok qe xe'xmaq' chiqu li k'aru wank qe.

Isaías 42:24

Ani xkanab'ank chi elq'aak laj Jakob ut xq'axtesink chi rahob'tesiik laj Israel? Ma maawa' tab'i' li Qaawa' li xoomaakob'k chiru? Ink'a' xe'raj xyu'aminkil li raatin chi moko xpaab'ankil li xchaq'rab'.