Jueces 2:1 - Q'eqchi Bible

¹ Naq li x'ánjel li Qaawa' ki'elk chaq Kilkal ut koho Betel, kixye reheb' laj Israel: “Laa'in kin'isink chaq eere Ejiipt ut kexwoksi sa' li ch'och' inyeechi'om reheb' leena' leeyuwa' naq kinye reheb': «Maajaruj tinq'et linSumwank eerik'in.

Li Santil hu

¹ Qui-el ut lix ángel li Ka̱cuaꞌ saꞌ li tenamit Gilgal ut co̱ toj Boquim. Quixye reheb laj Israel: —La̱in quin-isin chak e̱re Egipto ut la̱in xexincꞌam chak saꞌ li naꞌajej aꞌin li xinyechiꞌi reheb le̱ xeꞌto̱nil yucuaꞌ riqꞌuin juramento. Quinye e̱re, “La̱in ma̱ jaruj tinkꞌet li contrato li xinba̱nu e̱riqꞌuin.

Jueces 2:1 ပူးပေါင်းရင်းမြစ်များ

Levítico 26:42

Laa'in taajultiko'q we li Sumwank kinb'aanu rik'in laj Jakob, laj Isahak ut laj Abrahán, ut taajultiko'q we li ch'och'.

Éxodo 20:2

“Laa'in li Qaawa' laaYos, li ki'isink chaq aawe sa' li tenamit Ejiipt, b'arwi' katwank chaq chi munil.

Éxodo 23:20

“K'e reetal, laa'in tintaqla jun lin'ánjel chawu re naq tatril sa' b'e ut tatxb'eres toj sa' li na'ajej li xinkawresi cho'q aawe.

Génesis 12:7

Aran li Qaawa' kixk'ut rib' chiru laj Abrán ut kixye re: “A'eb' laawalal aak'ajol tink'eheb' wi' li ch'och' a'in”. Toja' naq laj Abrán kixyiib' jun li artal re li Qaawa', xb'aan naq aran kixk'ut rib' chiru.

Zacarías 11:10

Toja' naq kintoq linxuq' li naxk'ab'a'in “Sahil wank”, re xsachb'al xwankil li sumwank kixk'ojob' li Yos rik'ineb' chixjunil li tenamit.

Jeremías 14:21

Moohaatz'eqtaana sa' xk'ab'a' laarahom, chi moko chatz'eq chirix laach'ool laaloq'laj k'ojarib'aal. Jultikaq aawe laaSumwank qik'in ut maasach xwankil a'an.

Isaías 63:9

chiru chixjunil li rahilal. Maawa' junaq xtaql chi moko junaq ánjel li kikolok reheb', a' aj b'an wi' li Qaawa' kikolok. Xb'aan li xrahom ut li ruxtaan kixkoleb', kixwaklesiheb' ut kixk'ameb' chaq chi q'unq'u chalen chaq junxil.

Salmos 89:34

Ab'anan junelik tinra laj David ut tintenq'a, junelik tinb'aanu li xinyeechi'i re.

Jueces 13:3

Sa' jun kutan li x'ánjel li Qaawa' kixk'ut rib' chiru li ixq a'in ut kixye re: “Laa'at xma'al ixq ut maak'a' aakok'al;

Jueces 2:5

Jo'kan naq ke'xk'e Bokím cho'q xk'ab'a' li na'ajej a'an, ut aran ke'mayejak chiru li Qaawa'.

Josué 3:10

Rik'in a'in teenaw naq li yo'yookil Yos wank sa' eeyanq ut A'an ajwi' taa'isinq reheb' laj Kanahán, eb' laj Hit, eb' laj Jib, eb' laj Perés, eb' laj Kirkás, eb' laj Amor ut eb' laj Jebús sa' li na'ajej texnume'q wi'.

Deuteronomio 7:9

K'e b'i' sa' xnaq' aawu naq li Qaawa' laaYos a'an tz'aqal Yos, a' li Yos tiik xch'ool li naxpaab' li xSumwank ut junelik wank li xrahom rik'ineb' li neke'rahok re ut neke'xpaab' li xchaq'rab'.

Deuteronomio 4:34

Ma wank junaq yos xolxsik' ta xtenamit sa' xyanqeb' jalan chik tenamit rik'in xyalb'al rix ut xninqal eetalil, sachb'ach'oolej ut yalok u, rik'in xkawilal li ruq' ut li xtel, jo'wi' rik'in xninqal rahilal, jo' kixb'aanu sa' xnaq' eeru li Qaawa' leeYos eerik'in aran Ejiipt?

Números 14:34

Chiru ka'k'aal kutan xeyal eeq'e chi xk'eeb'al reetal chanru li tenamit. Chiru ka'k'aal chihab' ajwi' teeriiqani leemaak, junq chihab' te'xtoj rix li junq kutan. Chi jo'kan teenaw k'aru naxk'ul li ani naxq'etq'eti rib' chiwu».

Levítico 26:44

“Ab'an chirix chixjunil a'in, us ta wanqeb' chaq sa' xtenamiteb' li xik' neke'ilok reheb', laa'in ink'a' te'sachq sa' inch'ool, ink'a' tintz'eqtaanaheb'; moko tinsach ruheb' chi junajwa, chi moko tsachq sa' inch'ool li Sumwank kinb'aanu rik'ineb', xb'aan naq laa'in li Qaawa', li xYoseb'.

Éxodo 33:14

Kichaq'ok li Qaawa' ut kixye re: “Laa'in tin'ochb'eeninq aawe ut tatink'e chi hilank”.

Éxodo 14:19

Toja' naq li x'ánjel li Yos li yo chi k'amok xb'eheb' laj Israel kixjal xna'aj ut kiq'axonk chirixeb'. Jo'kan ajwi' li choql li wank chi uub'ej ki'elk aran ut koxk'e rib' chi ixb'ej:

Éxodo 14:14

Li Qaawa' taayaloq cherix. Mexk'oxlak”.

Génesis 48:16

li ánjel li kikolok we chiru chixjunil li ink'a' us, chi'osob'tesinq taxaq reheb' li kok'al a'in. Che'xk'ab'a'in ta link'ab'a' ut li xk'ak'a'eb' linyuwa'ilq laj Abrahán ut laj Isahak: che'alanq ut che'k'ihanq sa' ruuchich'och'”.

Génesis 16:13

Toja' naq lix Agar kixk'e “laa'at li Yos li na'ilok we” cho'q xk'ab'a' li Yos ki'aatinank re, xb'aan naq kixye sa' xch'ool: “Arin xwil ru li na'ilok we”.

Malaquías 3:1

Li Nimajwal Yos kixye chi jo'ka'in: “K'ehomaq reetal, laa'in tintaqla lintaql re xtuqub'ankil linb'e. Chi seeb' li Qaawa', li yookex chi xsik'b'al, taa'ok sa' li rochoch. Chalk re laj yehol resil li sumwank, li raaro eeb'aan!”.

Jueces 6:8

li Qaawa' kixtaqla jun li propeet rik'ineb' re xyeeb'al reheb': “Jo'ka'in xye li Qaawa', xYos laj Israel: «Laa'in kin'isink chaq eere Ejiipt b'arwi' kexwank chaq chi munil.

Jueces 13:2

Aran Sorá kiwank jun li winq, xkomoneb' li ralal xk'ajol laj Dan, aj Manóhaj xk'ab'a'. Li rixaqil a'an xma'al ixq, maak'a' xkok'al.

Deuteronomio 1:8

Ilomaq: laa'in xinq'axtesi li ch'och' a'an sa' eeruq'. Ayuqex ut eechaniiq li na'ajej li kixyeechi'i li Qaawa' sa' jurament reheb' leexe'toonil yuwa' laj Abrahán, laj Isahak ut laj Jakob, jo'wi' reheb' li ralal xk'ajoleb'», chan li Qaawa'.

Jueces 11:24

Ma ink'a' tab'i' ak wank aawe chixjunil li ch'och' li kixsi aawe laj Kamós laayos? Jo'kan ajwi' laa'o. Chixjunil li kixsi qe li Qaawa' li qaYos chi qeechani, a'an qe laa'o.

Salmos 89:3

Tinye naq k'ojk'o laawuxtaan chi junelik, li xtiikilal laach'ool xaqxo xwankil sa' choxa.