Jueces 19:6 - Q'eqchi Bible

⁶ Ke'chunlaak chi xkab'ichaleb' ut ke'ok chi wa'ak ut uk'ak. Chirix chik a'an li yuwa'b'ej kixye re li winq: “B'aanu usilal, chanumsi jun q'oqyink chik arin ut taasaho'q laach'ool”, chan.

Li Santil hu

⁶ Ut queꞌchunla chi xcabichaleb ut queꞌcuaꞌac ut queꞌucꞌac. Ut li yucuaꞌbej quixye re li cui̱nk: —Ba̱nu usilal, chanumsi li kꞌojyi̱n arin ut chisahokꞌ saꞌ a̱chꞌo̱l, chan.

Jueces 19:6 ပူးပေါင်းရင်းမြစ်များ

Jueces 19:9

Tojo' naq li b'eelomej rochb'een li ixq ut li xmoos ke'xaqliik re xik, ab'an laj hi' re, li xyuwa' li ixq, kixye re: “K'e reetal, ak x'ewuuk chi us. Numsi li q'oqyink arin ut taasaho'q laach'ool. Wulaj eq'la te'xik ut tatsutq'iiq sa' laawochoch”, chan.

Jueces 16:25

K'ajo' naq ke'saho'k sa' xch'ool li tenamit, ut ke'xye: “B'oqomaq chaq laj Sansón, xk'ehaq xsahil qach'ool”, chankeb'. Jo'kan naq ke'risi chaq laj Sansón sa' li tz'alam, ut a'an kixk'eheb' chi se'ek. Moqon chik ke'xxaqab' sa' xyanq wiib' li roqechal li kab'l.

Li xHu LIX RUT 3:7

Laj Bohos kiwa'ak ki'uk'ak chi sa sa' xch'ool ut koho chi yoklaak chi xk'atq li juntuub' chi seb'aad. Chirix chik a'an kichalk lix Rut timil timil, kixtaqsi li risb' chi roq ut kiyoklaak aran.

Ester 1:10

Sa' xwuq li kutan naq li awab'ej yo xkalajik, kixtaqla xb'oqb'al laj Mehumán, laj Bisetá, laj Jarboná, laj Biktá, laj Abaktá, laj Setar ut laj Karkás, eb' li wuqub' chi winq li wankeb' chi k'anjelak sa' rochoch laj Asuero.

Apocalipsis 11:13

Sa' ajwi' li honal a'an kiwank jun li nimla hiik: li xlaje jachal li tenamit ki'uq'e'k, ut ke'kamk wuqub' mil chi winq xb'aan li hiik; ut eb' li ink'a' ke'kamk, ke'xnima xloq'al li Yos wank sa' choxa chi k'ajo'eb' xxiw.

Apocalipsis 11:10

Toja' naq eb' li wankeb' sa' ruuchich'och' te'ninq'ehiq sa' xk'ab'a'eb' a'an, te'saho'q xch'ool ut te'sihinq chirib'ileb' rib' xb'aan naq eb' li wiib' chi propeet a'in ke'xrahob'tesiheb' li wankatqeb' sa' ruuchich'och'.

1 Ts 5:3

Naq yooqeb' chi xyeeb'al: “Wanko sa' tuqtuukilal ut maak'a' chik qak'a'uxl”, toja' naq taachalq li roso'jikeb' sa' junpaat chi maak'a'aq sa' xch'ooleb', jo' naq nachalk xrahil li alank sa' xb'een li ixq; ut ink'a' naru te'eleliq chiru.

San Lucas 12:19

Toja' naq tinye re li linyu'am: Naab'al linb'ihomal k'uulanb'il cho'q re k'iila chihab'. Tinhilanq b'i', tinwa'aq, tin'uk'aq ut tinninq'ehiq».

Salmos 104:15

li b'iin li nasaho'k wi' xch'ool, li aseeyt re naq taalemtz'unq li xnaq' ru ut li wa li nak'ehok kawilal.

1 Samuel 25:36

Naq lix Abigahil kiwulak sa' rochoch, kixtaw li xb'eelom chi ninq'ehik: k'ajo' li sahil ch'oolej aran, jo' li na'uxmank sa' xninq'e junaq awab'ej. Sa sa' xch'ool laj Nabal ut taakalaaq; jo'kan naq maak'a' kiyehe'k re toj sa' li kutan jun chik.

Jueces 9:27

Eb' a'in koheb' sa' li xna'aj awimq chi sik'ok uub' ut ke'xyatz' re risinkil li xya'al. Chirix chik a'an ke'xtikib' ninq'ehik ut ke'ok sa' rochoch li xyoseb'. Ke'wa'ak, ke'uk'ak ut ke'xmajewa laj Abimélek.

Jueces 19:7

Ut us ta laj Leví kixaqliik re taaxik, laj hi' re kirelaji ru toj reetal kikanaak jun q'oqyink chik.

2 Samuel 13:28

ut kixye reheb' laj k'anjel chiru: “Kawal wanqex. Naq sahaq xch'ool laj Amnón xb'aan li b'iin ut laa'in tinye eere: «Teekamsi», kamsihomaq chi maak'a'aq eexiw, xb'aan naq a'an eetaqlankil inb'aan. Kawaq b'i' eech'ool ut yo'oon wanqex”.

1 Reyes 21:7

Toja' naq li rixaqil kixye re: “Ak xq'ehil xk'utb'al naq laa'at wank aawankil sa' xb'een Israel! Waklin, wa'in ut chisaho'q sa' laach'ool! Laa'in tink'ehoq aawe li rawimq uub' laj Nabot aj Jisrehel”.