Jueces 18:2 - Q'eqchi Bible

² Jo'kan naq eb' laj Dan ke'xsik' ru oob' chi winq kaweb' xch'ool sa' li xjunkab'aleb', ut ke'xtaqlaheb' chi rilb'al li tenamit ut xb'eeninkil. Ke'xye reheb': “Ayuqex ut k'ehomaq chaq reetal chanru li na'ajej”, chankeb'. Ke'elk b'i' aran Sorá ut Estahol ut ke'wulak sa' xtzuulul Efraín, nach' rik'in li rochoch laj Mikaías, ut aran ke'xnumsi li q'oqyink.

Li Santil hu

² Joꞌcan nak eb li ralal xcꞌajol laj Dan queꞌxsicꞌ ruheb o̱b chi cui̱nk cauheb xchꞌo̱l saꞌ xya̱nkeb ut queꞌxtaklaheb chixqꞌuebal retal chanru li naꞌajej. Queꞌxye reheb: —Ayukex ut qꞌuehomak chak retal chanru li naꞌajej, chanqueb. Queꞌel saꞌ eb li tenamit Zora ut Estaol ut queꞌco̱eb saꞌ lix naꞌajeb li ralal xcꞌajol laj Efraín, li tzu̱l ru, ut queꞌxnumsi li kꞌojyi̱n saꞌ li rochoch laj Micaía.

Jueces 18:2 ပူးပေါင်းရင်းမြစ်များ

Jueces 13:25

Ut li xMusiq' li Qaawa' ki'ok chi eek'ank rik'in, aran wankeb' wi' li xmuheb'aaleb' laj Dan, sa' xyanq Sorá ut Estahol.

Josué 2:1

Laj Josué, ralal laj Nun, toj Sitín kixtaqla chaq chi muqmu wiib' laj k'ehol eetal, ut kixye reheb': “Ayuqex ut k'ehomaq reetal li na'ajej ut li tenamit Jerikó”, chan. Eb' a'an koheb' ut koxe'okaq sa' rochoch jun aj yumb'eet, xRajab xk'ab'a', ut aran ke'wark.

Jueces 18:11

Jo'kan naq lajeek'aal xkab' o'q'ob' (600) chi winq li wankeb' xch'iich' ke'elk aran Sorá ut Estahol, sa' xteepal Dan.

Jueces 18:8

Toja' naq ke'sutq'iik chaq Sorá ut Estahol, b'arwi' wankeb' li xkomon, ut eb' a'in ke'xpatz' reheb': “K'aru li esil nekek'am chaq qe?”, chankeb'.

Números 13:17

Laj Moisés kixtaqlaheb' chi rilb'al li tenamit Kanahán, ut kixye reheb': “Taqenqex chiru Nejeb ut moqon chik toxex'okaq sa'eb' li k'iche'b'aal.

San Lucas 14:31

“Malaj junaq awab'ej taaxik chi yalok rik'in jun chik awab'ej, ma ink'a' tab'i' tixk'ojob' rib' xb'enwa chi xk'oxlankil: ma rik'in lajeeb' mil taaruuq chi xik xramb'al li yo chi chalk sa' xb'een rochb'een chaq junmay mil?

Proverbios 20:18

Naq k'uub'anb'il chi us junaq k'anjel, us na'elk. Matxik chi yalok wi ink'a' xak'oxla chi us.

Jueces 19:18

Kisumeek: “Yal nume'k qe. Belén, sa' xteepal Judá, xoochalk chaq ut yooko chi xik sa' xnub'ajlil li xtzuulul Efraín, xb'aan aj aranin. Xinwulak chaq Belén, sa' xteepal Judá, ut anaqwan yookin chi sutq'iik sa' wochoch, ab'anan maajun nayeechi'ink wochochnaal.

Jueces 19:1

Sa'eb' li kutan a'an, naq maak'a'eb' chaq awab'ej aran Israel, kiwank jun li winq aj Leví, sa' xnub'ajlil li xtzuulul Efraín. Kixsik' jun li ixq aj Belén, sa' xteepal Judá, re taawanq rik'in.

Jueces 16:31

Chirix chik a'an ke'kub'e chaq li rech'alal ut chixjunileb' li xkomon, kule'xk'am ut koxe'xmuq sa' xyanq Sorá ut Estahol, sa' li na'ajej muqb'il wi' laj Manóhaj li xyuwa'. Laj Sansón kik'amok b'e chiruheb' laj Israel chiru junmay chihab'.

Jueces 13:2

Aran Sorá kiwank jun li winq, xkomoneb' li ralal xk'ajol laj Dan, aj Manóhaj xk'ab'a'. Li rixaqil a'an xma'al ixq, maak'a' xkok'al.

Josué 19:41

Li xch'och'eb' a'an a'in: Sorá, Estahol, Ir-Semes,

Génesis 42:9

Toja' naq laj José kinaqk sa' xch'ool naq kimatk'ek chirixeb' li ras, ut kixye reheb': “Laa'ex aj ch'uukex; xexchalk arin yal re rilb'al b'ar maak'a'eb' wi' aj k'aak'alehom re li tenamit”, chan.

Josué 15:33

Chiru taq'a a'aneb' a'in li tenamit li ke'tz'aqk eb' laj Judá: Estahol, Sorá, Asná,

Jueces 17:1

Kiwank jun li winq aran sa' xtzuulul Efraín, aj Mikaías xk'ab'a'.

Jueces 18:3

Nach' wankeb' li oob' chi winq rik'in li rochoch laj Mikaías; jo'kan naq ke'xnaw li xyaab' xkux li saaj al aj Leví, ke'jilok chi xk'atq ut ke'xye re: “K'aru yookat arin? Ani xk'amok chaq aawe sa' li na'ajej a'in? K'aru xsachk aawe arin?”, chankeb'.

Josué 2:2

Kiwulak resil rik'in li awab'ej re Jerikó: “K'e reetal, wankeb' winq aj Israel xe'ok chaq arin chi q'eq re xk'eeb'al reetal li tenamit”, chu'uxk re.

Jueces 18:13

Ke'elk aran, koxe'nume'q sa' xb'een xtzuulul Efraín ut ke'wulak sa' rochoch laj Mikaías.