Jueces 17:5 - Q'eqchi Bible

⁵ Sa' rochoch laj Mikaías wank jun tijob'aal. Kixyiib' jun efod jo'wi' xkok' yos, ut kixxaqab' jun li ralal cho'q aj tij.

Li Santil hu

⁵ Saꞌ li rochoch laj Micaía quicuan jun li naꞌajej re xlokꞌoninquil lix dioseb. Quixyi̱b jun li efod ut quixyi̱beb ajcuiꞌ lix dios. Ut quixxakab jun li ralal chi cꞌanjelac chokꞌ aj tij chiruheb li yi̱banbil dios.

Jueces 17:5 ပူးပေါင်းရင်းမြစ်များ

Jueces 18:14

Toja' naq eb' li oob' chi aj k'ehol eetal ke'xye reheb' li xkomon: “Ma ink'a' nekenaw naq sa' li kab'l a'in wank jun efod, wankeb' kok' jalam u ut jun pak'b'il yos? K'oxlahomaq chi us k'aru teeb'aanu”, chankeb'.

Jueces 8:27

Rik'in li oor kiq'axtesiik re, laj Jedehón kixyiib' jun li efod ut kixk'e aran Ofrá, sa' li xtenamit. Ab'an chixjunileb' laj Israel ke'xmux li xpaab'aaleb' xb'aan li efod, li kikanaak jo' jun ra'al cho'q re laj Jedehón ut li xjunkab'al.

Génesis 31:19

Sa' li kutan a'an, naq laj Labán yo chaq chi xb'esb'aleb' rix li xkarneer, lix Rakel kirelq'a li xkok' yoseb' li xyuwa'.

Jueces 18:24

Kichaq'ok laj Mikaías ut kixye: “Xemaq' chiwu linyos li kinyiib' laa'in; xek'am cherix laj tij li yo chi k'anjelak chiwu. Xkohex chi maak'a' xekanab' we, ut toj nekepatz' we k'aru xink'ul?”.

Génesis 31:30

Ninnaw naq laa'at xat-elelik xb'aan naq xawaj ru xik sa' rochoch laayuwa'; ab'anan k'a'ut naq xawelq'aheb' chaq linkok' yos?”.

Oseas 3:4

Jo'ka'in te'xk'ul eb' laj Israel: chiru k'iila kutan te'wanq chi maak'a' x'awab'ejeb' chi moko junaq aj k'amol xb'eheb'; ink'a' chik te'mayejaq chi moko te'wanq xpekeb' li te'xk'e xloq'al; maak'a'aq chik aq'ej cho'q reheb' laj tij chi moko te'wanq yiib'anb'il yos sa' li xjunkab'aleb'.

Éxodo 29:9

taab'ak' chi kaw li xk'aamal xsa'eb' laj Aharón ut eb' li ralal, ut taak'e xlanb'al xjolomeb'. Rehaqeb' a'an li k'anjelak cho'q aj tij: a'an xchaq'rab' li Qaawa' chi junelik. Jo'ka'in naq taaxaqab'eb' xwankil laj Aharón ut eb' li ralal xk'ajol.

Éxodo 28:15

“Taayiib' ajwi' chi chaab'il li pektoral re li q'ehink, pik'b'ilaq ru jo' li efod, yiib'anb'ilaq rik'in oor, kaqinoq' ut moraad, kaqjorinkil noq' ut b'aqb'il liin li jwal chaab'il;

Hebreos 5:4

Ut maa'ani naru tixchap li loq'laj k'anjel a'in cho'q re xjunes rib', ka'aj b'an wi' li b'oqb'il xb'aan li Yos jo' laj Aharón.

Oseas 8:14

Eb' laj Israel xe'xyiib' naab'al li xninqal ru ochoch, ut xsachk sa' xch'ooleb' laj Yoob'tesihom reheb'. Eb' laj Judá xe'xsuttz'aki naab'aleb' li tenamit; a'ut laa'in tink'eheb' xxamlel, ut te'k'ate'q chixjunileb' li xchaq'alil ru ochoch”.

Esdras 1:7

Laj Siro li awab'ej kixq'axtesi chixjunileb' li k'anjelob'aal re li rochoch li Yos, li ke'elq'aak ut ke'k'ehe'k sa' rochocheb' li jalanil yos xb'aan laj Nabukodonosor.

1 Reyes 12:31

Laj Jerobohán kixyiib'atq ajwi' eb' li tijob'aal sa' xjolomeb' li tzuul ut kixxaqab'eb' aj tij li maawa'eb' ralal xk'ajoleb' laj Leví.

1 Samuel 23:6

Naq laj Abiatar, ralal laj Ajimélek, koho eelel wan wi' laj David, kikub'eek aran Kehilá chi wank li efod sa' ruq'.

Éxodo 28:4

A'aneb' a'in li raq' li te'xyiib': jun b'ools li wanq chire xch'ool, pektoral xk'ab'a', jun efod, jun jut-aq' pik'b'ilaq ru, jun chik li aq' li taak'eemanq sa' xb'een, jun punit ut jun xk'aamal xsa'. Te'xyiib' b'i' chi chaab'il eb' li raq' laj Aharón laawas jo'wi' li raq'eb' li ralal xk'ajol, re naq te'k'anjelaq chiwu cho'q aj tij.

Éxodo 24:5

Chirix chik a'an wankeb' saaj al sa' xyanqeb' laj Israel li ke'taqlaak chi xyeechi'inkil k'atb'il xul ut xkamsinkil saaj wakax jo' loq'laj mayej cho'q re li Qaawa'.

Números 3:10

Laj Aharón ut eb' li ralal xk'ajol taaxaqab'eb' chi k'anjelak cho'q aj tij. Wi junaq li maawa' aj tij taanach'oq aran, taakamsiiq”, chan li Qaawa'.

Jueces 17:4

a'in kixchap lajeek'aal (200) chi tumin plaat ut kixk'am rik'in jun aj tenol plaat. Aran kiyiib'amank jun pak'b'il yos li kik'ehe'k sa' rochoch laj Mikaías.

Jueces 18:30

Aran eb' laj Dan ke'xxaqab' li pak'b'il yos re te'xloq'oni. Laj Jonatán, ralal laj Kersón, ralal laj Moisés, jo'wi' eb' li ralal xk'ajol ke'k'anjelak cho'q aj tij chiruheb' li ralal xk'ajol laj Dan chalen toj naq ke'k'ame'k chi najt.

Isaías 44:13

Malaj qilaq li naxb'aanu laj peech': naxb'is li che', naxtz'iib'a junaq eetalil chiru, naxq'otoxi rik'in lach' tz'iib'leb', ut chirix a'an na'ok chi xpech'inkil ru. Chi jo'kan tixyiib' xjalam u junaq poyanam, tz'aqal jo' na'ilok, ut moqon chik tixk'ojob' sa' junaq tijob'aal.

Ezequiel 21:21

Xb'aan naq li awab'ej re Babilonia xxaqliik sa' li xaalib'e ut yo xq'ehinkil b'ar taaxik: naxchiq'le li xsimaj, yo chi patz'ok reheb' li xyos ut rik'in xsaaseb' li xul li kixmayeja.

1 Samuel 19:13

Chirix chik a'an lix Mikal kixchap jun li yiib'anb'il yos ut kixk'e sa' li ch'aat; kixk'e li rix jun chib'aat sa' xjolom ut kixtz'ap rik'in jun li t'ikr.

1 Reyes 12:32

Chirix chik a'an kixxaqab' xkutankil li ninq'e li taawanq sa' li o'laju xb'e li xwaqxaq po, jo' chanru neke'ninq'ehik eb' laj Judá. Ut koxmayejaq chiru li artal aran Betel, sa' xk'ab'a'eb' li wakax kixyiib'. Aran Betel kixxaqab'eb' ajwi' aj tij cho'q reheb' li tijob'aal kixyiib' sa' xjolomeb' li tzuul.

Ezequiel 21:26

Laa'in, li Qaawa', ninye chi jo'ka'in: Taa'isiiq laakoroon chajolom ut li t'ikr nakab'ak' wi' laajolom. Chixjunil taajalaaq ru. Li kub'enaq xwankil taanimaaq ru; ut li naxnima xwankil taakub'siiq xwankil.