Jueces 17:4 - Q'eqchi Bible

⁴ a'in kixchap lajeek'aal (200) chi tumin plaat ut kixk'am rik'in jun aj tenol plaat. Aran kiyiib'amank jun pak'b'il yos li kik'ehe'k sa' rochoch laj Mikaías.

Li Santil hu

⁴ Laj Micaía quixqꞌue li tumin re lix naꞌ. Ut lix naꞌ quixqꞌue cuib ciento li tumin plata re jun aj tenol chꞌi̱chꞌ re nak tixyi̱b lix dios cheꞌ ut tixletz li plata chiru. Ut li yi̱banbil dios aꞌan quiqꞌueheꞌ saꞌ rochoch laj Micaía.

Jueces 17:4 ပူးပေါင်းရင်းမြစ်များ

Jueces 17:3

Toja' naq li winq kixq'axtesi li o'lajuk'aal rox o'q'ob' chi tumin plaat re li xna', ut a'in kixye: “Tinq'axtesi li tumin a'in re li Qaawa' sa' xk'ab'a' linyum. Twaj taayiib'amanq junaq pak'b'il yos”. Naq laj Mikaías kixq'ajsi li tumin re li xna',

Jueces 17:5

Sa' rochoch laj Mikaías wank jun tijob'aal. Kixyiib' jun efod jo'wi' xkok' yos, ut kixxaqab' jun li ralal cho'q aj tij.

Isaías 30:22

Toja' naq teetz'eqtaana leejalanil yos yiib'anb'il rik'in plaat ut leejalam u uutz'u'ujinb'il rik'in oor. Teekuteb' chi najt jo' li mul ut teeye reheb': “Elenqex arin”, cha'qex reheb'.

Isaías 44:13

Malaj qilaq li naxb'aanu laj peech': naxb'is li che', naxtz'iib'a junaq eetalil chiru, naxq'otoxi rik'in lach' tz'iib'leb', ut chirix a'an na'ok chi xpech'inkil ru. Chi jo'kan tixyiib' xjalam u junaq poyanam, tz'aqal jo' na'ilok, ut moqon chik tixk'ojob' sa' junaq tijob'aal.

Deuteronomio 27:15

«Tz'eqtaananb'ilaq li winq li taayiib'anq junaq jalam u rik'in che' malaj rik'in ha'lesinb'il ch'iich' re naq te'xloq'oni sa' muqmu. A'an ink'a' nawulak chiru li Qaawa': yal xyiib'ahom winq rik'in ruq'». Ut chixjunil li tenamit te'chaq'oq ut te'xye: «Jo'kan».

Jueces 18:17

Eb' li oob' chi aj k'ehol eetal ke'taqe'k, ke'ok ut ke'xxok li efod, li kok' jalam u jo'wi' li pak'b'il yos. Ab'an xaqxo laj tij chire li okeb'aal rochb'eeneb' li lajeek'aal xkab' o'q'ob' (600) chi winq wankeb' xch'iich'.

Habacuc 2:18

K'aru aj e li xjalam u junaq k'oxlanb'il yos? A'an yal jalanil yos, aj b'alaq'; a'an yal xb'aanuhom junaq aj peech'. Ma naru tixk'ojob' xch'ool li xyiib'ank re? Xb'aan naq eb' li yiib'anb'il yos ink'a' neke'aatinak.