Jueces 16:7 - Q'eqchi Bible

⁷ Kichaq'ok laj Sansón ut kixye: “Wi tine'xb'ak' rik'in wuqub' xk'aamal simaj li toj maji' chaqi, maak'a'aq chik inmetz'ew ut kama'aqin raj yalaq anihaq chik winq”, chan.

Li Santil hu

⁷ Laj Sansón quixye: —Cui tineꞌxbacꞌ riqꞌuin cuukub chi xcꞌa̱mal li tzimaj li toj ma̱jiꞌ chaki, la̱in ma̱cꞌaꞌak chic inmetzꞌe̱u, chan laj Sansón.

Jueces 16:7 ပူးပေါင်းရင်းမြစ်များ

Colosenses 3:9

Meetik'ti'i eerib' cherib'il eerib', xb'aan naq xerisi chik sa' leech'ool leenajteril yu'am jo'wi' li xk'anjel,

Gálatas 6:7

Meeb'alaq'i eerib', li Yos ink'a' naru xb'atz'unenkil: li k'aru naraw li winq, a'an ajwi' li tixq'ol.

Romanos 3:8

K'a' naq ink'a' tqaye: “Qab'aanuuq li maa'usilal re naq taachalq li usilal”? Wank neke'jitok qe rik'in xyeeb'al naq a'an tz'aqal li yooko chi xk'utb'al chiruheb' li tenamit. Ab'anan relik chi yaal naq eb' li neke'yehok a'an xk'ulub'eb' li tojb'amaak.

Proverbios 17:7

Se'leb'aal naq li maak'a' xna'leb' tixnimob'resi rib' chi aatinak chi chaab'il; jo'kan ajwi' li xnimal ru winq ink'a' us wi na'aatinak sa' tik'ti'.

Proverbios 12:19

Li ani naxye li yaal, wanq chi junelik; a'ut laj tik'ti' ink'a' najt taawanq.

1 Samuel 27:10

Ut laj Akis naxpatz' reheb': “B'ar xexwulak chi sachok sa' li kutan a'in?”, chan; ut laj David naxsume: “Xoowulak Nejeb re Judá”, malaj: “Xoowulak Nejeb re Jerajmehel”, malaj: “Xoowulak Nejeb reheb' laj Ken”, chan.

1 Samuel 19:17

Toja' naq laj Saúl kixye re lix Mikal: “K'a' naq xinaab'alaq'i ut xakanab' chi elelik li xik' na'ilok we?”. Kichaq'ok lix Mikal: “A'an xye we: «Kanab'in chi elelik malaj tatinkamsi»”, chan.

Jueces 16:10

Toja' naq kixye lix Dalila re laj Sansón: “Xinaab'alaq'i xb'aan naq tik'ti' li xaye we. B'aanu usilal, ye we k'a' raj ru tatb'ak'manq wi'”, chan.

Jueces 16:6

Toja' naq lix Dalila kixye re laj Sansón: “B'aanu usilal, ye we b'ar nachalk li xnimal aametz'ew ut k'a' raj ru tatb'ak'manq wi' re naq chapchooqat chi kaw”, chan.

Jueces 16:8

Jo'kan naq eb' li xjolomileb' laj Filistea ke'xk'am rik'in lix Dalila wuqub' xk'aamal simaj li toj maji' chaqi, ut li ixq kixb'ak' laj Sansón.

Jueces 16:9

Ak wankeb' winq muqmuukeb' sa' xwarib'aal lix Dalila naq a'in kixjap re: “We'keb' laj Filistea sa' aab'een, a Sansón!”, chan. Ab'an laj Sansón kixt'up li xk'aamal simaj kama' wi' nat'upe'k li k'atb'il k'aam. Ut eb' laj Filistea ink'a' ke'ruuk xnawb'al b'ar nachalk li xmetz'ew laj Sansón.