Jueces 13:6 - Q'eqchi Bible

⁶ Koho li ixq chi xyeeb'al re li xb'eelom: “Jun li xtaql li Yos xk'ulunk wik'in. K'ajo' naq x'ok ink'a'uxl xb'aan! Kama' li x'ánjel li Yos na'ilok. Moko xinpatz' ta b'ar xchalk chaq chi moko a'an xye we li xk'ab'a'.

Li Santil hu

⁶ Ut li ixk quixserakꞌi re lix be̱lom li cꞌaꞌru quiyeheꞌ re xban li ángel. Quixye re: —Jun li cui̱nk taklanbil xban li Dios xcuulac cuiqꞌuin. Cꞌajoꞌ nak x-oc incꞌaꞌux xban. Joꞌ li aꞌan x-ángel li Ka̱cuaꞌ nak xcuil, ut la̱in incꞌaꞌ xinpatzꞌ re bar xchal chak ut ani, chi moco aꞌan xye cue ani xcꞌabaꞌ.

Jueces 13:6 ပူးပေါင်းရင်းမြစ်များ

1 Samuel 9:6

Kisumeek: “Sa' li tenamit a'in wank jun propeet, nawno ru chi us, xb'aan naq chixjunil li k'aru naxye natz'aqlok ru. Yo'o b'i' aran. Mare chan naq tixye qe b'ar wank li naqasik'”, chan li xmoos laj Saúl.

Deuteronomio 33:1

Laj Moisés, li sik'b'il ru xb'aan li Yos, kirosob'tesiheb' laj Israel, chi rub'eetal li xkamik,

Apocalipsis 1:17

Naq kiwil a'an, kint'ane'k chi hupu chi roq, chanchanin kamenaq kinkanaak, ut a'an kixk'e li xnim uq' sa' inb'een, yo chi xyeeb'al we: “Matxiwak. Laa'in li xb'een ut li rosob'l,

Hechos 6:15

Naq chixjunileb' li k'ojk'ookeb' sa' li raqleb'aal aatin ke'xka'ya laj Esteban, chanchan xnaq' ru junaq ánjel naq ke'ril.

San Lucas 9:29

Ut naq yo chi tijok, kijalano'k li rilob'aal ut li raq' kisaqo'k ut kilemtz'unk.

San Lucas 1:19

Kichaq'ok li ánjel ut kixye re: —Laa'in laj Gabriel li wankin chiru li Yos. Xinxtaqla chaq chawaatinankil ut chi xyeeb'al aawe li chaab'il esilal a'in.

Daniel 10:11

Ut li winq kixye we: «At Daniel, laa'at jun li winq jwal raarookat xb'aan li Yos, k'e aach'ool chi rab'inkil li aatin tinye aawe ut xaqlin, xb'aan naq taqlanb'ilin chaq anaqwan aawik'in». “Naq kiraqe'k chi xyeeb'al eb' li aatin a'in, laa'in kinxaqliik chi ninsiksotk.

Daniel 10:5

kintaqsi li wilob'aal ut kiwil jun li winq tiqto rik'in liin ut b'ak'b'o li xsa' chi k'aamalsa' oor.

Daniel 8:17

Toja' naq kijilok chink'atq ut laa'in kint'ane'k chi hupu chiru ch'och' xb'aan inxiw. A'an kixye we: «At winq, tento taataw ru naq li moy u xawil, a'an reetalil li k'aru taak'ulmanq sa' roso'jikeb' li kutan».

2 Reyes 4:9

Toja' naq li ixq kixye re li xb'eelom: “Xink'e reetal naq li winq a'in, li rajlal nanume'k chi tzekank qik'in, a'an jun xsantil taql li Yos.

1 Timoteo 6:11

A'ut laa'at aj raholat re li Yos, maab'aanu a'in; chayal b'an aaq'e chi xsik'b'al li tiikilal ut li roxloq'inkil li Yos; chasik' li paab'ank, li rahok, li kuyuk ut li tuulanil.

2 Reyes 4:16

Toja' naq laj Eliseo kixye re: “Sa' jun chihab', chiruheb' li kutan a'in, laa'at yooqat chi xq'unb'al jun aak'uula'al teelom”. Kichaq'ok li ixq: “Ink'a', wa'chin; minaab'alaq'i laa'in aj k'anjel chawu”.

1 Reyes 17:24

Toja' naq li ixq kixye re laj Elías: “Anaqwan ninnaw chik naq laa'at xtaql li Yos, ut yaal naq li raatin li Qaawa' wank aawik'in”, chan.

1 Reyes 17:18

Toja' naq li ixq kixye re laj Elías: “K'aru wank we aawik'in, at xtaql li Yos? Ma xatchalk chi xjultikankil linmaak ut xkanab'ankil chi kamk linyum?”.

1 Samuel 2:27

Sa'eb' li kutan a'an kichalk jun propeet rik'in laj Elí ut kixye re: “Jo'ka'in xye li Qaawa': «Naq eb' laaxe'toonil yuwa' wankeb' chaq Ejiipt chi k'anjelak chiru laj Parahón, laa'in kink'utb'esi wib' chiruheb'.

Jueces 13:22

ut kixye re li rixaqil: “Ch'olch'o naq tookamq, xb'aan naq xqil ru li Yos”, chan.

Jueces 13:8

Toja' naq laj Manóhaj kixyaab'a li xk'ab'a' li Qaawa' ut kixye: “Nintz'aama chawu, at Qaawa', taataqla wi' chik li winq a'an qik'in re naq tixch'olob' chiqu k'aru tqab'aanu rik'in li k'uula'al naq taayo'laaq”, chan.

Josué 14:6

Naq eb' li ralal xk'ajol laj Judá ke'jilok chi xk'atq laj Josué aran Kilkal, laj Kaleb, ralal laj Jefuné aj Kenís, kixye re: “Ak nakanaw li xyehom li Qaawa' re laj Moisés, laj k'anjel chiru li Yos, naq ki'aatinak chawix laa'at ut chiwix laa'in aran Kadés-Barné.

Éxodo 3:6

Kixye ajwi': “Laa'in li xYos laayuwa'; laa'in li xYos laj Abrahán, laj Isahak ut laj Jakob”. Toja' naq laj Moisés kixmuq li ru xb'aan naq kixxiwa rilb'al li Yos.

Éxodo 3:2

Aran li x'ánjel li Qaawa' kixk'ut rib' chiru kama' raq'xam, sa' xyi jun toon chi k'ix: laj Moisés ki'ilok ut kixk'e reetal naq li k'ix yo xxamlel, ab'anan ink'a' na'oso'k.

Génesis 32:29

Kixpatz' laj Jakob: “B'aanu usilal, ye we laak'ab'a'”, chan. Ab'an li winq kixye: “K'a' aj e naq nakapatz' link'ab'a'?”. Ut kirosob'tesi aran.

Génesis 18:2

Kixtaqsi li rilob'aal ut k'utaamileb' oxib' chi winq xaqxookeb' chi xk'atq. Naq kirileb', ki'elk chaq chire li xmuheb'aal chi xk'ulb'aleb', kixhupub' rib'

Jueces 6:11

Toja' naq kichalk li x'ánjel li Qaawa' ut kolk'ojlaaq rub'el li ji wank aran Ofrá, reechanihom laj Johás, xkomoneb' laj Abiéser. Laj Jedehón, ralal laj Johás, yo chi tenok triiw chi muqmu sa' xyatz'leb'aal li uub', re naq ink'a' taa'ile'q xb'aaneb' laj Madián.

Jueces 13:3

Sa' jun kutan li x'ánjel li Qaawa' kixk'ut rib' chiru li ixq a'in ut kixye re: “Laa'at xma'al ixq ut maak'a' aakok'al;

Jueces 13:7

Ab'anan xye we: «Tatsiyanq ut taawanq jun aak'uula'al. Chalen anaqwan mat-uk'ak b'iin chi moko k'ahil ha' ut maatzeka li k'aru ink'a' naru xtzekankil, xb'aan naq q'axtesinb'ilaq li k'uula'al re li Yos chalen chaq sa' xsiyajik toj sa' xkutankil li xkamik»”, chan.

Jueces 13:10

Tikto koho li ixq sa' aanil re xyeeb'al resil re li xb'eelom: “K'e reetal, xk'ut wi' chik rib' li winq li kik'ulunk wik'in sa' li kutan xnume'k”, chan.