Jueces 13:5 - Q'eqchi Bible

⁵ xb'aan naq tatsiyanq ut taawanq jun aak'uula'al. Ink'a' taab'esmanq li rismal li xjolom xb'aan naq q'axtesinb'ilaq re li Yos cho'q nasireo, chalen sa' xsiyajik rik'in li xna'. A'an taatikib'anq xkolb'aleb' laj Israel sa' ruq'eb' laj Filistea”, chan.

Li Santil hu

⁵ Ta̱cua̱nk jun la̱ cꞌulaꞌal te̱lom. Incꞌaꞌ ta̱besma̱nk rismal, xban nak chalen saꞌ xyoꞌlajic li cꞌulaꞌal aꞌan aj nazareo. Ac kꞌaxtesinbil re li Dios ut aꞌan ta̱oc chi coloc reheb laj Israel saꞌ rukꞌeb laj filisteo, chan li ángel.

Jueces 13:5 ပူးပေါင်းရင်းမြစ်များ

Números 6:5

Jo' najtil taawanq cho'q aj nasireo ink'a' tixb'es li rismal xjolom. Toj reetal taatz'aqloq xkutankil li xmayejankil rib' chi k'anjelak chiru li Qaawa', loq' li winq a'an ut tixkanab' chi chamo'k li rismal xjolom.

1 Samuel 1:11

ut kixye re li Qaawa': “At Nimajwal Yos, chawil taxaq xtoq'ob'aal ru laamoos ut chinjultiko'q taxaq we! Wi taak'e junaq ink'uula'al teelom, laa'in tinq'axtesi aawe chiru chixjunil li xyu'am ut ink'a' taab'esmanq li rismal”, chan.

1 Crónicas 18:1

Chirix chik a'an laj David kixq'ax ruheb' laj Filistea, kinumtaak sa' xb'eeneb' ut kixmaq' chiruheb' li tenamit Gat jo'wi' eb' li na'ajej li wankeb' chi xsutam.

1 Samuel 7:13

Jo'ka'in naq eb' Filistea ke'sache'k xwankil ut ink'a' chik ke'ok sa' xch'och'eb' laj Israel. Ut jo' najtil kiyo'yook laj Samuel, li Qaawa' kixk'ut li xwankil sa' xb'eeneb' laj Filistea.

2 Samuel 8:1

Moqon chik laj David kixq'ax ruheb' laj Filistea, kinumtaak sa' xb'eeneb' ut kixmaq' chiruheb' li tenamit Gat jo'wi' eb' li na'ajej li wankeb' chi xsutam.

San Lucas 1:15

xb'aan naq nimaq xwankil rub'el roq rub'el ruq' li Qaawa'. Ink'a' taa'uk'uq b'iin chi moko yalaq k'a' chi ha'il nakaltesink. Nujenaqaq chi Santil Musiq'ej chalen sa' xsiyajik rik'in li xna',

Jueces 16:17

ut kixte xch'ool: “Laa'in maajun sut kib'ese'k linjolom, xb'aan naq q'axtesinb'ilin re li Yos cho'q nasireo chalen sa' insiyajik rik'in inna'. Wi taab'ese'q li wismal, maak'a'aq chik inmetz'ew, taa'elq xkawilal li woq wuq' ut kama'aqin raj yalaq anihaq chik winq”, chan re li ixq.

Amós 2:11

Ut sa' xyanqeb' leeralal eek'ajol kinxaqab'eb' propeet; ut wan ajwi' naq kinsik'eb' ru li saaj winq re te'xmayeja rib' chiwu jo' aj nasireo. Ma ink'a' jo'kan, ex aj Israel?”, chan li Qaawa'.