Jueces 11:34 - Q'eqchi Bible

³⁴ Naq laj Jefté kisutq'iik wi' chik Mispá sa' li rochoch, ki'elk chaq li xrab'in chi xk'ulb'al, yo chaq chi xajok ut chi xch'e'b'al li tzojtzoj ch'iich'. Jun ajwi' li xrab'in laj Jefté; chirix a'an maak'a' chik xkok'al.

Li Santil hu

³⁴ Laj Jefté quisukꞌi Mizpa saꞌ li rochoch. Ut lix rabin qui-el chak chixcꞌulbal lix yucuaꞌ. Yo̱ chi xajoc ut yo̱ chixchꞌeꞌbal lix pandero li cuan saꞌ rukꞌ. Jun ajcuiꞌ lix rabin laj Jefté. Ma̱ jun chic xcocꞌal cuan.

Jueces 11:34 ပူးပေါင်းရင်းမြစ်များ

Jeremías 31:4

Tatinwaklesi wi' chik, a Israel, ut tatk'ojlaaq wi' chik sa' laana'aj. Tatxajoq wi' chik xb'aan xsahil sa' laach'ool, rik'in xyaab' li wajb' ut li tzojtzoj.

Éxodo 15:20

Toja' naq li propeet xMiriam, ranab' laj Aharón, kixchap jun tzojtzoj tun, ut chixjunileb' li rech ixqilal koheb' chirix, wankeb' xtzojtzoj tun sa' ruq'eb' ut yookeb' chi xajok.

Jueces 11:11

Toja' naq laj Jefté koho chirixeb', ut eb' li tenamit ke'xxaqab' a'an cho'q aj k'amol b'e ut aj jolominel. Aran Mispá laj Jefté kixye wi' chik chiru li Qaawa' chixjunil li aatin li ak xye.

Jueces 10:17

Eb' laj Amón ke'xch'utub' rib' ut ke'xyiib' li xmuheb'aaleb' aran Galahad. Ut eb' laj Israel ke'xch'utub' rib' ut ke'xk'ojob' li xmuheb'aaleb' Mispá.

Salmos 68:25

At Qaawa', at inYos, at Eechal we, sa' laaloq'laj ochoch naqil eb' li poyanam yookeb' chi ok re xnimankil aawu.

San Lucas 9:38

Jun li winq wank sa' xyanqeb' li tenamit; ut ki'ok chi xjapb'al re ut chi xyeeb'al: —At Tzolonel, nintz'aama chawu naq taawil chaq li walal xb'aan naq junaatal chiwu.

San Lucas 8:42

Xb'aan naq wank jun xrab'in, jun ajwi' chiru, aj kab'laju chihab' tana, ut kamk re. Naq yo chi xik li Jesus, eb' li tenamit yookeb' chi xlaatz'ankil.

San Lucas 7:12

Naq yo chi nach'ok rik'in li tenamit, kiril naq yookeb' xk'amb'al chaq chi muqe'k jun li kamenaq; ut a'an jun ajwi' naq kiwank chiru li xna' ut li na'b'ej a'an xmalka'an. Naab'aleb' li tenamit te'ochb'eeninq chaq re.

Zacarías 12:10

Ut sa' xb'eeneb' li ralal xk'ajol laj David ut eb' li wankeb' Jerusalén tinhoy jun musiq'ej re usilal ut tijok; toja' naq tine'xka'ya laa'in. Ut li xe'xpaynumi chi ch'iich' te'yot'e'q xch'ool ut te'yaab'aq chirix, jo' na'uxk yaab'ak chirix li xb'een alalb'ej malaj chirix li junaj chirib'il.

Jeremías 31:13

Toja' naq eb' li tuq'ixq te'xajoq xb'aan xnimal xsahilaleb' xch'ool; jo'kanaqeb' ajwi' li saaj al ut eb' li cheekel winq. Tinsutq'isi li xrahilaleb' cho'q sahilal, tink'ojob'eb' xch'ool ut twisi chixjunil li ch'a'ajkilal sa' xyanqeb'.

Salmos 150:4

Chenima ru rik'in tun ut xajok, chenima ru rik'in xolb' ut chirimiiy.

Jueces 21:21

Q'esaq eeru, ut naq eb' li ixqa'al aj Siló te'elq chi xajok chi ch'utch'u, laa'ex tex'elq chaq sa'eb' li awimq ut teerelq'a chaq junjunqaq leerixaqil sa' xyanqeb' li ixqa'al aj Siló, ut xikaqex chi junpaat sa' leetenamit.

2 Samuel 6:14

Chirix chik a'an ki'ok chi xajok chi anchal xch'ool sa' xk'ab'a' li Qaawa', chi tiqto yal rik'in jun efod liin.

Josué 18:26

Mispá, Kefirá, Mosá,

Jueces 20:1

Toja' naq chixjunileb' laj Israel, chalen chaq Dan toj Berseba ut Galahad, koxe'xch'utub' rib' jo' jun chi winq, aran Mispá, wan wi' rochoch li Yos.