Jueces 11:12 - Q'eqchi Bible

¹² Chirix chik a'an kixtaqlaheb' aj esil rik'in li awab'ej re Amón re xyeeb'al: “K'aru xinb'aanu aawe naq taawaj chalk anaqwan chi yalok rik'in lintenamit?”.

Li Santil hu

¹² Chirix aꞌan laj Jefté quixtaklaheb lix takl riqꞌuin lix reyeb laj Amón chixyebal re: —¿Cꞌaꞌut nak xicꞌ nocoe̱ril? ¿Cꞌaꞌut nak te̱raj cha̱lc chi pletic kiqꞌuin? chan laj Jefté.

Jueces 11:12 ပူးပေါင်းရင်းမြစ်များ

Deuteronomio 2:26

“Chalen chaq sa' li chaqich'och' re Kedemot kintaqlaheb' aj esil rik'in laj Sijón, awab'ej re Jesbón, re xyeeb'al li tuqtuukil aatin a'in:

Números 21:21

Eb' laj Israel ke'xtaqla aj esil rik'in laj Sijón, awab'ej re Amor:

Números 20:14

Naq wankeb' Kadés, laj Moisés kixtaqlaheb' aj yehol esil rik'in li awab'ej re Edom; ke'xye re: “Jo'ka'in xe'xye chaq eb' laj Israel aawiitz'ineb': «Laa'at nakanaw chi us li rahilal qak'ulum chaq.

San Mateo 8:29

Tikto ke'xjap reheb' chi xyeeb'al: —K'aru wank qe aawik'in, at Ralal li Yos? Ma xatchalk arin re qarahob'tesinkil chi toj maji' xq'ehil?

Jueces 11:11

Toja' naq laj Jefté koho chirixeb', ut eb' li tenamit ke'xxaqab' a'an cho'q aj k'amol b'e ut aj jolominel. Aran Mispá laj Jefté kixye wi' chik chiru li Qaawa' chixjunil li aatin li ak xye.

Jueces 11:13

Kichaq'ok li awab'ej re Amón ut kixye reheb' li xtaql laj Jefté: “Naq ke'elk chaq Ejiipt, eb' laj Israel ke'xmaq' chiqu li qana'aj chalen chaq sa' li nima' Arnón toj sa' li nima' Yabok ut Jordán. Jo'kan naq anaqwan tento teeq'axtesi wi' chik we sa' xyaalal”, chan.

Jueces 12:2

Kichaq'ok laj Jefté ut kixye reheb': “Laa'in ut lintenamit kaw xooyalok rik'ineb' laj Amón. Xinpatz' intenq'ankil eere, ab'anan ink'a' xulineekol sa' ruq'eb'.