Jueces 10:13 - Q'eqchi Bible

¹³ A'ut laa'ex xineetz'eqtaana ut xex'ok chi xloq'oninkileb' li jalanil yos. Jo'kan naq ink'a' chik texinkol anaqwan.

Li Santil hu

¹³ Abanan, la̱ex xine̱tzꞌekta̱na ut xelokꞌoniheb li jalanil dios. Joꞌcan nak la̱in incꞌaꞌ chic texincol saꞌ rukꞌeb li xicꞌ nequeꞌiloc e̱re.

Jueces 10:13 ပူးပေါင်းရင်းမြစ်များ

Jeremías 2:13

Wiib' li maak xe'xb'aanu lintenamit: xine'xtz'eqtaana laa'in, li yu'amha', ut xe'xyiib' li xkumb'eb', ab'anan x'it'e'k chiruheb' ut ink'a' nat'ilk li ha' chisa'.

1 Crónicas 28:9

Ut laa'at Salomón, at walal, chanaw ru li xYos laayuwa' ut tatk'anjelaq chiru chi chaab'il ut chi anchal aach'ool, xb'aan naq li Qaawa' nalajxtz'ili li xch'ool chixjunileb' ut ch'olch'o chiru li xk'a'uxl ut xna'leb' li junjunq. Wi laa'at taasik' li Yos, a'an tixk'ut rib' chawu; ab'an wi taatz'eqtaana, a'an tatxtz'eqtaana ajwi' laa'at chi junajwa.

Jueces 2:12

Ke'xkanab' li Qaawa', li xYos eb' li xxe'toonil yuwa' li ki'isink chaq reheb' sa' li na'ajej Ejiipt, ut ke'ok chi xtaaqenkil li xyoseb' li tenamit wankeb' chi xsutam. Ke'xwiq'ib' rib' chiruheb' ut ke'xchiq' xjosq'il li Qaawa';

Jonás 2:8

Eb' li neke'loq'onink eb' li yal k'oxlanb'il yos, moko tiikeb' ta xch'ool chawix.

Deuteronomio 32:15

“Ke'tzekank chi us eb' laj Israel; ke'nimank xtib'el laj Yesurún ut ke'xq'etq'eti rib'; ke'nimank li xsa'eb', ke'xb'olob' rib' ut ke'xkanab' li Yos, a' laj Yoob'tesinel reheb'. Ke'xtz'eqtaana li Saqoonak, laj Kolol reheb'.

Jueces 10:14

Ayuqex ut japomaq eere chiruheb' li yos sik'b'ileb' ru eeb'aan. Chexkolaqeb' a'an sa' xq'ehil leerahilal!”, chan li Yos.

Jueces 2:19

Ab'an naq nakamk laj k'amol b'e, eb' laj Israel neke't'ane'k wi' chik sa' li maak, ut q'axal wi' chik yib'ru neke'xb'aanu chiruheb' li xna' xyuwa'eb': neke'xik chirixeb' li jalanil yos, neke'xloq'oni ut neke'xwiq'ib' rib' chiruheb'. Tik ink'a' neke'raj xkanab'ankil li xna'leb'eb' li xna' xyuwa'eb' chi moko li xmaa'usilaleb'.

2 Crónicas 12:5

Toja' naq laj Semaías, li propeet, kik'ulunk rik'in laj Robohán ut rik'ineb' li xjolomileb' laj Judá, li ch'utch'uukeb' Jerusalén re yalok rik'in laj Sosak, ut kixye reheb': “Jo'ka'in xye li Qaawa': «Laa'ex xineetz'eqtaana, jo'kan naq laa'in texinkanab' sa' ruq' laj Sosak»”.

2 Crónicas 15:2

li ki'elk chi xk'ulb'al laj Asá ut kixye re: “Ab'ihomaqin, a Asá ut chejunilex laa'ex aj Judá ut aj Benjamín! Li Qaawa' taawanq eerik'in wi laa'ex wanqex rik'in. Wi nekesik' li Yos, A'an tixk'e rib' chi tawe'k; ab'anan wi' neketz'eqtaana, texxtz'eqtaana ajwi' A'an.

2 Crónicas 21:10

Ab'anan eb' laj Edom ke'risi rib' rub'el xwankileb' laj Judá, chalen toj anaqwan. Jo'kan ajwi' ke'xb'aanu eb' laj Libná sa'eb' li kutan a'an, xb'aan naq laj Jorán kixkanab' xloq'oninkil ru li Qaawa', xYos eb' li xxe'toonil yuwa'.

Jeremías 2:19

A' ajwi' laamaa'usilal taarahob'tesinq aawe, ut li xb'alaq'il aach'ool taajitoq aawe. K'oxla ut k'e reetal naq ink'a' us lintz'eqtaanankil xab'aanu ut q'axal ra wankat xb'aan naq ink'a' xak'e inloq'al: laa'in li Qaawa' laaYos. Raatin li Nimajwal Yos.