Jueces 1:4 - Q'eqchi Bible

⁴ Jo'kan naq eb' laj Judá koheb' chi yalok, ut li Qaawa' kixq'axtesi sa' ruq'eb' li xna'ajeb' laj Kanahán ut laj Perés. Sa' li tenamit Bések ke'xq'ax ruheb' oob' xka'k'aal o'q'ob' (10,000) chi winq.

Li Santil hu

⁴ Joꞌcan nak eb li ralal xcꞌajol laj Judá queꞌco̱eb chi pletic. Ut li Ka̱cuaꞌ Dios quixtenkꞌaheb chi numta̱c saꞌ xbe̱neb laj cananeo ut laj ferezeo. Queꞌxcamsiheb laje̱b mil (10,000) chi cui̱nk saꞌ li naꞌajej Bezec.

Jueces 1:4 ပူးပေါင်းရင်းမြစ်များ

1 Samuel 11:8

Laj Saúl kirajlaheb' aran Bések: o'lajuk'aal mileb' (300,000) laj Israel, ut eb' laj Judá lajeeb' xka'k'aal mileb' (30,000).

1 Reyes 22:15

Chirix chik a'an kiwulak wan wi' li awab'ej, ut a'in kixpatz' re: “A Mikeas, ma naru tooxik chi yalok rik'ineb' laj Ramot sa' xteepal Galahad, malaj ut ink'a' tooxik?”. Kichaq'ok laj Mikeas: “Ayu xb'aan naq us tat-elq. Li Qaawa' tixq'axtesi sa' laawuq' li tenamit a'an”, chan.

1 Reyes 22:6

Toja' naq li awab'ej re Israel kixch'utub'eb' jun o'q'ob'eb' (400) chi propeet ut kixye reheb': “Ma naru tinxik chi yalok rik'ineb' laj Ramot, sa' xteepal Galahad, malaj ut ink'a'?”. Ke'chaq'ok: “Ayu, xb'aan naq li Qaawa' tixq'axtesi li tenamit Ramot sa' laawuq' laa'at”, chankeb'.

1 Samuel 14:10

Ab'anan wi te'xye qe: «Taqenqex chaq arin», laa'o tootaqe'q, xb'aan naq a'an reetalil chiqu naq li Qaawa' tixq'axtesiheb' sa' quq'”.

1 Samuel 14:6

Kixye laj Jonatán re laj tenq' re: “Kim, q'axonqo junpak'al, b'arwi' wankeb' laj puub' li ink'a' neke'xpaab' li Yos. Mare chan naq li Qaawa' tooxtenq'a, xb'aan naq moko ch'a'aj ta chiru li Qaawa' qak'eeb'al chi q'axok u, us ta ink'a' naab'alo”.

Deuteronomio 9:3

“Ab'an anaqwan chanawaq naq li Qaawa' laaYos taanume'q chawu jo' junaq kawil xam: a'an taasachoq re eb' li tenamit a'an ut tixk'eheb' rub'el aawankil re naq taawisiheb' sa' xna'ajeb' ut taasach ruheb' chi junpaat, jo' kixye aawe li Qaawa'.

Deuteronomio 7:2

naq li Qaawa' laaYos tixq'axtesiheb' sa' laawuq' ut taasach ruheb', tento chatz'eqtaanaheb' ut chamajewaheb' chi junajwa. Maajunaji aawib' rik'ineb' chi moko taatoq'ob'a ruheb'.

Jueces 1:3

Toja' naq eb' laj Judá ke'xye reheb' laj Simehón li xkomoneb': “Chooheetenq'a chi reechaninkil li na'ajej li tootz'aq. Wotz tooyaloq rik'ineb' laj Kanahán ut, chirix a'an, tooxik ajwi' chi yalok chirix li na'ajej li textz'aq laa'ex”, chankeb'. Ut eb' laj Simehón koheb' chirixeb' laj Judá.

Jueces 1:5

Aran Bések ke'xtaw laj Adoni-Bések: ke'yalok rik'in ut ke'xsach ruheb' laj Kanahán ut laj Perés.

Salmos 44:2

At qaYos, rik'in qaxik xqab'i resil ut eb' li qana' qayuwa' xe'xseeraq'i qe k'aru xab'aanu najter q'e kutan, naq toj wankeb' chaq eb' a'an.

Salmos 78:55

Chiruheb' a'an kixticheb' chi najt eb' li poyanam, kixk'ojob' li xteepaleb' laj Israel sa' li xmuheb'aaleb' laj Kanahán ut kixjek'i li na'ajej cho'q reechanihomeb'.

Jueces 3:5

Jo'kan naq eb' laj Israel ke'xtikib' wank sa' xyanqeb' laj Kanahán, eb' laj Hit, eb' laj Amor, eb' laj Perés, eb' laj Jib ut eb' laj Jebús;

Jueces 11:32

Laj Jefté ki'ok sa' xna'ajeb' laj Amón re yalok rik'ineb', ut li Qaawa' kixq'axtesiheb' sa' ruq'.