Jueces 1:3 - Q'eqchi Bible

³ Toja' naq eb' laj Judá ke'xye reheb' laj Simehón li xkomoneb': “Chooheetenq'a chi reechaninkil li na'ajej li tootz'aq. Wotz tooyaloq rik'ineb' laj Kanahán ut, chirix a'an, tooxik ajwi' chi yalok chirix li na'ajej li textz'aq laa'ex”, chankeb'. Ut eb' laj Simehón koheb' chirixeb' laj Judá.

Li Santil hu

³ Eb li ralal xcꞌajol laj Judá queꞌa̱tinac riqꞌuineb li ralal xcꞌajol laj Simeón ut queꞌxye reheb: —Choe̱tenkꞌa chi pletic riqꞌuineb laj Canaán re nak take̱chani li naꞌajej. Ut la̱o toxic ajcuiꞌ che̱tenkꞌanquil chi pletic chirix li naꞌajej li textzꞌak la̱ex, chanqueb. Ut eb li ralal xcꞌajol laj Simeón queꞌxsume xic chixtenkꞌanquileb.

Jueces 1:3 ပူးပေါင်းရင်းမြစ်များ

2 Samuel 10:11

Ut kixye re li riitz'in: “Wi taawil naq ink'a' tinkuy xsumenkileb' laj Aram, tulinaatenq'a; ut wi laa'at ink'a' taakuy xsumenkileb' laj Amón, laa'in tinxik chatenq'ankil.

Jueces 1:17

Toja' naq eb' laj Judá, rochb'eeneb' laj Simehón, koheb' chi yalok rik'ineb' laj Kanahán li wankeb' Sefat, ke'xq'ax ruheb' ut ke'xq'axtesi li tenamit chi sache'k chi junajwa. Jo'kan naq Jormá kixk'ab'a'in li tenamit.

Josué 19:1

Li xkab' na'ajej b'uulinb'il rix kikanaak cho'q reheb' li xch'uuteb' li xteepal laj Simehón. Li reechanihomeb' wank sa' xyi li xch'och'eb' li ralal xk'ajol laj Judá.

Génesis 29:33

Kikanaak wi' chik sa' yu'am, kiwank xkab' xk'uula'al ut aj Simehón kixk'e cho'q xk'ab'a': “Li Qaawa' xrab'i naq ink'a' ninrahe'k; jo'kan naq xk'e ajwi' link'uula'al a'in”, chan.

Jueces 1:2

Kichaq'ok li Qaawa' ut kixye: “Eb' laj Judá te'xik xb'enwa. Laa'in xinq'axtesi li na'ajej sa' ruq'eb' a'an”, chan.

Jueces 1:4

Jo'kan naq eb' laj Judá koheb' chi yalok, ut li Qaawa' kixq'axtesi sa' ruq'eb' li xna'ajeb' laj Kanahán ut laj Perés. Sa' li tenamit Bések ke'xq'ax ruheb' oob' xka'k'aal o'q'ob' (10,000) chi winq.

Apocalipsis 7:7

sa' xyanqeb' xteepal laj Simehón kab'laju mil; sa' xyanqeb' xteepal laj Leví kab'laju mil; sa' xyanqeb' xteepal laj Isakar kab'laju mil;