Jueces 1:2 - Q'eqchi Bible

² Kichaq'ok li Qaawa' ut kixye: “Eb' laj Judá te'xik xb'enwa. Laa'in xinq'axtesi li na'ajej sa' ruq'eb' a'an”, chan.

Li Santil hu

² Quichakꞌoc li Ka̱cuaꞌ ut quixye reheb: —Aꞌaneb laj Judá li teꞌxic xbe̱n cua. La̱in tinkꞌaxtesi li naꞌajej saꞌ rukꞌeb aꞌan, chan.

Jueces 1:2 ပူးပေါင်းရင်းမြစ်များ

Apocalipsis 5:5

Ab'an jun reheb' li cheekel winq kiyehok we: “Matyaab'ak. Chawil, li Kaqkoj re li xteepal laj Judá, a' li xTuxb' laj David, xq'axok u: a'an taa'isinq reheb' li wuqub' chi tz'apleb' ut tixte li hu”.

Hebreos 7:14

Ch'olch'o naq li Qaawa' yo'lajenaq chaq rik'in laj Judá; ut chirix li teepal a'in maak'a' kixye laj Moisés naq ki'aatinak chirix xk'anjeleb' laj tij.

Números 7:12

Sa' li xb'een kutan kimayejak laj Najsón, ralal laj Aminadab, sa' xteepal Judá.

Números 2:3

“Eb' li te'xyiib' xmuheb'aaleb' sa' xjayal releb'l saq'e, a'an li xteepal laj Judá, chi ch'uut, rub'el li reetalileb'. Li xjolomileb' a'an laj Najsón, ralal laj Aminadab.

Jueces 1:3

Toja' naq eb' laj Judá ke'xye reheb' laj Simehón li xkomoneb': “Chooheetenq'a chi reechaninkil li na'ajej li tootz'aq. Wotz tooyaloq rik'ineb' laj Kanahán ut, chirix a'an, tooxik ajwi' chi yalok chirix li na'ajej li textz'aq laa'ex”, chankeb'. Ut eb' laj Simehón koheb' chirixeb' laj Judá.

Josué 2:24

chirix chik a'an ke'xye re: —Yaal naq li Qaawa' ak xk'e sa' quq' chixjunil li tenamit a'an. Chixjunileb' neke'siksotk chiqu, chankeb'.

Jueces 20:18

Eb' laj Israel koheb' ut ke'taqe'k Betel. Aran ke'xpatz' re li Yos: “Ani qe laa'o taaxik xb'enwa chi yalok rik'ineb' laj Benjamín?”, chankeb'. Ut li Qaawa' kixsumeheb': “Eb' laj Judá a'aneb' li te'xik xb'enwa”, chan.