San Juan 9:35 - Q'eqchi Bible

³⁵ Li Jesus kirab'i resil naq ke'risi sa' xyanqeb' ut, naq kixtaw, kixye re: —Ma nakapaab' laa'at li K'ajolb'ej?

Li Santil hu

³⁵ Li Jesús quirabi resil li cꞌaꞌru queꞌxba̱nu. Nak quixtau li cui̱nk li quixqꞌuirtesi, quixye re: —¿Ma nacapa̱b li Ralal li Dios? chan re.

San Juan 9:35 ပူးပေါင်းရင်းမြစ်များ

San Juan 20:31

A'ut eb' a'in tz'iib'anb'ileb' re naq yooqex chi xpaab'ankil naq li Jesus a'an li Kriist, li Ralal li Yos, ut rik'in xpaab'ankil taawanq eeyu'am sa' xk'ab'a' A'an.

1 Juan 5:13

Xintz'iib'a a'in eerik'in laa'ex li nekexpaab'ank sa' xk'ab'a' li Ralal li Yos, re naq ch'olch'ooq cheru naq wank eejunelik yu'am.

San Juan 10:36

k'a'ut naq chiwix laa'in li kinxsantob'resi li Yuwa'b'ej ut kinxtaqla chaq sa' ruuchich'och' nekeye naq ninmajewa li Yos xb'aan naq xinye: «Ralalin li Yos»?

1 Juan 5:20

Ab'an naqanaw ajwi' naq li Ralal li Yos kik'ulunk ut kixk'e qana'leb' re naq chiqanaw ru li tz'aqal Yos. Ut laa'o wanko rik'in li tz'aqal Yos, rik'in li Ralal, a' li Jesukriist. A'an a'in li tz'aqal Yos ut li junelik yu'am.

1 Juan 5:10

Ani napaab'ank re li Ralal li Yos, ch'olch'o ru li yaal rik'in; a'ut li ink'a' napaab'ank re li Yos, naxk'e li Yos cho'q aj tik'ti', xb'aan naq ink'a' naxpaab' li xyehom li Yos chirix li Ralal.

1 Juan 5:5

Ani naq'axok ru li ruuchich'och'? Ma ink'a' tab'i' li naxpaab' naq li Jesus a'an li Ralal li Yos?

1 Juan 4:15

Ani taach'olob'anq re naq li Jesus a'an li Ralal li Yos, li Yos nakanaak rik'in ut a'an nakanaak rik'in li Yos.

Romanos 10:20

Kikawuuk ajwi' xch'ool laj Isaías chi xyeeb'al: “Kintawe'k xb'aaneb' li ink'a' yookeb' chaq chinsik'b'al. Kink'ut wib' chiruheb' li ink'a' neke'patz'ok we”.

Romanos 1:4

ut xaqab'anb'il cho'q Ralal li Yos rik'in xnimal xwankil, jo' chanru rajom li Musiq'ej aj santob'resihom re chixjunil, sa' xk'ab'a' li xwaklijik chi yo'yo sa' xyanqeb' li kamenaq.

Hechos 9:20

Ut chi junpaat ki'ok chi xpuktesinkil resil li Jesus sa'eb' li ch'utleb'aal kab'l: naxye naq a'an li Ralal li Yos.

Hechos 8:36

Ut naq yookeb' chi xik, ke'wulak sa' jun li na'ajej b'arwi' wank li ha', ut li xnimal ru winq kixye: —Arin wank ha'. K'aru taaramoq chiwu xkub'ik inha'?

San Juan 20:28

Kichaq'ok laj Tomás ut kixye: —At inQaawa', at inYos!

San Juan 11:27

Kichaq'ok a'an ut kixye: —Hehe', Qaawa'. Laa'in ninpaab' naq laa'at li Kriist, li Ralal li Yos, li tento taak'ulunq sa' ruuchich'och'.

San Juan 6:69

Laa'o naqapaab' ut naqanaw naq laa'at li xSantil Alal li Yos.

San Juan 5:14

Moqon chik li Jesus kixtaw li winq sa' rochoch li Yos ut kixye re: —K'e reetal, xatk'iraak. Matmaakob'k chik re naq michalk sa' aab'een junaq rahilal q'axal ra chik chiru a'an.

San Juan 3:36

Ani napaab'ank re li K'ajolb'ej, wank xyu'am chi junelik; a'ut li ink'a' napaab'ank re li K'ajolb'ej ink'a' taaril li yu'am, a' chik li xjosq'il li Yos teneb'anb'il sa' xb'een”.

San Juan 1:34

Laa'in wilom ru ut nin'aatinak chirix naq a'an li Ralal li Yos”.

San Juan 1:18

Li Yos maajun sut ki'ile'k ru xb'aan anihaq: li K'ajolb'ej jun chirib'il li kisutq'iik rik'in li Yuwa'b'ej, a'an kolk'utb'esinq re chiqu.

San Marcos 1:1

Xtiklajik li xChaab'il Esil li Jesus, li Kriist, Ralal li Yos.

San Mateo 16:16

Kichaq'ok laj Simón Pedro ut kixye: —Laa'at li Kriist, li Ralal li yo'yookil Yos.

San Mateo 14:33

Eb' li wankeb' sa' li jukub' ke'xwiq'ib' rib' chi xloq'oninkil ut ke'xye: —Relik chi yaal naq Ralalat li Yos.

Salmos 27:10

Us ta linna' linyuwa' tine'xkanab' injunes, ab'an a' chik li Qaawa' taa'iloq we.

Salmos 2:12

chereek'a xsik naq teeloq'oni ru li Nimajwal Yos. Mare anchal taapo'q ut texsachq sa' b'e, xb'aan naq sa' junpaat nachalk xjosq'il. Us xaq reheb' li neke'muhenk rik'in!

Salmos 2:7

Tinpuktesi li xk'uub'ahom li Qaawa' li kixye we: “Laa'at li walal; anaqwan xatinyoob'tesi.

San Mateo 4:3

Toja' naq kijilok laj aalenel chi xk'atq ut kixye re: —Wi laa'at Ralal li Yos, ye naq eb' li pek a'in che'jaltesiiq cho'q wa.

San Juan 9:22

A'in ke'xye li xna' xyuwa' xb'aan xxiweb' chiruheb' laj Judiiy, xb'aan naq ak k'uub'k'u xb'aaneb' laj Judiiy, wi ani tixye naq li Jesus a'an li Kriist, isinb'ilaq sa' li ch'utleb'aal kab'l.

San Juan 9:34

Ke'chaq'ok eb' a'an ut ke'xye re: —Xatyo'laak chajunxaqalil sa' li maak ut taawaj anchal qatzolb'al laa'o? Ut ke'risi sa' xyanqeb'.

3 Juan 1:10

Jo'kan wi tinxik aran, toxinjultika li yo chi xb'aanunkil, chanru yo chi xwech'inkil qix rik'in yib' aj aatin. Ut moko nak'ojlaak ta xch'ool rik'in a'an, toj jun chik naxb'aanu: ink'a' naxk'uleb' laj paab'anel; ut eb' li neke'raj raj xb'aanunkil naxrameb' chiru, ut narisiheb' sa' li Iklees.