San Juan 9:34 - Q'eqchi Bible

³⁴ Ke'chaq'ok eb' a'an ut ke'xye re: —Xatyo'laak chajunxaqalil sa' li maak ut taawaj anchal qatzolb'al laa'o? Ut ke'risi sa' xyanqeb'.

Li Santil hu

³⁴ Eb aꞌan queꞌchakꞌoc ut queꞌxye re: —La̱at aj ma̱c chalen chak saꞌ a̱yoꞌlajic. ¿Ma nacacꞌoxla nak naru ta̱qꞌue kanaꞌleb la̱o? chanqueb. Ut queꞌrisi li cui̱nk saꞌ xya̱nkeb ut incꞌaꞌ chic queꞌxcꞌul.

San Juan 9:34 ပူးပေါင်းရင်းမြစ်များ

San Juan 9:22

A'in ke'xye li xna' xyuwa' xb'aan xxiweb' chiruheb' laj Judiiy, xb'aan naq ak k'uub'k'u xb'aaneb' laj Judiiy, wi ani tixye naq li Jesus a'an li Kriist, isinb'ilaq sa' li ch'utleb'aal kab'l.

San Juan 9:2

Ut eb' li xtzolom ke'xpatz' re: —At Tzolonel, ani kimaakob'k? Ma li winq a'in malaj eb' li xna' xyuwa', naq kiyo'laak sa' mutz'il? chankeb'.

Isaías 66:5

Ab'ihomaq li naxye li Qaawa', laa'ex li nekexsiksotk ut nekexpaab'ank chiru: “Wankeb' eerech tenamitul xik' nekexrileb' ut nekextz'eqtaanaheb' xb'aan link'ab'a', ut neke'xye: «Xk'utaq xloq'al li Qaawa'; naqaj naq sahaq sa' leech'ool», chankeb'. A'ut eb' a'an xutaanal te'kanaaq.

San Lucas 18:17

Relik chi yaal ninye eere: ani ink'a' tixk'ul li xnimajwal awab'ejihom li Yos jo' junaq ch'ina'al, ink'a' taa'ok chisa'.

Salmos 51:5

Ninnaw chi us naq xinq'et laawaatin, rajlal nanaqk sa' inch'ool li maak xinb'aanu.

Li xHu LAJ JOB 25:4

Chiru li Yos maajun tiik xch'ool, maajun naru tixye naq maak'a' xmaak.

Génesis 19:9

A'ut eb' a'an ke'chaq'ok: “Elen arin! Junaq chalenaq sa' jalan tenamit ma taaraqoq aatin sa' qab'een? Anaqwan q'axal ra chik taak'ul laa'at chiruheb' a'an”, chankeb'. Tikto ke'xtiikisi laj Lot ut ke'xyal xweqb'al li kab'l;

Apocalipsis 13:17

re naq maa'ani taaruhanq chi loq'ok malaj k'ayink chi maak'a'aq li eetalil a'an, a' li xk'ab'a' li josq' aj xul malaj li rajlil li xk'ab'a'.

3 Juan 1:9

Wank k'aru ak intz'iib'ahom rik'in li Iklees, ab'anan laj Diótrefes ink'a' nokooxk'ul, xb'aan naq naxrahi li wank chi xjolomil.

1 Pedro 5:5

Jo'kan ajwi' laa'ex li saaj al, chexpaab'anq chiruheb' li xcheekel winqilaleb' li Iklees, ut chetiqib'aq eerib' chejunilex rik'in q'unil ch'oolej cherib'il eerib', xb'aan naq: “Li Yos xik' narileb' li b'ach'b'ach'eb', ab'an narusilaheb' li q'uneb' xch'ool”.

Efesios 2:3

Sa' xyanqeb' a'an xoowank ajwi' chiqajunilo junxil: nawulak chiqu li naxrahi li qatz'ejwal, naqab'aanu li naraj li tz'ejwalej ut li ink'a' usil na'leb'; jo'kan naq xoowank chaq rub'el xjosq'il li Yos kama'eb' li junch'ol.

Gálatas 2:15

Laa'o aj Judiiy chalen chaq sa' qayo'lajik, ut maawa'o xkomoneb' li tenamit aj maak, jo' chanru nayeemank chirixeb'.

San Juan 9:40

Wankeb' aj Pariseey te'ochb'eeninq re, ut naq ke'rab'i a'in, ke'xye re: —Ma mutz'o ajwi' laa'o chi jo'kanan?

San Juan 9:35

Li Jesus kirab'i resil naq ke'risi sa' xyanqeb' ut, naq kixtaw, kixye re: —Ma nakapaab' laa'at li K'ajolb'ej?

San Juan 8:41

Laa'ex nekeb'aanu li naxb'aanu leeyuwa'. Ke'xye ut re: —Laa'o ink'a' xooyo'laak sa' muxuk ib'; jun ajwi' li qayuwa': a'an li Yos!

San Juan 6:37

Chixjunil ani tixk'e we li Yuwa'b'ej taachalq wik'in, ut li taachalq wik'in ink'a' tintz'eqtaana.

San Lucas 14:11

Xb'aan naq yalaq ani tixnimob'resi rib', taakub'siiq xwankil; ut li tixkub'si rib', taaterq'usiiq xwankil.

San Lucas 11:45

Toja' naq ki'ok chi aatinak jun aj nahol Chaq'rab' ut kixye: —At Tzolonel, naq nakaye a'in, nokoohaahob' ajwi' laa'o.

San Lucas 6:22

“Us xaq eere naq xik' tex'ile'q xb'aaneb' li poyanam, tex'isiiq sa' xyanqeb', texhob'e'q ut te'xtz'eqtaana leek'ab'a' jo' ink'a' us, sa' xk'ab'a' li K'ajolb'ej.

Isaías 65:5

Ut neke'xye: «Kanaaqat aran sa' laana'aj, matjilok chaq chink'atq: mare anchal tatsanto'q inb'aan», chankeb'. Chixjunileb' a'an chanchaneb' li sib' sa' wu'uj, jo' li xam li junelik yo chinch'i'ch'i'inkil.

Proverbios 29:1

Li winq li ink'a' nawulak chiru li q'use'k taasache'q ru chi junpaat ut chi junwaakaj.

Proverbios 26:12

Toj naru xk'eeb'al xna'eleb'eb' li maak'a'eb' xna'leb'; ab'an jwal ch'a'aj xtenq'ankil junaq li naxk'oxla naq naxnaw chixjunil.

Proverbios 22:10

Isi aawik'in laj yoob'anel ch'a'ajkilal, ut taaraqe'q li wech'ij ib' ut li raaxiik'.

Li xHu LAJ JOB 14:4

Li k'aru tz'ajn ru ink'a' naru xch'ajob'resinkil. Maa'ani naru xb'aanunkil chi jo'kan.

2 Crónicas 25:16

Toj yo ajwi' chi aatinak li propeet naq laj Amasías kixye re: “Ma xate'xxaqab' tab'i' cho'q aj k'ehol xna'leb' li awab'ej? Kanab' aatinak. Malaj taawaj naq tate'xkamsi?”. Ut li propeet kixye: “Laa'in ninnaw naq li Qaawa' xk'uub' xsachb'al aawu, xb'aan naq xab'aanu li ink'a' us ut ink'a' nakawaj rab'inkil li xinye aawe”. Ut kixkanab' aatinak.

Éxodo 2:14

Kichaq'ok a'an: “Ani xxaqab'ank aawe cho'q aj jolominel ut aj raqol aatin sa' qab'een? Ma nakak'oxla inkamsinkil jo' naq xakamsi laj Ejiipt?”, chan. K'ajo' naq ki'ok xxiw laj Moisés, ut kixye sa' xch'ool: “Ch'olch'o naq xnawmank li k'aru xinb'aanu”.

3 Juan 1:10

Jo'kan wi tinxik aran, toxinjultika li yo chi xb'aanunkil, chanru yo chi xwech'inkil qix rik'in yib' aj aatin. Ut moko nak'ojlaak ta xch'ool rik'in a'an, toj jun chik naxb'aanu: ink'a' naxk'uleb' laj paab'anel; ut eb' li neke'raj raj xb'aanunkil naxrameb' chiru, ut narisiheb' sa' li Iklees.