San Juan 9:31 - Q'eqchi Bible

³¹ Laa'o naqanaw naq li Yos ink'a' narab'iheb' laj maak; ab'an wi junaq naxxiwa ru li Yos ut naxb'aanu li rajom, a'an na'ab'iik.

Li Santil hu

³¹ La̱o nakanau nak li Dios incꞌaꞌ narabi nak nequeꞌtijoc laj ma̱c. Narabi ban lix tijeb li nequeꞌxxucua ru ut nequeꞌxba̱nu li cꞌaꞌru naraj.

San Juan 9:31 ပူးပေါင်းရင်းမြစ်များ

Proverbios 15:29

Li Qaawa' najt wank rik'ineb' li ink'a' useb' xna'leb'; ab'an naxk'ulub'a li xtijeb' li tiikeb' xch'ool.

Isaías 1:15

Naq neketaqsi leeruq' chi tijok, nintz'ap li xnaq' wu re naq ink'a' texwil. Us ta neketiq roq leetij, laa'in ink'a' nawab'i, xb'aan naq oso'jenaq sa' kik' leeruq': k'ajo'eb' li poyanam kekamsi!

Proverbios 28:9

Li ink'a' naxpaab' xchaq'rab' li Qaawa', ink'a' ajwi' nak'ule'k li xtij xb'aan li Yos.

Miqueas 3:4

Jo'kan wi teeyaab'a xk'ab'a' li Qaawa', A'an ink'a' texxsume chaq. Chiruheb' li kutan a'an tixmuq rib' cheru xb'aan li maa'usilal xeb'aanu”.

Salmos 145:19

A'an naxb'aanu li k'aru neke'raj eb' li neke'paab'ank re; narab'i li xyaab' xkuxeb' ut naxkoleb'.

Zacarías 7:13

Jo' naq eb' a'an ink'a' ke'raj wab'inkil naq keb'inb'oq, laa'in ink'a' ajwi' nawaj rab'inkil li neke'xtz'aama ut neke'relaji chiwu.

Proverbios 21:13

Li ink'a' naruxtaana ru li neb'a' naq wank sa' rahilal, ink'a' ajwi' taatenq'aaq naq tixpatz' usilal.

Jeremías 14:12

Us ta te'ayuuniq, ink'a' twab'i li xyaab' xkuxeb'. Us ta te'xq'axtesi we naab'al li k'atb'il mayej ut li xyeechi'omeb', ink'a' tink'ul chi sa sa' inch'ool, tinsach b'an ru li tenamit a'in rik'in q'esnal ch'iich', rik'in we'ej ut raxkamk”.

San Juan 15:16

“Moko laa'ex ta xexsik'ok wu; laa'in b'an xinsik'ok eeru ut xexinxaqab' re texxik ut chi'uuchinq leepaab'aal, ut li taaruuchin leepaab'aal wanq chi junelik. Chi jo'kan chixjunil li teetz'aama chiru li Yuwa'b'ej sa' ink'ab'a', taak'eemanq eere.

Ezequiel 8:18

K'ajo' linjosq'il sa' xb'eeneb'! Ink'a' twil xtoq'ob'aal ruheb' chi moko tinkuy li xmaakeb'. Us ta te'xjap re chi xyaab'ankil link'ab'a', ab'an laa'in ink'a' twab'iheb'”, chan li Qaawa'.

San Juan 4:34

Kixye li Jesus reheb': —Lintzekemq a'an naq tinb'aanu li rajom li kitaqlank chaq we ut tink'e chi yaalo'k ru li xk'anjel.

Salmos 18:41

xak'eheb' chi elelik li xik' neke'ilok we, ut xinjuk'eb' jo'k'ihaleb' li neke'tz'eqtaanank we.

Li xHu LAJ JOB 42:8

Jo'kan utan chapomaq wuqub' chib'aat ut wuqub' karneer ut ayuqex rik'in laj Job laj k'anjel chiwu. Aran yeechi'ihomaq eb' li xul a'an cho'q k'atb'il mayej sa' eek'ab'a' laa'ex; ut laj Job laj k'anjel chiwu taatijoq cherix. Laa'in twab'i li xtij ut maak'a' tinb'aanu eere, us ta eek'ulub' xtojb'al rix leemaak xb'aan naq ink'a' xeye li yaal chiwix jo' xb'aanu laj Job”.

Li xHu LAJ JOB 35:12

Neke'xpatz' xtenq'ankileb', ab'an li Qaawa' ink'a' nachaq'ok chaq, xb'aan naq ink'a' useb' xna'leb' ut q'etq'eteb'.

San Juan 7:17

Wi junaq traj xb'aanunkil li rajom li Yos, tixnaw ma re li Yos li nintzoleb' wi' malaj yal injunes wib' nin'aatinak.

Jeremías 15:1

Li Qaawa' kixye we: “Us ta tole'xxaqab' rib' chiwu laj Moisés ut laj Samuel chi tz'aamank chirix li tenamit a'in, laa'in ink'a' twuxtaana ruheb'. Ye reheb' naq elqeb' chiwu ut xikaqeb' chi najt.

Jeremías 11:11

Jo'kan naq tintaqla chaq jun nimla rahilal sa' xb'eeneb' ut ink'a' te'xkol rib' chiru. Us ta japjo'qeb' re chi xpatz'b'al xtenq'ankileb' chiwu, ink'a' tin'ab'inq chiruheb'.

Isaías 58:9

Chi jo'kan, wi taayaab'a link'ab'a', laa'in tatinsume; wi tinaab'oq, tinye aawe: «We'kin!». Wi ink'a' chik nakatrahob'tesink, wi ink'a' nakathob'ok chi moko nakatq'ab'ank,

Salmos 143:10

Chak'ut chiwu xpaab'ankil laawajom: relik chi yaal naq laa'at linYos. A' taxaq laachaab'il musiq' chib'eresinq we sa' tuqtuukil ru b'e.

Génesis 20:7

Anaqwan q'ajsi li ixq re li xb'eelom, xb'aan naq a'an propeet ut taatijoq chawix re naq toj tatyo'yooq. Ab'an, wi ink'a' taaq'ajsi, chanaw naq relik chi yaal tatkamq laa'at jo' ajwi' li wankeb' sa' laawochoch”, chan li Yos.

Génesis 19:29

Jo'ka'in naq li Yos kixsacheb' li tenamit sa' li taq'a. Ab'an kijultiko'k re laj Abrahán ut kixkol laj Lot chiru li nimla rahilal, naq kixsacheb' li tenamit kiwank wi' laj Lot.

Salmos 106:23

Toja' naq li Qaawa' kixye naq tixsacheb' ru, ab'an laj Moisés, li sik'b'il ru xb'aan, kixram chiru naq ki'aatinak chirixeb' re naq ink'a' te'sache'q ru xb'aan li xjosq'il.

Salmos 99:6

Laj Moisés ut laj Aharón rochb'eeneb' li rech tijul, laj Samuel rochb'eeneb' li neke'patz'ok li xloq'laj k'ab'a' ke'xyaab'a li Qaawa', ut a'an kixsumeheb' chaq.

Salmos 40:8

jo'kan naq xinye: We'kin, chalk we, chankin. Tz'iib'anb'il chiwix sa' li b'otb'ookil hu

Hebreos 10:7

Toja' naq xinye: «We'kin arin chi xb'aanunkil laawajom, at inYos, jo' tz'iib'anb'il chaq chiwix sa' li b'otb'ookil Hu»”.

Deuteronomio 1:45

Ut sa' leesutq'ijik chaq, kexyaab'ak chiru li Qaawa', ab'an li Qaawa' ink'a' kirab'i xyaab' leekux, chi moko kiraj rab'inkil.

Li xHu LAJ JOB 35:13

Li Nimajwal Yos ink'a' narab'i li xtijeb', xb'aan naq a'an memil tijok.

San Juan 9:30

Kichaq'ok li winq ut kixye reheb': —Sachb'ach'oolej tz'aqal a'in, naq laa'ex ink'a' nekenaw b'ar chalenaq, ut a'an xte xsa' li wu.

San Juan 9:32

Maajun wa ab'inb'il resil junaq winq tixte xsa' ru junaq mutz' chalen chaq sa' xyo'lajik.

San Juan 11:22

Ab'an, anaqwan ajwi', ninnaw naq chixjunil li taatz'aama chiru li Yos, tixk'e aawe li Yos.