San Juan 9:16 - Q'eqchi Bible

¹⁶ Wankeb' aj Pariseey ke'yehok: —Li winq a'in moko rik'in ta li Yos nachalk xb'aan naq ink'a' naxk'e xloq'al li sábado. Wankeb' chik ke'yehok: —Chanru naq tixb'aanu li xninqal eetalil a'in junaq winq aj maak? Ut kiwank jachok ib' sa' xyanqeb'.

Li Santil hu

¹⁶ Cuanqueb laj fariseo queꞌxye: —Li cui̱nk aꞌan, li Jesús xcꞌabaꞌ, moco taklanbil ta chak xban li Dios xban nak incꞌaꞌ naxqꞌue xlokꞌal li hiloba̱l cutan, chanqueb. Ut cuanqueb cuiꞌchic queꞌyehoc re: —¿Chanru nak tixba̱nu li milagro junak cui̱nk aj ma̱c? chanqueb. Xban nak jalan jala̱nk nequeꞌxcꞌoxla chirix li Jesús, incꞌaꞌ chic junajeb xchꞌo̱leb.

San Juan 9:16 ပူးပေါင်းရင်းမြစ်များ

San Juan 10:19

Naq ke'rab'i li aatin a'in, kiwank wi' chik jachok ib' sa' xyanqeb' laj Judiiy.

San Juan 7:43

Jo'kan naq kichalk jun jachok ib' sa' xyanqeb' li tenamit sa' xk'ab'a' li Jesus.

San Juan 7:12

Ut q'axal neke'hashotk eb' li poyanam chirix a'an. Wan te'yehoq: “Chaab'il winq a'an”. Wankeb' chik neke'xye: “Ink'a', naxb'alaq'iheb' b'an li tenamit”.

San Juan 3:2

A'an kiwulak rik'in li Jesus chi q'eq ut kixye re: —At Tzolonel, naqanaw naq rik'in li Yos chalenaqat chaq cho'q aj tzolonel, xb'aan naq maa'ani naru chi b'aanunk re li xninqal eetalil nalajaab'aanu laa'at wi maak'a' li Yos rik'in.

San Mateo 12:2

Ut naq ke'ril a'an eb' laj Pariseey, ke'xye re: —Chak'e reetal, eb' laatzolom yookeb' chi xb'aanunkil li ink'a' naru xb'aanunkil sa' sábado.

San Juan 15:24

Wi ta ink'a' xinb'aanu li xninqal ru b'aanuhom sa' xyanqeb' li maa'ani chik kib'aanunk re, maak'a' raj xmaakeb'; a'ut anaqwan xe'ril ut xik' nikine'ril laa'in ut linYuwa'.

San Juan 14:11

Paab'omaq naq laa'in wankin rik'in li Yuwa'b'ej ut li Yuwa'b'ej wank wik'in. Wi ink'a', paab'omaq sa' xk'ab'a'eb' li xninqal ru inb'aanuhom.

San Juan 9:24

Eb' laj Judiiy ke'xb'oq wi' chik li winq, a' li mutz' naq xwank, ut ke'xye re: —Chaye qe li yaal sa' xk'ab'a' li Yos. Laa'o naqanaw naq li winq a'in a'an aj maak.

San Juan 6:52

Ab'an eb' laj Judiiy neke'xwech'i rib'eb': —Chanru naq a'in tixk'e li xtz'ejwal chiqatzeka, chankeb'.

San Juan 5:36

Ab'an laa'in wank k'aru na'aatinak chiwix q'axal nim xwankil chiru laj Jwan, a' li xnimal k'anjel li kixk'e chinb'aanu li Yuwa'b'ej. Xb'aan naq li k'anjel yookin chi xb'aanunkil na'aatinak chiwix ut naxye naq li Yuwa'b'ej kitaqlank chaq we.

Hechos 14:4

Toja' naq eb' li wankeb' sa' li tenamit a'an ke'xjach rib': wan ke'okenk chirixeb' laj Judiiy, wankeb' chik ke'okenk chirixeb' li apóstol.

San Mateo 12:10

Aran wank jun li winq chaqi jun li ruq'. Ut ke'xpatz' re li Jesus yal re xjitb'al: —Ma us k'irtasink sa' li sábado?

San Lucas 13:14

A'ut li xb'eenil li ch'utleb'aal kab'l kipo'k naq li Jesus xk'irtasink sa' sábado; ut ki'ok chi xyeeb'al reheb' li tenamit: —Wank waqib' kutan li naru wi' k'anjelak. Chexchalq b'i' sa'eb' li kutan a'an chi k'irtasiik ut ink'a' sa' li kutan sábado.

San Juan 2:11

A'in kixb'aanu li Jesus cho'q xtiklajik eb' li eetalil, aran Kanahán, sa' xteepal Galilea: kixk'ut li xnimal xloq'al ut eb' li xtzolom ke'xpaab' A'an.

San Juan 5:10

Jo'kan naq eb' laj Judiiy ke'ok chi xyeeb'al re li winq li toj xk'iraak: —Sábado anaqwan; ink'a' us taak'am laach'ina ch'aat.

San Juan 7:23

Wi nab'aanumank li sirkunsisyon re junaq winq sa' sábado re naq ink'a' taaq'etmanq li xChaq'rab' laj Moisés, k'a'ut naq nekexjosq'o'k wik'in naq xink'irtasi chi xjunxaqalil jun li winq sa' sábado?