San Juan 8:58 - Q'eqchi Bible

⁵⁸ Kixye li Jesus reheb': —Relik chi yaal ninye eere: toj maji'aq nayo'laak laj Abrahán, ak Laa'inin chaq.

Li Santil hu

⁵⁸ Li Jesús quichakꞌoc ut quixye reheb: —Relic chi ya̱l tinye e̱re nak chalen chak saꞌ xticlajic nak toj ma̱jiꞌ nayoꞌla laj Abraham, ac cuanquin ajcuiꞌ chak la̱in, chan li Jesús.

San Juan 8:58 ပူးပေါင်းရင်းမြစ်များ

Éxodo 3:14

Kichaq'ok li Yos ut kixye re laj Moisés: “Laa'in li Laa'inin”. Ut kixye ajwi': “Jo'ka'in taaye reheb' laj Israel: «Laa'inin xtaqlank chaq we eerik'in»”.

Colosenses 1:17

A'an li xb'een chiru chixjunil, ut chixjunil yo'yo ut xchapom rib' sa' xk'ab'a'.

San Juan 17:5

At inYuwa', anaqwan chanima inloq'al chak'atq rik'in linloq'al kiwank chaq chak'atq naq toj maji' kiwank li ruuchich'och'.

Isaías 44:6

Jo'ka'in kixye li Qaawa', li Nimajwal Yos, li awab'ej re Israel, laj kolol reheb': “Laa'in li xtiklajik ut li xraqik; maak'a' chik junaq yos chiwu laa'in.

Apocalipsis 1:8

“Laa'in li Alfa ut li Omega”, chan li Qaawa', li Nimajwal Yos li wank, li ak wan chaq ut li chaalel.

Hebreos 13:8

Li Jesukriist a'an ajwi' li wan chaq ewer, li wank anaqwan; ut a'anaq chi junelik.

San Juan 17:24

“At inYuwa', eb' li xak'eheb' we nawaj naq wanqeb' wochb'een b'arwi' wanqin laa'in, re naq te'xka'ya linloq'al li xak'e chaq we, xb'aan naq xinaara rub'elaj xk'ojlajik li ruuchich'och'.

Isaías 48:12

“Ab'i, a Israel, xtenamitat laj Jakob, li insik'om chaq aawu: Laa'inin; laa'in li xtiklajik ut li xraqik.

Apocalipsis 2:8

“Tz'iib'an rik'in li x'ánjel li Iklees li wank Esmirna: «A'in naxye li xb'een ut li rosob'l, li kikamk ut kiyo'laak wi' chik.

Isaías 9:6

Xb'aan naq jun k'uula'al xyo'laak cho'q qe ut xqamaatani jun ch'ina'al. Li wankilal wanq sa' ruq', ut tixk'ab'a'in: “Xnimal ru aj k'ehol na'leb'”, “Li Yos q'axal kaw rib'”, “Yuwa'b'ej chi junelik”, “Xnimal ru aj k'ehol tuqtuukil usilal”.

Miqueas 5:2

A'ut laa'at, Belén Efratá, jwal kach'inat sa' xteepal Judá, aawik'in taa'elq chaq li taa'awab'ejinq re Israel. A'an taayo'laaq sa' riyajil jun mayer junkab'al”.

Isaías 43:13

Chalen chaq q'e kutan, ak laa'in chaq li Qaawa'. Maajun taakoloq eere sa' wuq'; maajun taaruuq chi xjuk'b'al li ninb'aanu laa'in”.

Isaías 46:9

Jultikaq eere li k'aru kik'ulmank chaq junxil. Laa'in li Yos, ut maak'a' chik junaq; laa'in li Qaawa', ut maajun juntaq'eetin wi'.

Isaías 44:8

Mexxiwak ut meesiksiki eerib'. Ma ink'a' ak inyehom resil laa'in chalen chaq junxil? Laa'ex li testiiw chiwix. Ma wank tab'i' junaq chik yos chiwu laa'in? Maak'a' chik junaq aj kolonel, ka'ajin wi' ut maak'a' chik junaq”.

San Juan 8:51

Relik chi yaal ninye eere: wi junaq naxk'uula li waatin, ink'a' taaril li kamk chi junajwa.

Apocalipsis 1:11

“Tz'iib'a sa' hu li yookat chi rilb'al, ut taqla rik'ineb' li wuqub' chi Iklees: aran Éfeso, Esmirna, Pérgamo, Tiatira, Sardes, Filadelfia ut Laodicea”.

San Juan 8:34

Li Jesus kixsumeheb' ut kixye: —Relik chi yaal ninye eere: yalaq ani nab'aanunk re li maak, a'an eechaninb'il naq wank.

San Juan 8:24

Jo'kan naq xinye eere naq texkamq sa' leemaak xb'aan naq, wi ink'a' nekepaab' naq Laa'inin, texkamq sa' leemaak.

San Juan 8:28

Jo'kan naq li Jesus kixye reheb': —Akaq xetaqsi li K'ajolb'ej, toja' naq teenaw naq Laa'inin ut maak'a' ninb'aanu injunes wib', ninye b'an li k'aru kixk'ut chiwu li Yuwa'b'ej.

San Juan 10:25

Kichaq'ok li Jesus ut kixye: —Ak xinye eere, ab'an ink'a' nekepaab'. Li k'anjel nalajinb'aanu sa' xk'ab'a' linYuwa', a'an na'aatinak chiwix;