San Juan 8:36 - Q'eqchi Bible

³⁶ Jo'kan utan, wi li K'ajolb'ej texrach'ab', relik chi yaal naq ach'ab'anb'ilaqex.

Li Santil hu

³⁶ Joꞌcan nak cui la̱in li Cꞌajolbej tincolok e̱re chiru li ma̱c, relic chi ya̱l libre chic cua̱nkex.

San Juan 8:36 ပူးပေါင်းရင်းမြစ်များ

2 Corintios 3:17

Xb'aan naq li Qaawa' a'an li Musiq'ej, ut b'ar wank xMusiq' li Qaawa', aran wank li wank chi ach'ab'anb'il.

Gálatas 5:1

Li Kriist ki'ach'ab'ank qe re naq ach'ab'anb'ilaqo chi yaal. Wanqex b'i' chi kaw eech'ool sa' leepaab'aal ut meek'e chik eerib' chi wank chi b'ak'b'o.

Romanos 8:2

Xb'aan naq li xchaq'rab' li Musiq'ej li nak'ehok yu'am sa' xk'ab'a' li Kristo Jesus xatrach'ab' chiru xchaq'rab' li maak ut li kamk.

San Lucas 4:18

“Li xMusiq' li Qaawa' wank sa' inb'een xb'aan naq xinxyul re xyeeb'al li Chaab'il Esilal reheb' li neb'a'. Xinxtaqla chaq chi xpuktesinkil resil li kolb'a ib' reheb' li wankeb' sa' tz'alam, chi xyeeb'al resil reheb' li mutz' naq te'iloq wi' chik, chi rach'ab'ankil li rahob'tesinb'ileb'

Isaías 61:1

Li xMusiq' li Qaawa' wank sa' inb'een xb'aan naq li Yos xinxyul ut xinxtaqla chaq chi xyeeb'al li Chaab'il Esilal reheb' li neb'a', re xk'ojob'ankil xch'ooleb' li ra wankeb', re xpuktesinkil resil li kolb'a ib' reheb' li wankeb' sa' tz'alam ut li rach'ab'ankileb' li wankeb' chi tz'aptz'o;

Salmos 119:133

Chab'eresi linyu'am jo' xayeechi'i we, re naq ink'a' chinumtaaq sa' inb'een junaq rahilal.

Salmos 119:32

Tink'e inch'ool chi xpaab'ankil laachaq'rab', xb'aan naq laa'at nakak'ojob' li waanm.

Salmos 19:13

Ab'an ani ta naxnaw chixjunil linmaak? Chakuy taxaq li ninmaakob'k wi', chi ink'a' nink'e reetal.

1 Corintios 7:22

Xb'aan naq wi loq'b'il aj k'anjel wan wi' junaq naq xb'oqe'k xb'aan li Qaawa', a'an ach'ab'anb'il chik xb'aan li Qaawa'. Jo'kan ajwi' ani wank chi ach'ab'anb'il naq xb'oqe'k, a'an aj k'anjel chik chiru li Kriist.