San Juan 8:34 - Q'eqchi Bible

³⁴ Li Jesus kixsumeheb' ut kixye: —Relik chi yaal ninye eere: yalaq ani nab'aanunk re li maak, a'an eechaninb'il naq wank.

Li Santil hu

³⁴ Li Jesús quixye reheb: —Relic chi ya̱l ninye e̱re nak chixjunileb li nequeꞌxba̱nu li ma̱usilal cuanqueb rubel xcuanquil li ma̱c. Chanchan nak cꞌayinbileb chi cꞌanjelac chiru.

San Juan 8:34 ပူးပေါင်းရင်းမြစ်များ

Romanos 6:16

Ma ink'a' nekenaw naq wi nekek'e eerib' cho'q moos re xpaab'ankil anihaq, a'an chik taataqlanq sa' eeb'een ut laa'ex tento texpaab'anq chiru? Jo'ka'in nekek'ul laa'ex, us ta nekexk'anjelak chiru li maak li nak'amok sa' li kamk, us ta nekexk'anjelak chiru li Yos li nak'amok sa' li tiikil ch'oolej.

2 Pedro 2:19

Neke'xyeechi'i reheb' wank chi ach'ab'anb'il, a'ut eb' a'an wankeb' rub'el xwankil li maa'usilal, xb'aan naq relik chi yaal naq yalaq k'a' re ru nanumtaak sa' xb'een li winq, a'an eechaninb'il wi' li winq a'an.

Proverbios 5:22

Li ink'a' us xch'ool nat'ane'k sa' li xmaa'usilal; a' ajwi' li xmaak nasachok re.

Romanos 6:12

Jo'kan utan miwank chik xwankil li maak sa' leech'och'el sululel, meeb'aanu chik li k'aru naxrahi li tz'ejwalej.

Romanos 6:6

Naqanaw naq li qanajteril yu'am kik'ehe'k chiru krus rochb'een li Kriist, re naq chisache'q xwankil li qakamenaqil na'leb' ut ink'a' chik took'anjelaq chiru li maak.

Tito 3:3

Xb'aan naq junxil xoowank ajwi' chaq laa'o sa' xmaak'a'il qana'leb' ut sa' li q'etb'a aatin; xqak'e qib' chi b'alaq'iik, b'ak'b'ooko chaq chi k'anjelak chiru yalaq k'a' chi maa'usilal nawulak chiru li tz'ejwalej, xqanumsi li kutan chi lab'alink ut kaqalink, tz'eqtaananb'ilo jo'wi' naqatz'eqtaana chaq qib' chiqib'il qib'.

Efesios 2:2

Xexwanje'k chaq jo' chanru xna'leb' li ruuchich'och' a'in ut xetaaqe laj taqlanel li wank xwankil sa' li iq', a' li musiq'ej li yo chi k'anjelak rik'ineb' laj q'etol aatin.

Romanos 7:25

Ninb'anyoxi chiru li Yos sa' xk'ab'a' li Jesukriist, li Qaawa'. Naraj naxye, rik'in link'a'uxl yookin chi xk'anjelankil xchaq'rab' li Yos, ab'anan xb'aan xmajelal inna'leb' yookin chi xk'anjelankil xchaq'rab' li maak.

1 Reyes 21:25

Relik chi yaal naq maajun chik kiwank jo' laj Ajab, li k'ajo' li maa'usilal kixb'aanu chiru li Qaawa', takchi'inb'il xb'aan lix Jesabel li rixaqil.

Romanos 8:21

naq taa'ach'ab'aaq chiru xwankil li q'aak ut toxtaw li wank chi ach'ab'anb'il, a' li xnimal xloq'al eb' li ralal xk'ajol li Yos.

Romanos 7:14

Naqanaw naq li Chaq'rab' a'an musiq'anb'il xb'aan li Yos, ut laa'in yal winqin, k'ayinb'ilin cho'q xmoos li maak.

Hechos 8:23

Yookin chi rilb'al naq q'axal ra wankat ut b'ak'b'ookat sa' laamaa'usilal.

San Juan 3:3

Kichaq'ok li Jesus ut kixye re: —Relik chi yaal ninye aawe: maa'ani truuq chi rilb'al li xnimajwal awab'ejihom li Yos wi ink'a' ta taayo'laaq wi' chik.

San Mateo 5:18

Relik chi yaal ninye eere: naq toj wanq li choxach'och', maajun xleetril chi moko xch'ina eetalil li Chaq'rab' taanume'q chi ink'a' ta xb'enwa taak'ulmanq chixjunil.