San Juan 8:32 - Q'eqchi Bible

³² teenaw li yaal ut li yaal taa'ach'ab'anq eere.

Li Santil hu

³² Te̱nau chic lix ya̱lal. Ut nak acak xenau chic lix ya̱lal, libre chic cua̱nkex, chan.

San Juan 8:32 ပူးပေါင်းရင်းမြစ်များ

Romanos 8:2

Xb'aan naq li xchaq'rab' li Musiq'ej li nak'ehok yu'am sa' xk'ab'a' li Kristo Jesus xatrach'ab' chiru xchaq'rab' li maak ut li kamk.

San Juan 8:36

Jo'kan utan, wi li K'ajolb'ej texrach'ab', relik chi yaal naq ach'ab'anb'ilaqex.

San Juan 17:17

Chasantob'resiheb' rik'in li yaal: laawaatin a'an li yaal.

1 Pedro 2:16

Chexk'anjelaq jo'eb' li wankeb' chi ach'ab'anb'il, ut ink'a' jo'eb' li wankeb' chi ach'ab'anb'il re chik xb'aanunkil li maa'usilal; jo'kaqex b'an li xmoos li Yos.

San Juan 14:6

Kixye li Jesus re: —Laa'in li b'e, li yaal ut li yu'am. Maa'ani naxik rik'in li Yuwa'b'ej, wi ink'a' ta sa' ink'ab'a'.

Romanos 6:22

A'ut anaqwan ach'ab'anb'ilex chik chiru li maak ut oksinb'ilex cho'q aj k'anjel chiru li Yos, yookex chi uuchink cho'q re li santilal; ut li xraqik a'an, a' chik li junelik yu'am.

Isaías 61:1

Li xMusiq' li Qaawa' wank sa' inb'een xb'aan naq li Yos xinxyul ut xinxtaqla chaq chi xyeeb'al li Chaab'il Esilal reheb' li neb'a', re xk'ojob'ankil xch'ooleb' li ra wankeb', re xpuktesinkil resil li kolb'a ib' reheb' li wankeb' sa' tz'alam ut li rach'ab'ankileb' li wankeb' chi tz'aptz'o;

Salmos 25:5

K'amin chi xnawb'al li yaal ut chinaatzol, xb'aan naq laa'at linYos ut laj Kolol we; aawik'in k'ojk'o li waanm chi junelik.

Santiago 1:25

Ab'an li naxk'e xch'ool chi xk'oxlankil rix li Chaq'rab' tz'aqal re ru aj k'ehol chi wank chi ach'ab'anb'il, ut junelik kaw xch'ool chi xpaab'ankil moko jo' ta aj ab'inel li junpaat nasachk sa' xch'ool, jo' b'an tz'aqal aj b'aanuhom re li k'aru nataqlaak wi', li winq a'an osob'tesinb'ilaq rik'in xk'anjelankil.

Gálatas 5:1

Li Kriist ki'ach'ab'ank qe re naq ach'ab'anb'ilaqo chi yaal. Wanqex b'i' chi kaw eech'ool sa' leepaab'aal ut meek'e chik eerib' chi wank chi b'ak'b'o.

Santiago 2:12

Jo'ka'in chex'aatinaq ut chexk'anjelaq: jo'qex li taaraqmanq aatin sa' xb'eeneb' xb'aan li Chaq'rab' li nak'ehok chi wank chi ach'ab'anb'il.

Gálatas 5:13

Ex was wiitz'in, xexb'oqe'k re wank chi ach'ab'anb'il. Ab'anan sa' xk'ab'a' naq wankex chi ach'ab'anb'il mex'ok chi xb'aanunkil li naraj li tz'ejwalej, chera b'an eerib' ut chetenq'a eerib' cherib'il eerib'.

Jeremías 6:16

Jo'ka'in kixye li Qaawa': “Xaqlinqex sa'atqeb' li b'e ut ilonqex, patz'omaq chirixeb' li najter b'e b'ar wank li b'e chaab'il; a'an li b'e teek'am re naq sa chik texwanq”. A'ut eb' a'an ke'xye: “Ink'a' naqaj xik sa' li b'e a'an”, chankeb'.

San Juan 7:17

Wi junaq traj xb'aanunkil li rajom li Yos, tixnaw ma re li Yos li nintzoleb' wi' malaj yal injunes wib' nin'aatinak.

Oseas 6:3

Qasik'aq li Qaawa', qayalaq qaq'e chi xnawb'al ru. Relik chi yaal naq taachalq qik'in jo' naq nahik'e'k li kutan; taachalq qik'in jo' naq li hab' naxt'aqresi li ch'och' sa' li hab'alq'e”.

Romanos 8:15

Ut laa'ex moko xemaatani ta junaq musiq'ej nak'ehok eere chi moosil re naq wanqex wi' chik sa' leexiw; xemaatani b'an li Musiq'ej nak'ehok eere chi alalb'ej k'ajolb'ejil, a' li nokooruuk wi' chi xyeeb'al chi kaw: “Abbá”, naraj naxye: “At inYuwa'”.

San Juan 16:13

Naq tol'elq li Musiq'ej re li yaal, a'an taak'amoq eeb'e toj sa' xjunxaqalil li yaal, xb'aan naq ink'a' taa'aatinaq yal xjunes rib', tixye b'an chixjunil li narab'i chaq ut tixk'ut cheru li k'aru chaalel.

Isaías 30:21

ut rik'in leexik teerab'i naq yooq chi aatinak chaq cherix: “A'an a'in li b'e; ayuqex aran, a' yaal ma sa' leenim malaj sa' leetz'e uq'”, cha'aq.

Malaquías 4:2

A'ut laa'ex li nekex'oxloq'ink re link'ab'a', taalemtz'uno'q sa' eeb'een li xtiikilal linch'ool, ut sa' li xsaqenkil teetaw leekawilal. Toja' naq texpisk'oq xb'aan xsahil leech'ool jo'kaqex li saaj wakax naq neke'elk sa' li xna'ajeb'.

Proverbios 1:23

Chek'ehaq reetal leetijb'al inb'aan, ut laa'in tinhoy linmusiq' sa' eeb'een; tink'e chetaw xyaalal li waatin.

2 Timoteo 3:7

Junelik yookeb' chi tzolok, ab'an ink'a' neke'ruhank xtawb'al ru li yaal.

Isaías 35:8

Ut taawanq jun nimb'e li tixk'ab'a'in: “Loq'laj B'e”. Ink'a' te'nume'q aran li ink'a' neke'xpaab' li Qaawa', chi moko eb' li maak'a' xna'leb' te'xb'eeni rib' chisa'.

Salmos 119:45

Twaj tinb'eeq chi maak'a'aq ink'a'uxl, xb'aan naq nink'e inch'ool chi xsik'b'al laawajom.

Proverbios 4:18

Li xyu'ameb' li tiikeb' xch'ool a'an chanchan xsaqenkil li hik'e'k: na'ok chi lemtz'unk toj reetal nakutano'k ru sa' wa'leb'.

Proverbios 1:29

Xb'aan naq xetz'eqtaana li chaab'il k'a'uxl ut ink'a' xeraj roxloq'inkil li Qaawa'.

San Juan 6:45

Tz'iib'anb'il sa' xhuheb' li Propeet: «Tzolb'ilaqeb' chixjunileb' xb'aan li Yos». Chixjunil li na'ab'ink re li Yuwa'b'ej ut naxtzol rib' rik'in, nachalk wik'in.

Isaías 54:13

Chixjunileb' laawalal aak'ajol te'tzole'q xb'aan li Qaawa', ut k'ajo'aq li sahilwank toxe'xtaw chixjunileb'.

Isaías 2:3

k'ajo'aqeb' xk'ihal li poyanam te'chalq ut te'xye: “Kimqex ut taqe'qo sa' xtzuulul li Qaawa', sa' rochoch li xYos laj Jakob. A'an tixk'ut chiqu k'aru li rajom ut laa'o tqataaqe li b'e sik'b'il ru xb'aan”. Xb'aan naq aran Sión taa'elq chaq li chaq'rab', ut Jerusalén taachalq li raatin li Yos.

San Mateo 11:29

Chek'ulub'a linchaq'rab' nink'e sa' eeb'een ut tzolomaq eerib' wik'in, xb'aan naq tuulanin ut q'un linch'ool, ut sa texwanq.

San Juan 1:14

Ut li Aatin kitz'ejwalo'k ut kixk'ojob' li xmuheb'aal sa' qayanq, ut laa'o xqaka'ya li xloq'al k'eeb'il re xb'aan li Yuwa'b'ej jo' xloq'al li jun chi K'ajolb'ej nujenaq chi usilal ut chi yaal.

San Juan 1:17

Xb'aan naq li Chaq'rab' k'eeb'il chaq qe sa' xk'ab'a' laj Moisés, a'ut li usilal ut li yaal xk'ulunk sa' xk'ab'a' li Jesus li Kriist.

1 Corintios 7:22

Xb'aan naq wi loq'b'il aj k'anjel wan wi' junaq naq xb'oqe'k xb'aan li Qaawa', a'an ach'ab'anb'il chik xb'aan li Qaawa'. Jo'kan ajwi' ani wank chi ach'ab'anb'il naq xb'oqe'k, a'an aj k'anjel chik chiru li Kriist.

2 Juan 1:1

Laa'in li cheekel winq sa' li Iklees nintz'iib'ak rik'in li Qana' sik'b'il ru ut rik'ineb' li ralal xk'ajol, li ninraheb' chi tz'aqal yaal, ut moko ka'aj ta wi' laa'in; jo'kaneb' ajwi' chixjunileb' li neke'nawok re li yaal.

Levítico 25:41

Toja' naq truuq tixkanab' laawochoch rochb'eenaqeb' li ralal xk'ajol re naq taasutq'iiq sa' xyanqeb' li xkomon ut sa' li xna'ajeb' li xna' xyuwa'.