San Juan 8:31 - Q'eqchi Bible

³¹ Kixye li Jesus reheb' laj Judiiy li ke'paab'ank re: —Wi junelik eetz'ejwalihom eerib' rik'in li waatin, tz'aqal intzolomex;

Li Santil hu

³¹ Li Jesús quia̱tinac riqꞌuineb laj judío li queꞌpa̱ban re. Quixye reheb: —Cui la̱ex te̱ba̱nu li cꞌaꞌru ninye e̱re, la̱exak tzꞌakal intzolom.

San Juan 8:31 ပူးပေါင်းရင်းမြစ်များ

2 Juan 1:9

Chixjunil li ink'a' xaqxo sa' li xk'utum li Kriist ut na'elk sa' li xb'ehil, a'an moko wank ta li Yos rik'in. Ani xaqxo sa' li xk'utum, a'an wank li Yuwa'b'ej jo' ajwi' li K'ajolb'ej rik'in.

2 Timoteo 3:14

Laa'at kawaq aach'ool rik'in li xatzol ut xapaab'. Wanq sa' aach'ool aniheb' aj ik'in xatzol aawib'.

Santiago 1:25

Ab'an li naxk'e xch'ool chi xk'oxlankil rix li Chaq'rab' tz'aqal re ru aj k'ehol chi wank chi ach'ab'anb'il, ut junelik kaw xch'ool chi xpaab'ankil moko jo' ta aj ab'inel li junpaat nasachk sa' xch'ool, jo' b'an tz'aqal aj b'aanuhom re li k'aru nataqlaak wi', li winq a'an osob'tesinb'ilaq rik'in xk'anjelankil.

1 Timoteo 4:16

Chawilaq aawib' ut chak'e reetal chi us li k'aru yookat chi xk'utb'al; jiiq'aq aach'ool chi xb'aanunkil a'an: wi jo'kan taab'aanu, taakol aawib' laa'at jo'eb' ajwi' li te'ab'inq aawe.

Colosenses 1:23

Ka'ajwi' naq kawaq eech'ool sa' leepaab'aal; kaw kab'lanb'ilaqex sa' xb'een a'an, jo'wi' kaw xaqxooqex chi oyb'enink sa' xk'ab'a' li Chaab'il Esilal eerab'ihom, a' li xpuktesimank reheb' chixjunil junsut junrub'el choxa ut li xaqab'anb'ilin wi' laa'in laj Pablo chi xk'anjelankil chiruheb' chixjunil.

1 Samuel 12:14

Wi teexiwa ru li Qaawa' ut texk'anjelaq chiru, wi teerab'i xyaab' xkux ut ink'a' teeq'etq'eti eerib' chiru li xtaqlahom li Qaawa', wi laa'ex ut li awab'ej teetaaqe li Qaawa' leeYos, taawanq eeyu'am.

Hebreos 3:14

Xb'aan naq laa'o nokootz'aqonk rik'in li Kriist wi kaw qach'ool sa' li qapaab'aal, jo' chaq sa' xtiklajik jo'kanaq ajwi' chalen sa' roso'jik.

Hechos 14:22

yookeb' chi xk'eeb'al xkawub' xch'ooleb' laj paab'anel ut chi xjultikankil chiruheb' naq che'wanq junelik sa' li paab'ank: “Tento tqanumsi naab'al rahilal re naq tooruuq too'ok sa' li xnimajwal awab'ejihom li Yos”, chankeb'.

1 Juan 2:24

Jo'kan naq chiwanq sa' leech'ool li k'aru eerab'ihom chalen chaq sa' xtiklajik. Wi wank sa' leech'ool li eerab'ihom chalen chaq sa' xtiklajik, texwanq ajwi' chi junelik rik'in li K'ajolb'ej ut li Yuwa'b'ej.

Romanos 11:22

K'e reetal naq chaab'il li Yos, ab'anan kaw ajwi' na'aatinak. Kaw na'aatinak rik'ineb' li ke't'ane'k, ab'an k'ajo' xchaab'ilal aawik'in wi junelik wanqat sa' li xchaab'ilal. Wi ink'a' jo'kan, tat-isiiq ajwi' laa'at.

Romanos 2:7

li Yos tixk'e junelik yu'am reheb' li ninqeb' xkuyum chi xb'aanunkil li us, jo'k'ihaleb' li neke'xsik' li loq'al, li chaab'ilal ut li yu'am ink'a' nalajk na'oso'k.

San Mateo 24:13

Ab'anan ani tixk'e xch'ool toj sa' roso'jik, a'an taakole'q.

San Juan 8:36

Jo'kan utan, wi li K'ajolb'ej texrach'ab', relik chi yaal naq ach'ab'anb'ilaqex.

San Juan 6:55

Xb'aan naq lintz'ejwal a'an tz'aqal tzekemq ut linkik'el a'an tz'aqal uk'a'.

Hechos 13:43

Ut naq ak kiraqe'k li ch'utam, naab'aleb' laj Judiiy ut xkomoneb' li neke'xxiwa ru li Yos ke'xtaaqe laj Pablo ut laj Bernabé. Eb' a'in toj ke'seeraq'ik rik'ineb', yookeb' chi xq'unb'esinkileb' chi wank junelik sa' rusilal li Yos.

1 Juan 2:19

Sa' qayanq xe'elk, ab'an moko qakomoneb' ta; wi ta qakomoneb', xe'kanaak raj qik'in. Ab'an xk'ulmank a'an re naq taak'utunq naq moko qakomoneb' ta chixjunileb'.

Hebreos 8:9

ink'a' jo' li Sumwank kink'ojob' rik'ineb' li xna' xyuwa'eb', naq keb'inch'ilo chaq chi ruq'eb' ut kiwisiheb' chaq sa' li tenamit Ejiipt. Eb' a'an ink'a' ke'xpaab' linSumwank rik'ineb'; jo'kan naq laa'in ajwi' ink'a' chik kink'oxlaheb', chan li Qaawa'.

1 Timoteo 2:15

Ab'anan taakole'q sa' xk'ab'a' naq na'b'ej, wi junelik kawaq xch'ool sa' li xpaab'aal, sa' li rahok, santilal, ut rik'in q'unil ch'oolej.

San Juan 1:47

Li Jesus kiril naq laj Natanael yo chi nach'ok, ut kixye: —We' chaq jun tz'aqal aj Israel li maak'a' b'alaq'ik rik'in.

Hechos 26:22

Ab'anan li Yos xinxtenq'a, ut chalen toj sa' li kutan a'in yookin chi xch'olob'ankil li yaal chiruheb' li kok' ut chiruheb' li ninq. Li yookin chi xyeeb'al, a'an ajwi' li ak yeeb'il chaq xb'aaneb' li propeet ut laj Moisés, chirix li k'aru tento taak'ulmanq:

San Juan 2:2

Kib'oqe'k ajwi' li Jesus rochb'eeneb' li xtzolom rik'in li sumlaak.