San Juan 8:16 - Q'eqchi Bible

¹⁶ Ut wi tinraqoq aatin, linraqb'a aatin a'an tz'aqal yaal xb'aan naq moko wankin ta injunes, wochb'een b'an li kitaqlank chaq we.

Li Santil hu

¹⁶ Abanan cui tinrakok a̱tin, tinba̱nu saꞌ ti̱quilal xban nak incꞌaꞌ ninrakoc a̱tin injunes. Ninba̱nu ban joꞌ naraj lin Yucuaꞌ li quitaklan chak cue.

San Juan 8:16 ပူးပေါင်းရင်းမြစ်များ

San Juan 8:29

Ut li kitaqlank chaq we wank wik'in: ink'a' xinxkanab' injunes, xb'aan naq junelik ninb'aanu li nawulak chiru.

Hechos 17:31

Xb'aan naq li Yos ak kixxaqab' li kutan tixraq wi' aatin sa' tiikilal sa' xb'een li ruuchich'och', sa' xk'ab'a' jun li winq xaqab'anb'il xb'aan. Kixk'ut ajwi' chiruheb' chixjunil naq tz'aqal yaal a'an, rik'in xwaklesinkil chi yo'yo li Jesus sa' xyanqeb' li kamenaq”.

San Juan 16:32

K'ehomaq reetal, chalk re xhonal (ak xk'ulunk ajwi') naq teecha'cha'i eerib', ak xb'e xb'e li junjunq tixk'am, ut tineekanab' injunes. Ab'an moko injunes ta, xb'aan naq wank wik'in li Yuwa'b'ej.

1 Samuel 16:7

Ab'an li Qaawa' kixye re laj Samuel: “Maak'e reetal chanru na'ilok, chi moko li xnajtil roq. Moko a'an ta li sik'b'il ru inb'aan. Li naril li Yos, maawa' a' li naril li winq: li winq naril chanru na'ilok junaq, ab'an li Qaawa' naril li ch'oolej”.

Apocalipsis 19:11

Toja' naq kiwil li choxa teeto ut aran wank jun kawaay saq rix; ut li k'ojk'o sa' xb'een, “Tiik xch'ool” ut “Paab'ajel” naxk'ab'a'in: naraqok aatin ut nayalok sa' tiikilal.

Zacarías 9:9

Jap aawe xb'aan xsahil aach'ool, at Sión, b'ichan chi anchal laawaanm, at Jerusalén. Xb'aan naq we' chaq laarey, tiik xch'ool ut aj q'axol u, tuulan ut wan chaq chirix jun ch'ina b'uur, ral li xul na'iiqank.

Isaías 9:7

K'ajo'aq li xwankilal, ut li tuqtuukilal maak'a'aq roso'jik sa' li xk'ojarib'aal laj David ut li x'awab'ejihom: a'an taak'ojob'anq re li xwankil sa' xb'een li tiikilal ut li k'ulub'ej chalen anaqwan ut toj chiruheb' li kutan chaalel. Ut a'in taa'uxmanq sa' xk'ab'a' li xnimal xrahom li Nimajwal Yos!

Salmos 99:4

Laa'at jun awab'ej li q'axal nim aawankil, k'ajo' naq nakara li tiikilal! Laa'at xatk'ojob'ank re li yaal, xak'anjela li tiikil ch'oolej ut li yaal sa' xyanqeb' laj Jakob.

Salmos 98:9

chiru li Qaawa' xb'aan naq chalk re: chalk re chi raqok aatin sa' xb'een li ruuchich'och'! Tixjolomi li choxach'och' sa' tiikilal ut tixb'eresi chixjunileb' li tenamit jo' chanru xchaab'ilal li xch'ool.