San Juan 8:14 - Q'eqchi Bible

¹⁴ Li Jesus kixsumeheb' ut kixye: —Us ta ninch'olob' wib', ab'an li ninch'olob' a'an paab'ajel, xb'aan naq ninnaw b'ar xinchalk chaq ut b'ar xik we; a'ut laa'ex ink'a' nekenaw b'ar ninchalk ut b'ar xik we.

Li Santil hu

¹⁴ Li Jesús quixye reheb: —Cuan xcuanquil li ninye usta yo̱quin chi a̱tinac chicuix la̱in xban nak tzꞌakal ya̱l li ninye. La̱ex incꞌaꞌ nequenau bar xinchal chak, chi moco nequenau bar tinxic. Caꞌaj cuiꞌ la̱in ninnaꞌoc re bar xinchal chak ut bar tinxic.

San Juan 8:14 ပူးပေါင်းရင်းမြစ်များ

San Juan 16:28

Kin'elk chaq rik'in li Yuwa'b'ej ut kinchalk sa' ruuchich'och'; anaqwan tinkanab' li ruuchich'och' ut tinsutq'iiq wi' chik rik'in li Yuwa'b'ej”.

San Juan 13:3

Naxnaw li Jesus naq k'eeb'il chixjunil sa' ruq' xb'aan li Yuwa'b'ej, rik'in li Yos elenaq chaq ut rik'in li Yos xik re.

San Juan 14:10

Ma ink'a' nakapaab' naq laa'in wankin rik'in li Yuwa'b'ej ut li Yuwa'b'ej wank wik'in? Eb' li aatin li ninye eere, moko injunes ta wib' naq ninye; a' li Yuwa'b'ej li wank wik'in, a'an li nab'aanunk re li k'anjel.

San Juan 8:42

Kixye li Jesus reheb': —Wi ta a' li Yos leeYuwa', nikineera raj, xb'aan naq rik'in li Yos kin'elk ut kinchalk chaq. Ink'a' kinchalk injunes wib'; a' li Yos, a'an li kitaqlank chaq we.

San Juan 17:8

xb'aan naq eb' li aatin xak'eheb' we xink'e reheb', ut eb' a'an xe'xk'ul ut xe'xnaw chi tz'aqal yaal naq aawik'in xin'elk chaq, jo' ajwi' xe'xpaab' naq laa'at xattaqlank chaq we.

Números 12:3

Laj Moisés a'an jun li winq tuulan, q'axal tuulan chik chiruheb' chixjunil li wankeb' sa' ruuchich'och'.

Apocalipsis 3:14

“Tz'iib'an rik'in li x'ánjel li Iklees li wank Laodicea: «Kama'in na'aatinak li Amén, laj Ch'olob'anel re li yaal, chaab'il ut paab'ajel, li xTiklajik chixjunil li xyoob'tesihom li Yos.

2 Corintios 12:19

Mare ak junxil xex'ok chi xk'oxlankil naq yooko chi xpatz'b'al qakuyb'al cheru. Ab'anan moko jo'kan ta: nokoo'aatinak chiru li Yos sa' xk'ab'a' li Kriist. Ut chixjunil a'in, ex was wiitz'in raarookex inb'aan, yal re xkab'lankil leekomonil naq ninye.

2 Corintios 12:11

Xkaano' wu, ab'an laa'ex xexminok wu. Laa'ex raj li xexnimank inloq'al, xb'aan naq tik moko kub'enaq ta inwankil chiruheb' li “xninqaleb' ru apóstol” a'an, us ta laa'in maak'a' inwankil.

2 Corintios 11:31

Naxnaw li Yos, li xYuwa' li Qaawa' Jesus (usilaatinanb'ilaq taxaq chi junelik), naq ink'a' nintik'ti'ik.

San Juan 10:36

k'a'ut naq chiwix laa'in li kinxsantob'resi li Yuwa'b'ej ut kinxtaqla chaq sa' ruuchich'och' nekeye naq ninmajewa li Yos xb'aan naq xinye: «Ralalin li Yos»?

San Juan 10:15

jo' li Yuwa'b'ej naxnaw wu ut laa'in ninnaw ru li Yuwa'b'ej; ut nink'e linyu'am sa' xk'ab'a'eb' li karneer.

Proverbios 8:7

Li ok we xyeeb'al, a'an tz'aqal yaal; ut maajun junaq tik'ti' wank chisa'.

San Juan 5:31

Wi ta laa'in ninch'olob' anihin, moko yaal ta raj li waatin.

San Juan 18:37

Toja' naq laj Pilaat kixye re: —Ma laa'at rey chi jo'kanan? Kichaq'ok li Jesus ut kixye: —Laa'at nakaye naq laa'in rey. A'in aj e naq kinyo'laak ut a'in aj e naq kinchalk sa' li ruuchich'och': re tin'aatinaq chirix li yaal. Chixjunil li na'okenk chirix li yaal, narab'i li xyaab' inkux.

Apocalipsis 1:5

ut sa' xk'ab'a' li Jesukriist, laj ch'olob'anel xyaalal, li paab'ajel, li xb'een li kiwakliik chi yo'yo sa' xyanqeb' li kamenaq, li nim xwankil sa' xb'eeneb' chixjunil li awab'ej re li ruuchich'och'. A'an narahok qe ut kooxch'ajob'resi chiru li qamaak rik'in li xkik'el.