San Juan 8:11 - Q'eqchi Bible

¹¹ Kichaq'ok a'an: —Maajun, Qaawa'. Ut li Jesus kixye re: —Chi moko laa'in tatink'e sa' tojb'amaak. Ayu ut chalen anaqwan matmaakob'k chik].

Li Santil hu

¹¹ Ut li ixk quixye re: —Ma̱ jun, Ka̱cuaꞌ.— Ut li Jesús quixye re: —Chi moco la̱in tatinqꞌue chixtojbal a̱ma̱c. Ayu ut matma̱cob chic, chan.

San Juan 8:11 ပူးပေါင်းရင်းမြစ်များ

San Juan 3:17

Xb'aan naq li Yos ink'a' kixtaqla chaq li Ralal sa' ruuchich'och' chi raqok aatin sa' xb'een li ruuchich'och', re b'an naq chikole'q li ruuchich'och' sa' xk'ab'a' a'an.

San Juan 5:14

Moqon chik li Jesus kixtaw li winq sa' rochoch li Yos ut kixye re: —K'e reetal, xatk'iraak. Matmaakob'k chik re naq michalk sa' aab'een junaq rahilal q'axal ra chik chiru a'an.

San Juan 8:15

Laa'ex nekexraqok aatin jo' naraj li tz'ejwalej; laa'in maa'ani sa' aj b'een ninraqok aatin.

San Lucas 15:7

“Ninye eere naq jo'kan ajwi' sa' choxa. Q'axal nim chik li sahil ch'oolej taawanq naq junaq aj maak tixyot' xch'ool tixjal xk'a'uxl, chiruheb' li b'eleelaju ro'k'aal tiikeb' xch'ool li moko aajel ta chik ru naq te'xjal xk'a'uxeb'.

San Lucas 5:32

Ink'a' xinchalk chi xb'oqb'aleb' li tiikeb' xch'ool, a'eb' b'an laj maak re naq te'xyot' xch'ool te'xjal xk'a'uxl.

Proverbios 28:13

Li naxmuq li xmaak, maajaruj tox'usaaq; a'ut li naxxooto xmaak ut ink'a' chik naxb'aanu, kuyb'ilaq li xmaak.

Li xHu LAJ JOB 34:31

Wi wank junaq naxye re li Yos: “Chakuy inmaak, xink'e wib' chi b'alaq'iik; ink'a' chik tinb'aanu.

Romanos 2:4

Malaj ut nakatz'eqtaana li xchamal xsasal li rusilal li Yos, li xnimal xkuyum ut li xq'unal xch'ool? Ma ink'a' nakanaw naq li rusilal li Yos a'in natoch'ok aawe chi xyot'b'al laach'ool ut chi xjalb'al laak'a'uxl?

San Lucas 13:3

Ninye eere naq ink'a'; wi ink'a' teeyot' eech'ool teejal eek'a'uxl, juntaq'eet naq tex'oso'q chejunilex.

San Lucas 15:10

“Ninye eere naq kama'an ajwi' li sahil ch'oolej nawank sa' xyanqeb' li x'ánjel li Yos naq junaq aj maak tixyot' xch'ool tixjal xk'a'uxl”.

San Juan 18:36

Kichaq'ok li Jesus ut kixye: —Lin'awab'ejihom maawa' re li ruuchich'och' a'in. Wi ta re li ruuchich'och' a'in lin'awab'ejihom, xe'yalok raj eb' laj k'anjel chiwu re naq ink'a' xinq'axtesiik sa' ruq'eb' laj Judiiy; ab'anan lin'awab'ejihom moko aj arin ta.

San Lucas 15:32

Ab'anan tento ajwi' xqab'aanu li ninq'e ut xsaho'k sa' qach'ool, xb'aan naq laawiitz'in a'in kamenaq naq xwank ut xwakliik wi' chik chi yo'yo, kisachk ut xtawmank chaq»”.

San Lucas 13:5

Ninye eere naq ink'a'; ut wi ink'a' teeyot' eech'ool teejal eek'a'uxl, juntaq'eet naq tex'oso'q chejunilex”.

Isaías 55:6

“Sik'omaq li Qaawa' naq toj naru xtawb'al; b'oqomaq A'an naq toj wank chi nach'.

Deuteronomio 17:9

Aran toxaapatz' aatenq'ankil reheb' laj tij aj Leví ut re laj raqol aatin wank sa' xk'anjel. Eb' a'an te'xtz'ili rix chi us ut te'xye aawe k'aru tkanaaq wi' li ch'a'ajkilal a'an.

Deuteronomio 16:18

“Taaxaqab'eb' aj raqol aatin ut aj nawonel chaq'rab' cho'q reheb' laateepal, sa' li junjunq chi tenamit tixk'e aawe li Qaawa' laaYos. A'aneb' te'raqoq aatin sa' xb'een li tenamit rik'in tiikil ch'oolej.

2 Pedro 3:15

Chek'oxla naq li xnimal xkuyum li Qaawa' a'an leekolb'al. A'an ajwi' kixtz'iib'a eerik'in laj Pablo, li qech aj paab'anelil raaro qab'aan, jo' chanru li na'leb' k'eeb'il chaq re xb'aan li Yos.

1 Corintios 5:12

K'a' tab'i' naq tinraqoq aatin chirixeb' li moko aj paab'aneleb' ta? A' li Yos taaraqoq aatin sa' xb'eeneb'. Ab'an laa'ex tento xraqb'al aatin sa' xb'eeneb' leerech aj paab'anelil. Jo'kan naq “isihomaq sa' eeyanq li ink'a' us xch'ool”, chan li Santil Hu.

San Lucas 9:56

Chirix chik a'an koheb' sa' jalan chik k'aleb'aal.