San Juan 7:8 - Q'eqchi Bible

⁸ Taqenqex laa'ex sa' li ninq'e; laa'in ink'a' tintaqe'q sa' li ninq'e a'in xb'aan naq maji' natz'aqlok linhonal.

Li Santil hu

⁸ Ayukex la̱ex saꞌ li ninkꞌe. La̱in incꞌaꞌ tinxic xban nak toj ma̱jiꞌ nacuulac xkꞌehil nak tinxic, chan li Jesús.

San Juan 7:8 ပူးပေါင်းရင်းမြစ်များ

San Juan 7:6

Toja' naq kixye li Jesus reheb': —Toj maji' nawulak linhonal, a'ut leehonal laa'ex junelik wank cheruq'.

San Juan 8:20

Eb' li aatin a'in kixye li Jesus sa' li xna'aj li mayej, naq yo chi xtzolb'aleb' li tenamit sa' rochoch li Yos. Ut maa'ani kichapok re xb'aan naq toj maji' nawulak li xhonalil.

San Juan 7:30

Ke'raj raj xchapb'al, ab'an maa'ani kixtaqsi li ruq' sa' xb'een, xb'aan naq toj maji' nawulak li xhonalil.

San Juan 8:30

Ut naq yo chi aatinak chi jo'ka'in, naab'aleb' ke'paab'ank re.

San Mateo 26:18

Ut a'an kixye: —Ayuqex sa' li tenamit, sa' rochoch li winq a'an, ut teeye re: «Linhonal nach' chik wank; sa' laawochoch tinninq'ehi li Paswa wochb'eeneb' lintzolom, chan laj Tzolonel», cha'qex re.

San Juan 2:4

Kichaq'ok li Jesus ut kixye re: —K'a' taawaj we, at ixq? Maji' nawulak linhonal.

San Juan 7:9

Naq kixye a'in, toj kikanaak Galilea.