San Juan 7:35 - Q'eqchi Bible

³⁵ Toja' naq eb' laj Judiiy ke'xye chirib'ileb' rib': —B'ar anchal taaxik a'an naq ink'a' tooruuq xtawb'al? Malaj taaxik ta rik'ineb' laj Griego li xe'xcha'cha'i rib'eb', re naq tixtzoleb'?

Li Santil hu

³⁵ Ut eb laj judío queꞌoc chi a̱tinac chi ribileb rib ut queꞌxye: —¿Bar anchal ta̱xic li cui̱nk aꞌin nak incꞌaꞌ ta̱ru̱k takatau? Ma̱re ta̱xic riqꞌuineb laj judío li cuanqueb saꞌ xtenamiteb laj griego. Malaj ta̱oc chixtzolbaleb laj griego.

San Juan 7:35 ပူးပေါင်းရင်းမြစ်များ

Santiago 1:1

Laa'in laj Santiago, xmoos li Yos ut xmoos li Qaawa' Jesukriist, nintaqla xsahil xch'ooleb' li kab'laju teep chi tenamit xcha'cha'ihomeb' rib' yalaq b'ar.

1 Pedro 1:1

Laa'in laj Pedro, x'apóstol li Jesukriist, nintz'iib'ak eerik'in li xecha'cha'i eerib' Ponto, Galacia, Kapadocia, Asia ut Bitinia, ut anaqwan wankex aran jo' aj numel. Laa'ex sik'b'il eeru,

Sofonías 3:10

Toj junpak'al eb' li nima' re Etiopía tole'tz'aamanq ut tole'elajinq chiwu eb' li walal ink'ajol li cha'cha'inb'ileb', ut te'xk'amatq chaq xmayejeb'.

Isaías 11:12

Tixtaqsi jun eetalil cho'q reheb' li poyanam, tixch'utub'eb' wi' chik eb' laj Israel li ke'isiik sa' li xtenamiteb', ut tixk'ameb' chaq eb' laj Judá li cha'cha'inb'ileb' sa' chixjunil li ruuchich'och'.

San Juan 12:20

Wankeb' aj griego sa' xyanqeb' li ke'taqe'k aran Jerusalén chi loq'onink sa' li Ninq'e.

2 Timoteo 1:11

Sa' li k'anjel a'in xaqab'anb'ilin cho'q aj puktesinel, cho'q apóstol ut aj tzolonel,

1 Timoteo 2:7

ut a'in aj e naq kinxaqab'aak cho'q aj puktesinel ut apóstol (ninye li yaal, ink'a' nintik'ti'ik), re xk'utb'al li paab'aal ut li yaal chiruheb' li maawa'eb' aj Judiiy.

Colosenses 1:27

Li Yos kiraj xk'utb'al chiruheb' a'an li xchamal xsasal li xloq'al li muqmuukil na'leb' a'in sa' xyanqeb' li maawa'eb' aj Judiiy, a' li Kriist li wank eerik'in, li k'ojk'o wi' leech'ool chi royb'eninkil xnimal eeloq'al.

Efesios 3:8

Laa'in, li q'axal kub'enaq inwankil chiruheb' chixjunil laj santil paab'anel, xinmaatani li k'anjel a'in: xpuktesinkil resil li xchamal xsasal li xb'ihomal li Kriist reheb' li maawa'eb' aj Judiiy,

Hechos 22:21

Ab'an li Qaawa' kixye we: «Ayu, xb'aan naq laa'in tatintaqla chi najt, sa' xyanqeb' li maawa'eb' aj Judiiy»”.

Hechos 21:21

Anaqwan xe'rab'i aawesil naq nakatzoleb' len chixjunileb' laj Judiiy li wankeb' sa' xyanqeb' li junch'ol chik naq che'risi rib' sa' xchaq'rab' laj Moisés. Nakaye len naq ink'a' te'xb'aanu li sirkunsisyon reheb' li ralal xk'ajoleb' chi moko te'xyu'ami li tzolb'ileb' wi' junxil.

Hechos 11:18

Naq ke'rab'i a'in, eb' laj paab'anel aj Jerusalén ke'k'ojlaak xch'ool ut ke'xnima ru li Yos: —A'in naraj naxye naq li Yos xk'e ajwi' reheb' li maawa'eb' aj Judiiy naq te'xyot' xch'ool te'xjal xk'a'uxl ut te'ok sa' li yu'am, chankeb'.

San Juan 8:22

Neke'xyehatq eb' laj Judiiy: —Malaj ut tixkamsi rib' naq naxye: «B'ar wi' xik we laa'in, ink'a' truuq texxik laa'ex»?

San Lucas 2:32

a'an saqenk re xkutanob'resinkileb' li junch'ol chik, ut xnimal xloq'al laatenamit Israel”.

San Mateo 12:21

Ut rik'in a'an xaqxooq royb'enihomeb' li tenamit”.

Isaías 49:6

“Moko tz'aqal ta naq aj k'anjelat chiwu yal re xwaklesinkil li xteepal laj Jakob ut xsutq'isinkileb' chaq wi' chik eb' laj Israel li xe'kole'k. Xatinxaqab' aj b'an wi' cho'q xsaqenkeb' li poyanam, re naq taawulaq linkolb'a ib' toj sa' xmaril li ruuchich'och'”.

Isaías 11:10

Sa' li kutan a'an li riyajil laj Jesé taawanq jo' jun eetalil cho'q reheb' li tenamit; chixjunileb' li poyanam te'sik'oq re ut q'axal nimaq xloq'al li na'ajej wanq wi'.

Salmos 147:2

Li Qaawa' xwaklesi wi' chik Jerusalén, ut xch'utub'eb' laj Israel li xe'cha'cha'iik.

Isaías 56:8

Laa'in tinsutq'isiheb' chaq li toj wankeb' chi preexil sa' ab'l tenamit, tinch'utub'eb' ut te'wanq sa' junajil”. A'an a'in raatin li Qaawa' li nach'utub'ank reheb' laj Israel li xe'cha'cha'iik sa' najtil tenamit.

San Juan 7:1

Chirix chik a'in li Jesus ki'ok chi b'eek Galilea, ut ink'a' naru taab'eeq Judea xb'aan naq eb' laj Judiiy yookeb' chi xsik'b'al chan raj ru te'xkamsi.

Hechos 11:20

Sa' xyanqeb' a'an wankeb' aj Chipre ut aj Sirene li ke'wulak Antiokía ut ke'raatinaheb' ajwi' laj griego ut ke'ok chi xyeeb'al reheb' li xChaab'il Esil li Jesus, li Qaawa'.

Hechos 14:1

Jo'kan ajwi', sa' li tenamit Ikonio, laj Pablo ut laj Pedro ke'ok sa' li xch'utleb'aal kab'l eb' laj Judiiy ut ke'aatinak chi chaab'il; ut rik'in li aatin ke'rab'i k'ajo' xk'ihaleb' laj Judiiy ut eb' laj Griego ke'ok chi paab'ank.

Hechos 17:4

Wankeb' aj Judiiy ke'xpaab' ut ke'okenk chirix laj Pablo ut laj Silas, rochb'eeneb' naab'aleb' aj Griego li neke'xiwank re li Yos jo'wi' naab'aleb' xninqaleb' ru ixq.

Hechos 18:4

Rajlal sábado laj Pablo naseeraq'ik sa' li ch'utleb'aal kab'l, yalyo xq'e chi xq'unb'esinkileb' laj Judiiy jo'wi' eb' laj Griego.

Romanos 1:16

Xb'aan naq ink'a' ninxutaanak chi xpuktesinkil li Chaab'il Esilal; a'an xnimal xwankil li Yos re xkolb'al chixjunileb' li te'paab'anq re: xb'enwa eb' laj Judiiy ut eb' ajwi' laj Griego.