San Juan 7:17 - Q'eqchi Bible

¹⁷ Wi junaq traj xb'aanunkil li rajom li Yos, tixnaw ma re li Yos li nintzoleb' wi' malaj yal injunes wib' nin'aatinak.

Li Santil hu

¹⁷ —Li ani ta̱ajok xba̱nunquil li cꞌaꞌru naraj li Dios, aꞌan tixnau ma re li Dios li tijleb li yo̱quin chixcꞌutbal malaj ut yal incꞌaꞌux injunes.

San Juan 7:17 ပူးပေါင်းရင်းမြစ်များ

San Juan 8:43

K'a'ut naq ink'a' neketaw ru li waatinob'aal? Xb'aan naq ink'a' nekexruuk chi rab'inkil li waatin.

San Juan 8:47

Li ani nachalk rik'in li Yos narab'i li naxye li Yos; ut laa'ex ink'a' nekerab'i xb'aan naq moko rehex ta li Yos.

Hechos 17:11

Eb' a'in q'axal q'uneb' xch'ool chiruheb' li wankeb' Tesalónika: ke'xk'ulub'a li Aatin chi anchaleb' xch'ool, yookeb' chi xtz'ilinkil xsa' li Santil Hu rajlal kutan re rilb'al ma yaal li naxye laj Pablo.

Daniel 12:10

Naab'aleb' li te'yale'q rix ut te'ch'ajob'resiiq xb'aan li Yos. Eb' li yib'ru xna'leb'eb' toj yooqeb' chi xb'aanunkil li maa'usilal, chi maajun taatawoq xyaalal; ab'anan li wankeb' xchoxahil na'leb' te'xtaw ru.

San Lucas 8:15

Li kit'ane'k sa' chaab'il ch'och' a'aneb' li neke'ab'ink re li Aatin ut neke'xk'uula sa' chaab'ilal ut chi anchaleb' xch'ool, ut neke'uuchink xb'aan naq junelik neke'xkuy xk'anjelankil ru.

Salmos 25:12

Ma wank junaq napaab'ank re li Qaawa'? A' ajwi' li Yos taak'utuq chiru li b'e tento tixk'am.

Miqueas 4:2

k'ajo'aqeb' xk'ihal li poyanam te'chalq ut te'xye: “Kimqex ut taqe'qo sa' xtzuulul li Qaawa', sa' rochoch li xYos laj Jakob. A'an tixk'ut chiqu k'aru li rajom ut laa'o tqataaqe li b'e sik'b'il ru xb'aan”. Xb'aan naq aran Sión taa'elq chaq li chaq'rab', ut Jerusalén taachalq li raatin li Yos.

Isaías 35:8

Ut taawanq jun nimb'e li tixk'ab'a'in: “Loq'laj B'e”. Ink'a' te'nume'q aran li ink'a' neke'xpaab' li Qaawa', chi moko eb' li maak'a' xna'leb' te'xb'eeni rib' chisa'.

Malaquías 4:2

A'ut laa'ex li nekex'oxloq'ink re link'ab'a', taalemtz'uno'q sa' eeb'een li xtiikilal linch'ool, ut sa' li xsaqenkil teetaw leekawilal. Toja' naq texpisk'oq xb'aan xsahil leech'ool jo'kaqex li saaj wakax naq neke'elk sa' li xna'ajeb'.

Salmos 25:14

Li Qaawa' a'an ramiiw eb' li neke'paab'ank re, jo'wi' naxk'e chi xnaweb' li xloq'laj sumwank.

Salmos 119:10

Chi anchal linch'ool nakatinsik', at Qaawa'; minaakanab' chi xq'etb'al laachaq'rab'.

San Mateo 6:22

“Li xsaqenk li tz'ejwalej a'an li xsa' laawu. Jo'kan utan, wi saqenk ru xsa' laawu, chixjunil laajunxaqalil saqenaq ajwi' ru;

Oseas 6:3

Qasik'aq li Qaawa', qayalaq qaq'e chi xnawb'al ru. Relik chi yaal naq taachalq qik'in jo' naq nahik'e'k li kutan; taachalq qik'in jo' naq li hab' naxt'aqresi li ch'och' sa' li hab'alq'e”.

Proverbios 3:32

xb'aan naq li Qaawa' xik' narileb' li ink'a' useb' xna'leb', ab'an naxraheb' li tiikeb' xch'ool.

Proverbios 28:5

Eb' li ink'a' useb' xna'leb' ink'a' neke'xtaw ru li tiikilal; ab'an li neke'xsik' li Qaawa', neke'xtaw ru chixjunil.

San Juan 3:21

A'ut li nak'anjelank re li yaal, naxik wan wi' li saqenk, re naq chik'utunq naq eb' li xb'aanuhom uxb'ileb' sa' xk'ab'a' li Yos”.

San Juan 8:44

Laa'ex rehex leeyuwa', a' laj tza, ut li naraj leeyuwa' a'an nekeraj xb'aanunkil. A'an aj kamsinel chalen chaq sa' xtiklajik, ut ink'a' kixkuy wank sa' li yaal, xb'aan naq maak'a' li yaal rik'in. Naq naxye li tik'ti', naxye li na'elk chaq rik'in, xb'aan naq aj tik'ti' ut xyuwa'il li tik'ti'.