San Juan 6:38 - Q'eqchi Bible

³⁸ Xb'aan naq xinkub'e chaq sa' choxa moko re ta xb'aanunkil li wajom laa'in, re b'an xb'aanunkil li rajom li kitaqlank chaq we.

Li Santil hu

³⁸ La̱in xinchal chak saꞌ choxa re tinba̱nu li cꞌaꞌru naraj li Dios li quitaklan chak cue. Moco xinchal ta chixba̱nunquil li cꞌaꞌru nacuaj la̱in.

San Juan 6:38 ပူးပေါင်းရင်းမြစ်များ

San Juan 5:30

“Laa'in maak'a' naru ninb'aanu injunes wib': a' yaal chanru nawab'i, ninraqok aatin, ut linraqb'a aatin a'an tiik xb'aan naq ink'a' ninsik' li wajom laa'in, a' b'an li rajom li kitaqlank chaq we.

San Juan 4:34

Kixye li Jesus reheb': —Lintzekemq a'an naq tinb'aanu li rajom li kitaqlank chaq we ut tink'e chi yaalo'k ru li xk'anjel.

San Juan 3:31

“Li nachalk chaq taqe'q a'an li nim xwankil sa' xb'een chixjunileb'. Li ani re li ruuchich'och', a'an ruuchich'och' ut ruuchich'och'il aatin naxye. Li nachalk chaq sa' choxa

Isaías 53:10

Li Qaawa' xraj xrahob'tesinkil ut xtawasinkil rik'in rahilal, ut laj k'anjel tiik xch'ool xmayeja rib' re xtojb'al rix li maak. Jo'kan naq taanajto'q roq li xyu'am, toxrileb' li ralal xk'ajol ut sa' xk'ab'a' A'an taatz'aqloq ru li rajom li Yos.

San Juan 6:33

Xb'aan naq li xwa li Yos a'an li nakub'e chaq sa' choxa ut naxk'e xyu'am li ruuchich'och'.

San Juan 3:13

“Maa'ani taqenaq sa' choxa, ka'ajwi' li kikub'e chaq sa' choxa, a' li K'ajolb'ej.

Hebreos 5:8

Us ta a'an K'ajolb'ej, ab'an kixtzol paab'ank rik'in li rahilal kixk'ul.

Romanos 15:3

Li Kriist ajwi' ink'a' kixsik' li k'aru kiwulak chiru, kixb'aanu b'an jo' tz'iib'anb'il sa' li Santil Hu: “Sa' inb'een kinaqk li xmajewahomeb' li ke'majewank aawe”.

Efesios 4:9

K'aru xyaalal naq “kitaqe'k”? Naraj naxye naq xb'enwa kikub'eek taq'a, sa' ruuchich'och'.

San Mateo 20:28

Kama' naq li K'ajolb'ej moko xchalk ta chi k'anjelaak ru, re b'an k'anjelak ut re xk'eeb'al li xyu'am re xkolb'aleb' rix chixjunileb'.

San Juan 3:17

Xb'aan naq li Yos ink'a' kixtaqla chaq li Ralal sa' ruuchich'och' chi raqok aatin sa' xb'een li ruuchich'och', re b'an naq chikole'q li ruuchich'och' sa' xk'ab'a' a'an.

San Juan 5:19

Kixye ut li Jesus reheb': “Relik chi yaal ninye eere: li K'ajolb'ej maak'a' naru tixb'aanu xjunes rib'; ka'ajwi' li naril chi xb'aanunkil li Yuwa'b'ej, a'an li naxb'aanu li K'ajolb'ej. Li naxb'aanu li Yuwa'b'ej, a'an ajwi' naxb'aanu li K'ajolb'ej.

San Juan 6:29

Kichaq'ok li Jesus ut kixye reheb': —Li k'anjel naraj li Yos, a'an: naq chepaab' li taqlanb'il chaq xb'aan.

San Juan 6:42

Ut neke'xyehatq: —Ma maawa' tab'i' a'in li Jesus, li ralal laj José? Laa'o naqanaweb' ru li xna' xyuwa'. K'a' put naq naxye anaqwan: «Xinkub'e chaq sa' choxa»?

San Juan 6:57

Jo' naq li yo'yookil Yuwa'b'ej kitaqlank chaq we ut laa'in yo'yookin sa' xk'ab'a' li Yuwa'b'ej, jo'kan ajwi' li taatzekanq we yo'yooq sa' ink'ab'a'.