San Juan 6:27 - Q'eqchi Bible

²⁷ Chexk'anjelaq moko chirix ta li tzekemq na'oso'k, chirix b'an li tzekemq ink'a' nalajk na'oso'k, a' li naxk'e li junelik yu'am: a'an taak'ehe'q eere xb'aan li K'ajolb'ej, xb'aan naq A'an a'in li xaqab'anb'il xwankil xb'aan li Yuwa'b'ej Yos.

Li Santil hu

²⁷ Mixic e̱chꞌo̱l caꞌaj cuiꞌ riqꞌuin xsicꞌbal li tzacae̱mk li na-osoꞌ. Cheqꞌuehak ban e̱chꞌo̱l chixsicꞌbal li tzacae̱mk li incꞌaꞌ nalaj na-osoꞌ. Aꞌan li junelic yuꞌam li ninqꞌue la̱in li Cꞌajolbej. Aꞌan aj e nak quixqꞌue incuanquil ut quinixtakla chak li Yucuaꞌbej, chan li Jesús.

San Juan 6:27 ပူးပေါင်းရင်းမြစ်များ

Colosenses 3:2

Xikaq eech'ool chirix li k'a' re ru wank taqe'q ut ink'a' chirix li k'a' re ru wank taq'a.

Isaías 55:2

K'a'ut naq nekesach eetumin chirix li moko wa ta, ut nekesach leetojb'al chirix li ink'a' nak'ojob'ank ch'oolej? Paab'omaq li ninye ut textzekanq chaab'il tzekemq; taak'ojlaaq leech'ool rik'ineb' li sahil eechej.

San Juan 6:54

Ani natzekank re lintz'ejwal ut naruk' linkik'el, wank xyu'am chi junelik ut laa'in tinwaklesi chi yo'yo sa' roso'jikeb' li kutan.

2 Timoteo 2:19

Ab'anan li rub'elankil li xk'ehom li Yos a'an kaw rib', xaqxo sa' xna'aj ut kaaxtinb'il rik'in li aatin a'in: “Li Qaawa' naxnaw ruheb' li re”, ut: “Chixjunil li nayaab'ank re xk'ab'a' li Qaawa', chirisihaq rib' sa' li maa'usilal”.

San Juan 6:40

Xb'aan naq a'an a'in li rajom linYuwa': naq yalaq ani taaril ru li K'ajolb'ej ut tixpaab', wanq xyu'am chi junelik, ut laa'in tinwaklesi chi yo'yo sa' roso'jikeb' li kutan.

Romanos 6:23

Xb'aan naq li xtojb'al li maak a'an li kamk; ab'an li maatan li nachalk rik'in li Yos a'an li junelik yu'am sa' xk'ab'a' li Kristo Jesus, li Qaawa'.

San Juan 10:28

Laa'in nink'e reheb' li junelik yu'am ut maajaruj te'oso'q, ut maa'ani taamaq'oq reheb' sa' wuq'.

San Juan 6:51

Laa'in li yo'yookil wa xinkub'e chaq sa' choxa. Li taawa'oq re li wa a'in, yo'yooq chi junelik; ut li wa tink'e laa'in, a'an lintz'ejwal re twanq xyu'am li ruuchich'och'”.

Hechos 10:38

yookin chi xyeeb'al chirix li Jesus aj Nazaret li kiyule'k xb'aan li Yos rik'in Santil Musiq'ej ut xwankil, ut kinume'k yalaq b'ar, yo chi rusilankil ut xk'irtasinkil jo'k'ihaleb' li wankeb' rub'el xwankil laj tza, xb'aan naq li Yos wank rik'in.

San Juan 17:2

ut, sa' xk'ab'a' li wankil aak'ehom re sa' xb'eeneb' chixjunil li yo'yookeb', tixk'e taxaq xjunelik yu'am chixjunileb' li xak'eheb' re.

San Mateo 6:19

“Meetamresi eeb'ihomal arin sa' ruuchich'och' b'arwi' li xmaxel ut li xq'olel neke'sachok re, jo'wi' eb' laj elq' neke'xte rokeb'aaleb' ut neke'elq'ak.

San Juan 6:58

A'an a'in li wa kikub'e chaq sa' choxa; moko jo' ta li ke'xwa' leena' leeyuwa' ut ke'kamk. Li taawa'oq re li wa a'in, yo'yooq chi junelik.

2 Pedro 1:17

Li Jesukriist kixk'ul rik'in li Yos Yuwa'b'ej li xnimankil ru ut xloq'al naq kitaqlaak chaq li aatin a'in toj sa' li xnimal xloq'al: “A'an a'in li walal raaro inb'aan; rik'in a'an nasaho'k linch'ool”.

Filipenses 2:13

xb'aan naq a' li Yos na'eek'asink eere chi rahok ut chi k'anjelak, jo' chanru na'alaak sa' xch'ool.

Jeremías 15:16

Naq xak'e we laawaatin, xink'uleb' chi anchal linch'ool ut xintzeka; a'an tz'aqal nak'ehok xsahil li waanm, xb'aan naq sik'b'il wu aab'aan, at Qaawa', at Nimajwal Yos.

Eclesiastés 6:7

Chiqajunilo naqatawasi qib' yal re naq tqataw qawa quk'a', ab'anan ink'a' nak'ojlaak li qach'ool rik'in a'an.

1 Pedro 1:24

Xb'aan naq naxye li Santil Hu: “Chixjunil li poyanam a'an jo' li pim, ut chixjunil li xloq'al kama' li ratz'um li pim: nachaqik ut nat'ane'k li ratz'um.

San Lucas 3:22

li Santil Musiq'ej kikub'e chaq sa' xb'een kama' na'ilok junaq mukuy ut kichalk chaq jun xyaab' kuxej sa' choxa, kixye: “Laa'at li walal; aawik'in nasaho'k inch'ool”.

1 Ts 1:3

Junelik wank sa' qach'ool chiru li qaYos ut qaYuwa' li xk'anjel leepaab'aal, li xkuyum leerahom ut li xkawil eech'ool chi yo'onink sa' xk'ab'a' li Jesukriist li Qaawa'.

Colosenses 1:29

A'an aj e naq q'axal ninyal inq'e sa' link'anjel rik'in xnimal xwankil li Kriist, li kaw yo chi k'anjelak wik'in.

San Juan 3:33

Ani nak'ulub'ank re li xyehom, a'an naxye chi yaal naq paab'ajel li Yos.

Hechos 2:22

“Ex aj Israel, ab'ihomaq li aatin a'in: Li Jesus aj Nazaret a'an jun li winq xaqab'anb'il xwankil xb'aan li Yos sa' eeyanq rik'in sachb'ach'oolej, xninqal ru b'aanuhom ut eetalil li kixb'aanu li Yos sa' eeyanq sa' xk'ab'a' a'an, jo' nekenaw ajwi' laa'ex.

San Juan 6:68

Kichaq'ok laj Simón Pedro ut kixye: —Qaawa', ani aj ik'in tooxik? Aawik'in wank li aatin nak'ehok li junelik yu'am.

San Lucas 9:35

Toja' naq kichalk jun xyaab' kuxej sa' li choql, kixye: “A'in li walal sik'b'il ru inb'aan. A'an cherab'ihaq”.

Salmos 40:7

Mayejak ut yeechi'ink ink'a' xawaj, xteeb'al b'an chik linxik xab'aanu. Ink'a' xapatz' k'atb'il xul chi moko mayejak;

Salmos 2:7

Tinpuktesi li xk'uub'ahom li Qaawa' li kixye we: “Laa'at li walal; anaqwan xatinyoob'tesi.

Hebreos 12:16

Maa'ani taxaq junaq sa' eeyanq ink'a' us malaj eet xna'leb' kama' laj Esaú, li yal rik'in junwa'al chi wa kixk'ayi li xb'een alalb'ejil.

Gálatas 5:6

Xb'aan naq rik'in li Kristo Jesus maak'a' na'ok wi' xk'ulb'al li sirkunsisyon malaj ink'a', ka'aj b'an wi' li paab'aal li naxk'ut rib' rik'in li rahok.

Hebreos 4:11

Qayalaq b'i' qaq'e re naq too'ok sa' li hilob'aal a'in re naq maa'ani chit'ane'q sa' li q'etb'a aatin a'an.

Colosenses 2:22

Chixjunil a k'a'aq re ru a'in na'oksimank yal re oso'k, a'an chaq'rab' ut na'leb' yal re winq.

1 Corintios 9:2

Wi chiruheb' li junch'ol maawa'in apóstol, ab'an cheru laa'ex relik chi yaal naq laa'in apóstol xb'aan naq laa'ex li reetalil lin'apostolil, sa' xk'ab'a' li Qaawa'.

1 Corintios 6:13

Wank ajwi' neke'yehok: “Li tzekemq cho'q re li sa'ej ut li sa'ej cho'q re li tzekemq!”, ab'an li Yos tixsach chi xkab'ichaleb' a'an. Li tz'ejwalej moko re ta li ko'b'eetak ut li yumb'eetak, re b'an li Qaawa', ut li Qaawa' cho'q re li tz'ejwalej.

Romanos 4:11

laj Abrahán kixk'ul li sirkunsisyon jo' reetalil li xtiikilal xch'ool kixmaatani chaq xb'aan li xpaab'aal naq maji'aq xk'ulum li sirkunsisyon. Chi jo'kan a'an xyuwa' chixjunileb' laj paab'anel ink'a' uxb'ileb' wi' li sirkunsisyon, re naq eb' a'an ajwi' k'eeb'ilaqeb' sa' ajl sa' xyanqeb' li tiikeb' xch'ool.

San Juan 15:24

Wi ta ink'a' xinb'aanu li xninqal ru b'aanuhom sa' xyanqeb' li maa'ani chik kib'aanunk re, maak'a' raj xmaakeb'; a'ut anaqwan xe'ril ut xik' nikine'ril laa'in ut linYuwa'.

San Juan 14:6

Kixye li Jesus re: —Laa'in li b'e, li yaal ut li yu'am. Maa'ani naxik rik'in li Yuwa'b'ej, wi ink'a' ta sa' ink'ab'a'.

San Juan 11:42

Ak ninnaw laa'in naq junelik nikinaawab'i, ab'anan xinye a'in xb'aaneb' li tenamit neke'sutuk we, re naq te'xpaab' naq laa'at kattaqlank chaq we.

San Juan 8:18

Laa'in nin'aatinak chiwix injunes wib'; jo'kan ajwi' li Yuwa'b'ej li kitaqlank chaq we, na'aatinak chiwix.

San Marcos 9:7

Toja' naq kichalk jun li choql kimuheelank reheb', ut ki'ab'iik jun xyaab' kuxej kichalk sa' li choql: “A'in li walal raaro inb'aan: a'an cherab'ihaq”.

San Marcos 1:11

Ut kichalk chaq jun xyaab' kuxej sa' choxa, kixye: “Laa'at li walal raarookat inb'aan; aawik'in nasaho'k inch'ool”.

San Mateo 17:5

Toj yo ajwi' chi aatinak laj Pedro, naq jun li choql nalemtz'unk kimuheelank reheb'. Aka' chik jun xyaab' kuxej kichalk sa' li choql ut kixye: “A'in li walal raaro inb'aan. Rik'in a'an nasaho'k inch'ool: a'an cherab'ihaq”.

San Mateo 3:17

Ut ki'ab'iik jun xyaab' kuxej kichalk chaq sa' choxa, kixye: “A'an a'in li walal raaro inb'aan; rik'in a'in nasaho'k inch'ool”.

Isaías 42:1

A'an a'in laj k'anjel chiwu, laa'in ninkuutunk re; a'an li sik'b'il ru inb'aan li nasaho'k wi' inch'ool. Xink'e re linmusiq' re naq taaroksi li tiikilal rik'ineb' li k'iila tenamit.

Santiago 1:11

naq na'elk chaq li saq'e chi k'ajo' xtiqwal, naxchaqihob'resi li pim, nat'ane'k li ratz'um ut na'oso'k li xch'ina'usal. Jo'kan ajwi' naq taa'oso'q li b'ihom sa'eb' li xb'aanuhom.

2 Corintios 4:18

li ink'a' naxik qach'ool chirix li k'a'aq re ru na'ilmank, chirix b'an li ink'a' na'ilmank. Xb'aan naq li k'a'aq re ru na'ilmank, a'an yal jun k'amok nawank, a'ut li ink'a' na'ilmank, a'an wank chi junelik.

San Mateo 8:20

Li Jesus kixye re: —Eb' li yak wankeb' xjob' sa' pek ut eb' li xul li neke'rupupik chiru choxa wankeb' xsuk, ab'an li K'ajolb'ej maak'a' wank re b'arwi' tixsotob' li xjolom.

Habacuc 2:13

Ab'an li Nimajwal Yos ink'a' tixk'e xwankil laak'anjel, ut maak'a' na'ok wi' li k'aru xatawasi wi' aawib', xb'aan naq chixjunil li xab'aanu taa'oso'q chi junwaakaj xb'aan li xam.

Proverbios 9:5

Wa'inqex wik'in ut uk'umaq linb'iin xink'uub'.

San Mateo 25:46

Ut te'xik eb' a'in sa' li tojb'amaak chi junelik, ut eb' li tiikeb' xch'ool te'xik sa' li junelik yu'am”.

San Juan 3:15

re naq chixjunil li taapaab'anq re wanq xyu'am chi junelik.

San Juan 6:47

Relik chi yaal ninye eere: ani wank xpaab'aal, wank xyu'am chi junelik.

San Juan 6:53

Kixye li Jesus reheb': —Relik chi yaal ninye eere: wi ink'a' neketzeka li xtz'ejwal li K'ajolb'ej, wi ink'a' nekeruk' li xkik'el, maak'a'aq yu'am eerik'in.

San Juan 6:62

K'a' raj ru teeye naq teeril li K'ajolb'ej chi taqe'k b'arwi' kiwank chaq xb'enwa?

Deuteronomio 30:13

Chi moko wank ta chaq toj junpak'al li palaw, re naq taaye: «Ani qe taaxik junpak'al li palaw, re naq tixk'am chaq ut tqab'i ut tqak'anjela ru?».