San Juan 5:44 - Q'eqchi Bible

⁴⁴ Chanru naq wanq eepaab'aal laa'ex li nekek'ul eeloq'al cherib'il eerib' ut ink'a' nekesik' li loq'al nachalk rik'in li jun chi Yos?

Li Santil hu

⁴⁴ Nak nequeqꞌue e̱lokꞌal chi ribil e̱rib, cꞌajoꞌ nak nacuulac che̱ru. Abanan incꞌaꞌ nequesicꞌ li lokꞌal li naxqꞌue li jun chi Dios. ¿Chan ta cuiꞌ ru nak tine̱pa̱b la̱in chi joꞌcanan?

San Juan 5:44 ပူးပေါင်းရင်းမြစ်များ

San Juan 12:43

xb'aan naq a' chik li loq'al li neke'xk'e eb' li tenamit ke'xra chiru li loq'al nachalk rik'in li Yos.

Romanos 2:29

Li tz'aqal aj judiiy ak a'an ajwi' chaq sa' li xch'ool, ut li tz'aqal sirkunsisyon a'an li na'uxk sa' li ch'oolej, a' li uxb'il xb'aan li Musiq'ej ut ink'a' yal xb'aan xpaab'ankil junaq chaq'rab'. Li tz'aqal aj judiiy a'an li nanimaak ru xb'aan li Yos ut ink'a' xb'aaneb' li tenamit.

Filipenses 2:3

Mik'a' eeb'aanu sa' q'etq'etil chi moko yal re xnimob'resinkil eerib', chekub'siiq b'an eewankil; li junjunq tixk'oxla naq eb' li xkomon q'axal ninqeb' chik xwankil chiru.

San Mateo 23:5

Chixjunil nalaje'xb'aanu yal re naq ilb'ilaqeb' xb'aaneb' li tenamit: neke'xyu' li xloq'laj eetalil li Chaq'rab' chi xpeekemeb' jo'wi' chiruheb' li xtel, ut neke'xtiq xsahob' ru li re li raq'eb';

1 Pedro 1:7

Xb'aan naq leepaab'aal, a'an chanchan li oor li nayale'k sa' xam re rilb'al ma chaab'il. Li paab'aal li naxkuy li yale'k, a'an q'axal loq' chiru li oor li nalajk na'oso'k. Jo'kan wi tz'aqal re ru leepaab'aal, taanimaaq leek'ab'a', jo' ajwi' leeloq'al ut leeroxloq'inkil sa' li xk'utb'esinkil rib' li Jesukriist.

1 Samuel 2:30

Jo'kan naq li Qaawa', xYos laj Israel, naxye chi jo'ka'in: «Us ta ak xinye naq laajunkab'al ut li xjunkab'al laayuwa' junelik raj wanqeb' chiwu, ab'an anaqwan moko jo'kan ta chik tinb'aanu. Jo'k'ihaleb' li neke'oxloq'ink we, twoxloq'iheb', a'ut li neke'tz'eqtaanank we, tz'eqtaananb'ilaqeb' inb'aan.

1 Corintios 4:5

Jo'kan naq mexraqok aatin chi maji' xq'ehil, toj reetal tol'elq li Qaawa'. A'an taakutanob'resinq re li k'a'aq re ru muqmu chaq sa' li aak'ab' ut tixk'utb'esi li na'alaak sa' xch'ool chixjunileb'. Toja' naq li junjunq tixk'ul xloq'al rik'in li Yos.

Romanos 2:10

A'ut chixjunileb' li neke'b'aanunk re li us: loq'al, nimaak u ut tuqtuukilal li taak'eemanq reheb'; xb'enwa eb' laj Judiiy, ut eb' ajwi' laj Griego.

Romanos 2:7

li Yos tixk'e junelik yu'am reheb' li ninqeb' xkuyum chi xb'aanunkil li us, jo'k'ihaleb' li neke'xsik' li loq'al, li chaab'ilal ut li yu'am ink'a' nalajk na'oso'k.

San Lucas 19:17

«Us, at chaab'il moos -chu'uxk re-. Tiik aach'ool naq xatwank rik'in li b'a'b'ay; chiwanq b'i' aawankil sa' xb'een lajeeb' chi tenamit».

2 Crónicas 6:8

Ab'an li Qaawa' kixye re: «X'alaak sa' laach'ool xyiib'ankil jun li ochoch sa' ink'ab'a'. Jwal us laak'a'uxl.

Santiago 2:1

Ex was wiitz'in li nekepaab' li Qaawa' Jesukriist li wank sa' xnimal xloq'al, juntaq'eet cherileb' chixjunil sa' leepaab'aal.

Hebreos 3:12

Ex was wiitz'in, chek'ehaq reetal naq maajun sa' eeyanq ink'a' usaq xch'ool xb'aan xmaak'a'il xpaab'aal tixnajtob'resi ta rib' rik'in li yo'yookil Yos.

2 Corintios 10:18

Moko li naxye rib' naq chaab'il, a'an taak'ule'q; a' b'an li nanimaak xloq'al xb'aan li Qaawa'.

San Juan 17:3

A'an a'in li junelik yu'am: naq te'xnaw aawu laa'at li junat chi tz'aqal Yos ut li xataqla chaq, li Jesus a' li Kriist.

San Juan 8:43

K'a'ut naq ink'a' neketaw ru li waatinob'aal? Xb'aan naq ink'a' nekexruuk chi rab'inkil li waatin.

San Juan 3:20

Chixjunil ani naxb'aanu li ink'a' us, xik' naril li saqenk ut ink'a' naxik wan wi' li saqenk, re naq ink'a' taaq'use'q rik'in li xb'aanuhom.

Jeremías 13:23

Ma naru nasaqo'k xtib'el laj q'eq? Ma naru naxsach li xtzipixil rix li hix? Jo'kan ajwi' laa'ex ink'a' texruuq xb'aanunkil li usilal xb'aan naq k'aynaqex chi xb'aanunkil li maa'usilal.

1 Samuel 15:30

Kichaq'ok laj Saúl ut kixye: “Xinmaakob'k, ab'an nintz'aama usilal chawu: k'e inloq'al cho'q awab'ej chiruheb' li xcheekal winqul lintenamit ut chiruheb' chixjunil laj Israel. Kim chiwix chi xloq'oninkil li Qaawa' laaYos”.

San Juan 5:41

“Laa'in ink'a' ninsik' inloq'al rik'ineb' li winq;

1 Ts 2:6

Ink'a' xqasik' qaloq'al rik'ineb' li tenamit, chi moko eerik'in laa'ex malaj rik'in anihaq chik.

1 Timoteo 1:17

Li Rey li wank xwankil chi junelik q'e kutan, a' li Yos li ink'a' nakamk, ink'a' ilb'il ru ut jun chirib'il, chinimaaq xloq'al ut loq'oninb'ilaq taxaq junq'e junq'e kutan. Jo'kan taxaq.

San Judas 1:25

a' li jun chi Yos aj Kolol qe, sa' xk'ab'a' li Jesukriist li Qaawa', a'an taxaq chiwanq xloq'al, li nimaak u, li x'awab'ejihom ut li xwankilal chalen chaq junxil, anaqwan ut junq'e junq'e kutan. Jo'kan taxaq.