San Juan 5:39 - Q'eqchi Bible

³⁹ “Laa'ex nekek'e eech'ool chi xtzolb'al chi us xsa' li Santil Hu xb'aan naq nekek'oxla xtawb'al li junelik yu'am chisa'. A' li Santil Hu na'aatinak chiwix,

Li Santil hu

³⁹ La̱ex nequeqꞌue e̱chꞌo̱l chixtzolbal xsaꞌ li Santil Hu. La̱ex nequecꞌoxla nak aran te̱tau chanru ta̱cua̱nk le̱ yuꞌam chi junelic. Abanan incꞌaꞌ nequeqꞌue retal nak li Santil Hu aꞌan naxchꞌolob ajcuiꞌ lix ya̱lal chicuix la̱in.

San Juan 5:39 ပူးပေါင်းရင်းမြစ်များ

San Lucas 24:27

Ut kixtikib' rik'in laj Moisés ut chixjunileb' li propeet, kixch'olob' chiruheb' li yeeb'il chirix sa' chixjunil li Santil Hu.

San Lucas 24:44

Chirix chik a'an kixye reheb': —A'aneb' a'in li waatin xinye eere naq toj wankin chaq eerik'in: Tento naq taatz'aqloq ru chixjunil li tz'iib'anb'il chiwix sa' li xChaq'rab' laj Moisés, sa' xHuheb' li Propeet ut sa'eb' li Saalm.

Hechos 17:11

Eb' a'in q'axal q'uneb' xch'ool chiruheb' li wankeb' Tesalónika: ke'xk'ulub'a li Aatin chi anchaleb' xch'ool, yookeb' chi xtz'ilinkil xsa' li Santil Hu rajlal kutan re rilb'al ma yaal li naxye laj Pablo.

San Mateo 22:29

Kichaq'ok li Jesus ut kixye reheb': —Tik sachenaqex xb'aan naq ink'a' neketaw ru li Santil Hu, chi moko neketaw ru li xwankil li Yos.

Isaías 34:16

Tehomaq li xhu li Qaawa' ut yaab'asihomaq xsa': teek'e reetal naq maajun junaq reheb' li xul a'an ink'a' ta taatawmanq; maajun tixtz'eqtaana li rochb'een. Xb'aan naq a' ajwi' li Qaawa' kiyehok re ut a' ajwi' li xmusiq' taach'utub'anq reheb'.

Hechos 13:27

Eb' laj Jerusalén ut li xb'eenileb' ink'a' ke'xtaw ru ani li Jesus, ut, naq ke'xraq aatin sa' xb'een, kitz'aqlok ru xb'aaneb' li xtz'iib'ahom eb' li Propeet li nayaab'asimank rajlal sábado.

San Juan 5:46

Wi ta nekepaab' laj Moisés, nikineepaab' raj ajwi' laa'in, xb'aan naq chiwix kitz'iib'ak chaq a'an.

Jeremías 8:9

Eb' li wankeb' xna'leb' te'kanaaq sa' xutaan; taasachq xna'leb'eb' ut te't'ane'q sa' li xtik'ti'eb'. Xe'xtz'eqtaana li raatin li Qaawa': k'a' chik na'ok wi' li xna'leb'eb'?

Romanos 3:2

Jwal nim li rusil, chi yalaq chan re ru. Xb'enwa xb'aan naq reheb' laj Judiiy kiq'axtesiik chixjunil li xyehom li Yos.

San Marcos 12:10

“Ma ink'a' eerilom sa' li Santil Hu li jun raqal a'in: «Li pek li ke'xtz'eqtaana eb' laj kab'lanel, a'an li kikanaak cho'q xnimal ru pek sa' li kab'l.

Apocalipsis 19:10

Toja' naq kint'ane'k rub'el roq li ánjel chi xloq'oninkil ru, ut a'an kixye we: “Maab'aanu a'in! Laa'in aawech moosil; wech moosileb' ajwi' eb' laawas aawiitz'in li neke'xk'uula sa' xch'ooleb' li xch'olob'ahom li Jesus. A' li Yos tento taaloq'on ru”, chan we. Xb'aan naq eb' li propeet a'aneb' li neke'xk'uula sa' xch'ooleb' li xch'olob'ahom li Jesus.

Romanos 1:2

yeechi'inb'il chaq junxil chi xtz'uumal reheb' li xpropeet sa' li Santil Hu.

Hechos 26:27

At qaawa' Agripa, ma nakapaab' eb' li propeet? Laa'in ninnaw naq nakapaab' li k'aru ke'xtz'iib'a.

San Juan 7:52

Ke'chaq'ok ut ke'xye re: —Ma laa'at ajwi' aj Galilea? Tz'ili rix ut taak'e reetal naq maajun propeet na'elk chaq Galilea.

San Juan 5:32

Jalan li nach'olob'ank chiwix, ut laa'in ninnaw naq yaal li naxye chiwix.

Salmos 36:9

Neke'xch'oolani rib' rik'in li saa'us wank sa' laawochoch; chanchan xkawil oq li nima', li sahilal nakak'e chi ruk'eb'.

Deuteronomio 18:18

Laa'in tinwaklesi sa' xyanqeb' li ras riitz'in jun li propeet kama' laa'at; tink'eheb' li waatin sa' re, ut a'an taayehoq reheb' chixjunil li k'aru tinye laa'in.

Deuteronomio 18:15

“Li Qaawa' laaYos tixwaklesi jun li propeet kama' laa'in sa' eeyanq, sa' xyanqeb' laawas ut laawiitz'in: a'an cherab'ihaq.

San Juan 5:36

Ab'an laa'in wank k'aru na'aatinak chiwix q'axal nim xwankil chiru laj Jwan, a' li xnimal k'anjel li kixk'e chinb'aanu li Yuwa'b'ej. Xb'aan naq li k'anjel yookin chi xb'aanunkil na'aatinak chiwix ut naxye naq li Yuwa'b'ej kitaqlank chaq we.

Salmos 119:11

Xink'uula sa' li waanm laayeechi'om re naq ink'a' tinmaakob'q chawu.

Salmos 16:11

Taak'ut chiwu xb'ehil li yu'am: k'ajo' xnimal li sahilal chawe chawu, xiikil li saa'us aawik'in chi junelik!

San Lucas 16:31

Kisumeek xb'aan laj Abrahán: «Wi ink'a' neke'rab'i laj Moisés ut eb' li propeet, ink'a' ajwi' taatoch'e'q xch'ooleb', us ta taawakliiq junaq sa' xyanqeb' li kamenaq»”.

Proverbios 6:23

Xb'aan naq li chaq'rab' ut li taqlahom, a'an jun lochlookil xam; li qatijb'al ut qaq'usb'al a'an xb'ehil li yu'am.

Josué 1:8

Ink'a' taakanab' rilb'al xsa' xhuhil li Chaq'rab' a'in; chak'oxla rix chi q'eq ut chi kutan. Chi jo'kan junelik taab'aanu li k'aru naxye; tat-usaaq ut chaab'il tat-elq sa' chixjunil laak'anjel.

Deuteronomio 32:47

Xb'aan naq a'an maawa' yal aatin li maak'a' ta taa'ok wi' eere, a'an b'an eeyu'am: sa' xk'ab'a' li Chaq'rab' a'in taanajto'q roq leeyu'am sa' li ch'och' toxeereechani junpak'al li nima' Jordán”, chan laj Moisés.

Hebreos 11:16

Ab'an yookeb' chaq chi xsik'b'al jun li tenamit q'axal chaab'il, a' li wank sa' choxa. Jo'kan naq li Yos ink'a' naxutaanak xb'aaneb', ink'a' naxutaanak naq naxk'ab'a'in “xYoseb' a'an”, xb'aan naq ak kixkawresi jun li tenamit cho'q reheb'.

Colosenses 3:16

Li Raatin li Kriist chiwanq eerik'in chi numtajenaq. Chetzolaq eerib' ut chek'ehaq eena'leb' cherib'il eerib' rik'in chixjunil li chaab'il k'a'uxl. Chexb'ichanq chi anchal eech'ool re yoxink chiru li Yos, rik'in saalm, himno ut loq'laj b'ich;

San Lucas 16:29

Kiyehe'k ut re xb'aan laj Abrahán: «Wank aran li hu tz'iib'anb'il xb'aan laj Moisés ut eb' li propeet. Che'rab'ihaqeb' a'an».

Daniel 12:2

«Naab'aleb' li ak kamenaqeb' te'wakliiq chaq wi' chik chi yo'yo: wankeb' re junelik yu'am, wankeb' chik re wank sa' xutaan ut tojb'amaak chi junajwa.

San Juan 1:45

Laj Felipe koxtaw laj Natanael ut kixye re: —Xqataw li tz'iib'anb'il chaq resil sa' li Chaq'rab' xb'aan laj Moisés, jo'wi' xb'aaneb' li propeet: a' li Jesus, ralal laj José, a' laj Nazaret.

Isaías 8:20

Us raj te'aatinaq chi jo'ka'in, ab'anan li k'aru neke'xye, maak'a' na'ok wi'.

Salmos 21:4

Xanujob'resi rik'in xnimal laawosob'tesihom, xak'e sa' xjolom jun li koroon yiib'anb'il rik'in chaab'il oor.

Salmos 1:2

neke'xtaw b'an xsahilaleb' xch'ool rik'in xchaq'rab' li Qaawa', neke'xk'oxla rix li raatin ut neke'xtzol chi q'eq ut chi kutan!

Salmos 133:3

Chanchan li k'ajob' re li tzuul Hermón li yo chi kub'eek sa' xb'een Sión. Xb'aan naq aran li Qaawa' naxhoy li rosob'tesihom: a'an li yu'am chi junelik.

Hebreos 11:35

ut eb' li ixq ke'xtaw wi' chik chi yo'yo li xkamenaqeb'. Wankeb' ke'rahob'tesiik ut ink'a' ke'raj ach'ab'aak, re xtawb'al jun xwaklijikeb' chi yo'yo q'axal chaab'il chik;

Deuteronomio 29:29

“Wank li na'leb' li ink'a' k'utb'esinb'il chiqu xb'aan li Qaawa' li qaYos, ut ka'ajwi' A'an nanawok re; ab'an li k'aru k'utb'esinb'il chiqu, a'an qe laa'o ut reheb' li qalal qak'ajol chi junelik, re naq tqak'anjela ru chixjunil li raatinul li Chaq'rab' a'in.

San Lucas 24:25

Toja' naq li Jesus kixye reheb': —Laa'ex tik maak'a' eena'leb' ut aal leech'ool chi xpaab'ankil chixjunil li ke'xye eb' li propeet!

San Juan 5:40

a'ut laa'ex ink'a' nekeraj chalk wik'in re taawanq eeyu'am.

San Marcos 10:3

Li Jesus kixsumeheb': —K'aru kexxchaq'rab'i wi' laj Moisés? chan.