San Juan 5:32 - Q'eqchi Bible

³² Jalan li nach'olob'ank chiwix, ut laa'in ninnaw naq yaal li naxye chiwix.

Li Santil hu

³² Abanan cuan jun chic li naxchꞌolob xya̱lal che̱ru anihin tzꞌakal la̱in ut la̱in ninnau nak ya̱l li yo̱ chixyebal chicuix.

San Juan 5:32 ပူးပေါင်းရင်းမြစ်များ

San Juan 12:50

ut laa'in ninnaw naq li xchaq'rab', a'an junelik yu'am. Jo'kan naq li k'aru ninye, ninye jo' chanru xye chaq we li Yuwa'b'ej”.

San Juan 1:33

Laa'in ink'a' ninnaw chaq ru, ab'an li kitaqlank chaq we chi kub'sink ha' xye we: «Li taawil wi' chi kub'eek li Musiq'ej ut tolkanaaq sa' xb'een, a'an li taakub'sinq ha' rik'in Santil Musiq'ej».

San Mateo 3:17

Ut ki'ab'iik jun xyaab' kuxej kichalk chaq sa' choxa, kixye: “A'an a'in li walal raaro inb'aan; rik'in a'in nasaho'k inch'ool”.

San Lucas 3:22

li Santil Musiq'ej kikub'e chaq sa' xb'een kama' na'ilok junaq mukuy ut kichalk chaq jun xyaab' kuxej sa' choxa, kixye: “Laa'at li walal; aawik'in nasaho'k inch'ool”.

San Marcos 1:11

Ut kichalk chaq jun xyaab' kuxej sa' choxa, kixye: “Laa'at li walal raarookat inb'aan; aawik'in nasaho'k inch'ool”.

San Mateo 17:5

Toj yo ajwi' chi aatinak laj Pedro, naq jun li choql nalemtz'unk kimuheelank reheb'. Aka' chik jun xyaab' kuxej kichalk sa' li choql ut kixye: “A'in li walal raaro inb'aan. Rik'in a'an nasaho'k inch'ool: a'an cherab'ihaq”.

San Juan 5:34

Laa'in ninye a'in re naq texkole'q, xb'aan naq ink'a' ninsik' li naxye junaq winq.