San Juan 5:3 - Q'eqchi Bible

³ Chi sa'eb' a'an wankeb' naab'al li yaj; wankeb' mutz', yeq roqeb' ut sikatqeb', yookeb' chi royb'eninkil naq taa'eek'anq li ha'.

Li Santil hu

³ Saꞌ eb li muheba̱l aꞌan cuanqueb nabaleb li yaj. Cuanqueb mutzꞌ, cuanqueb ye̱k rokeb, ut cuanqueb li sic rokeb ut sic rukꞌeb. Yo̱queb chiroybeninquil nak ta̱ecꞌa̱nk li haꞌ.

San Juan 5:3 ပူးပေါင်းရင်းမြစ်များ

San Lucas 7:22

Toja' naq kixsumeheb' ut kixye: —Ayuqex ut yehomaq re laj Jwan li xeril ut xerab'i. Eb' li mutz' neke'ilok ut eb' li yeq neke'b'eek, eb' li saqlep rix neke'k'irtasiik ut eb' li tz'ap xik neke'ab'ink, eb' li kamenaq neke'ajk ru ut eb' li neb'a' neke'rab'i li Chaab'il Esilal.

San Mateo 15:30

Ut naab'aleb' li tenamit ke'wulak rik'in: wankeb' chaq yeq, toqol, mutz', mem ut naab'aleb' chik xkomon. Kole'k'ehe'q chi roq li Jesus ut a'an kixk'irtasiheb'.

Zacarías 11:17

Ra chaalel sa' xb'een laj ilol ketomq li maak'a' na'ok wi', li naxkanab' xjuneseb' li ketomq. Chitiq'e'q ta chi q'esnal ch'iich' li xtel jo'wi' xsa' li ru wank sa' xnim. Chichaqiq ta chixjunil li ruq' ut chimutz'irq chi junajwa xsa'eb' li ru”, chan li Qaawa'.

Lamentaciones 3:26

Q'axal us royb'eninkil naq li Yos tooxtenq'a, chi k'ojk'ooq li qach'ool rik'in.

Santiago 5:7

Ex was wiitz'in, chekuyaq wan oyb'enink toj reetal sa' xk'ulunik li Qaawa'. K'ehomaq reetal: laj k'alom naroyb'eni li xloq'laj u li awimq, ut naxkuy royb'eninkil li hab' re li awk jo' ajwi' li xq'ehil li q'olok.

Romanos 8:25

Ab'an wi li qoyb'enihom ink'a' naqil ru, a'an q'axal naqayo'oni rik'in xnimal qakuyum.

Proverbios 8:34

Us xaq re li na'ab'ink we, wulaj wulaj naraj wab'inkil ut ninxsik' toj sa' li wochoch.

1 Reyes 13:4

Naq li awab'ej kirab'i li kixye li propeet chirix li x'artal Betel, laj Jerobohán kixye' li ruq' toj chaq sa' xb'een li artal ut kixye: “Chapomaq li winq a'an”, chan. Ab'an li ruq' li kixye', kichaqik ut ink'a' chik kixtaw xna'aj.

San Mateo 4:24

Kiwulak resil li Jesus sa' chixjunil Siria: ut ke'xk'am chaq rik'in chixjunileb' li yaj, k'iila paay ruheb' li xyajel ut li xrahilal; ke'xk'ameb' ajwi' chaq li eechaninb'ileb' xb'aan laj tza, eb' li neke'pohonk xyajel, eb' li sik, ut kixk'irtasiheb'.

San Juan 5:2

Aran Jerusalén, chi xk'atq li Rokeb'aaleb' li Karneer, wank jun li tz'akanb'il ha', Betesda xk'ab'a' sa' aatinob'aal hebreo; oob' chi muheb'aal wankeb' chire.

San Juan 5:4

Xb'aan naq jun li ánjel nakub'e chaq yalaq jo'q'ehatqil chi reek'asinkil li ha', ut li ani na'ok xb'enwa chisa' naq ak x'eek'asiik li ha', nak'iraak a' yaal k'aru li xyajel.