San Juan 5:28 - Q'eqchi Bible

²⁸ “Misachk eech'ool rik'in a'in, xb'aan naq twulaq xq'ehil naq chixjunileb' li wanqeb' sa' muqleb'aal kamenaq te'rab'i xyaab' xkux

Li Santil hu

²⁸ Misach e̱chꞌo̱l chirabinquil li yo̱quin chixyebal. Ta̱cuulak xkꞌehil nak chixjunileb li camenak teꞌrabi li cꞌaꞌru tinye.

San Juan 5:28 ပူးပေါင်းရင်းမြစ်များ

Apocalipsis 20:12

Kiwileb' li kamenaq, jo' kok' jo' ninq, xaqxookeb' chiru li nimajwal k'ojarib'aal. Ut ke'teemank eb' li hu, jo' ajwi' jun chik li hu, a' li xhuhil li yu'am. Kiraqmank aatin sa' xb'eeneb' jo' chanru tz'iib'anb'il sa'eb' li hu, a' yaal chanru li xb'aanuhomeb'.

Isaías 26:19

Eb' laakamenaq te'wanq xyu'am, te'yo'laaq wi' chik li xb'aqel rismaleb'; te'ajq ruheb' ut te'b'ichanq xb'aan xsahil xch'ooleb' jo'k'ihaleb' li wankeb' sa' pojtz'. Xb'aan naq laak'ajob' a'an jun k'ajob' nalemtz'unk ru, ut li xna'ajeb' li kamenaq taa'alanq.

Filipenses 3:21

A'an taajaltesinq ru li qach'och'el qasululel chi nimaq xloq'al, re naq tkanaaq chi junajwa jo' li xjunxaqalil, sa' xk'ab'a' li xnimal xwankil li naruhank wi' xk'eeb'al chixjunil rub'el roq.

1 Corintios 15:22

Jo' naq chixjunileb' neke'kamk sa' xk'ab'a' laj Adán, jo'kan ajwi' naq chixjunileb' te'wanq wi' chik xyu'am sa' xk'ab'a' li Kriist.

Oseas 13:14

Ma tinkol tab'i' chiru li muqleb'aal kamenaq? Ma twisi tab'i' sa' ruq' li kamk? At kamk, b'ar wank laawankil? B'ar wank laatiq'leb', at muqleb'aal kamenaq? Ink'a' twil xtoq'ob'aal ru laj Efraín.

San Juan 3:7

Misachk aach'ool rik'in li xinye aawe: «Tento naq texyo'laaq wi' chik».

San Juan 5:20

Xb'aan naq li Yuwa'b'ej naxra li K'ajolb'ej ut naxk'ut chiru chixjunil li naxb'aanu. Ut toj wank q'axal chik xninqal ru b'aanuhom chiruheb' a'in tixk'ut chiru, re naq taasachq eech'ool chi rilb'al.

San Juan 4:21

Li Jesus kixye re: —At ixq, paab' li ninye: Taawulaq xq'ehil naq chi moko sa' xb'een li tzuul a'in chi moko Jerusalén teeloq'oni ru li Yuwa'b'ej.

Hechos 3:12

Naq kiril a'in laj Pedro, kixye reheb' li tenamit: “Ex aj Israel, k'a'ut naq nasachk eech'ool chi rilb'al a'in? K'a'ut naq nokooheeka'ya laa'o, chanchan wi' rik'in qawankil malaj qusilal xqak'e wi' chi b'eek li winq a'in?

Daniel 12:2

«Naab'aleb' li ak kamenaqeb' te'wakliiq chaq wi' chik chi yo'yo: wankeb' re junelik yu'am, wankeb' chik re wank sa' xutaan ut tojb'amaak chi junajwa.

San Juan 4:23

Ab'anan chalk re xq'ehil (ak xk'ulunk ajwi') naq eb' li tz'aqal aj loq'oninel te'xloq'oni ru li Yuwa'b'ej sa' musiq'ej ut rik'in li yaal, xb'aan naq jo'ka'in naraj li Yuwa'b'ej naq taaloq'oniiq ru.

San Juan 5:25

Relik chi yaal ninye eere: twulaq xq'ehil (ak xk'ulunk ajwi') naq eb' li kamenaq te'rab'i xyaab' xkux li Ralal li Yos, ut eb' li te'ab'inq re te'wanq xyu'am.

Hechos 24:15

ut kaw linch'ool chi royb'eninkil rik'in li Yos naq te'wakliiq wi' chik chi yo'yo li tiikeb' xch'ool ut eb' laj maak, jo' ajwi' neke'royb'eni eb' a'in.