San Juan 5:22 - Q'eqchi Bible

²² Xb'aan naq chi moko li Yuwa'b'ej naraqok aatin sa' xb'een anihaq, kixq'axtesi b'an chixjunil li raqb'a aatin sa' ruq' li K'ajolb'ej,

Li Santil hu

²² Li Yucuaꞌbej ma̱ ani naxrak a̱tin saꞌ xbe̱n. Quixkꞌaxtesiheb ban saꞌ cuukꞌ re nak la̱in chic tinrakok a̱tin saꞌ xbe̱neb.

San Juan 5:22 ပူးပေါင်းရင်းမြစ်များ

San Juan 5:27

ut kixk'e xwankil chi raqok aatin xb'aan naq a'an li K'ajolb'ej.

Hechos 17:31

Xb'aan naq li Yos ak kixxaqab' li kutan tixraq wi' aatin sa' tiikilal sa' xb'een li ruuchich'och', sa' xk'ab'a' jun li winq xaqab'anb'il xb'aan. Kixk'ut ajwi' chiruheb' chixjunil naq tz'aqal yaal a'an, rik'in xwaklesinkil chi yo'yo li Jesus sa' xyanqeb' li kamenaq”.

2 Corintios 5:10

Xb'aan naq chiqajunilo tento toxqak'ut qib' sa' xraqleb'aal aatin li Kriist re naq li junjunq tixk'ul xq'ajkamunkil, a' yaal chanru li xb'aanuhom, ma us malaj ink'a' us xb'aanu naq xwank sa' ruuchich'och'.

San Mateo 28:18

Kijilok li Jesus chi xk'atqeb', kiraatinaheb' ut kixye: —K'eeb'il we chixjunil li wankilal, jo' sa' choxa jo' ajwi' sa' ruuchich'och'.

Hechos 10:42

Ut kooxtaqla chi xpuktesinkil resil ut xch'olob'ankil xyaalal naq a'an xaqab'anb'il xb'aan li Yos cho'q aj raqol aatin sa' xb'eeneb' li yo'yookeb' ut kamenaqeb'.

San Juan 9:39

—Chi raqok aatin xinchalk sa' li ruuchich'och' a'in -chan li Jesus- re naq eb' li ink'a' neke'ilok che'iloq, ut eb' li neke'ilok che'mutz'irq.

2 Timoteo 4:1

Chiru li Yos ut li Kristo Jesus li taaraqoq aatin sa' xb'eeneb' li yo'yookeb' ut kamenaqeb', nintz'aama ut nawelaji chawu sa' xk'ab'a' li xk'utb'esinkil rib' ut sa' xk'ab'a' li xnimajwal awab'ejihom:

Romanos 2:16

Chixjunil a'in taak'utunq chi us sa' li kutan taaraqoq wi' aatin li Yos sa' xk'ab'a' li Jesukriist chirix li k'aru muqmu sa' xch'ooleb' chixjunileb'. A'an a'in li Chaab'il Esilal ink'ulum laa'in.

San Juan 17:2

ut, sa' xk'ab'a' li wankil aak'ehom re sa' xb'eeneb' chixjunil li yo'yookeb', tixk'e taxaq xjunelik yu'am chixjunileb' li xak'eheb' re.

1 Pedro 4:5

toxe'xq'axtesi li xyehom xb'aanuhomeb' chiru Li yo'oon wan chaq chi raqok aatin sa' xb'eeneb' li yo'yookeb' ut kamenaqeb'.

Salmos 96:13

chiru li Qaawa' xb'aan naq chalk re: chalk re chi raqok aatin sa' xb'een li ruuchich'och'! Tixjolomi li choxach'och' sa' tiikilal ut tixb'eresi chixjunileb' li tenamit jo' chanru xchaab'ilal xch'ool.

San Mateo 16:27

Xb'aan naq li K'ajolb'ej yooq chaq chi chalk sa' li xnimal xloq'al li xYuwa' rochb'eenaqeb' chaq li x'ánjel; toja' naq tixq'ajkamu li junjunq a' yaal chanru li xb'aanuhom.

Salmos 98:9

chiru li Qaawa' xb'aan naq chalk re: chalk re chi raqok aatin sa' xb'een li ruuchich'och'! Tixjolomi li choxach'och' sa' tiikilal ut tixb'eresi chixjunileb' li tenamit jo' chanru xchaab'ilal li xch'ool.

San Juan 3:35

Li Yuwa'b'ej naxra li K'ajolb'ej ut chixjunil kixq'axtesi sa' ruq'.

San Mateo 11:27

“Chixjunil q'axtesinb'il sa' wuq' xb'aan linYuwa', ut maa'ani nanawok ru li K'ajolb'ej, ka'ajwi' li Yuwa'b'ej; ut maa'ani nanawok ru li Yuwa'b'ej, ka'ajwi' li K'ajolb'ej ut eb' li taaraj wi' xk'utb'esinkil.

Eclesiastés 11:9

Laa'ex li toj saajex, cheyal xsahil leesaajilal; sahaq taxaq eech'ool anaqwan. B'aanuhomaq li k'aru nekerahi ut nawulak cheru. Ab'anan misachk sa' eech'ool naq sa' jun kutan li Yos tixraq aatin sa' eeb'een chirix chixjunil leeb'aanuhom.

Eclesiastés 12:14

Sa' junaq kutan li Yos taaraqoq aatin chirix chixjunil li qab'aanuhom, us ta chi muqmu xqab'aanu. Taaraqoq aatin sa' qab'een, a' yaal ma us malaj ink'a' us xqab'aanu.