San Juan 5:21 - Q'eqchi Bible

²¹ “Jo' naq li Yuwa'b'ej naxwaklesiheb' chi yo'yo li kamenaq ut naxk'e xyu'ameb', jo'kan ajwi' li K'ajolb'ej naxk'e xyu'am li ani taaraj.

Li Santil hu

²¹ Li Yucuaꞌbej naxcuaclesiheb cuiꞌchic chi yoꞌyo li camenak. Ut joꞌcan ajcuiꞌ la̱in li Cꞌajolbej. La̱in ninqꞌue li junelic yuꞌam reheb li ani nacuaj.

San Juan 5:21 ပူးပေါင်းရင်းမြစ်များ

Romanos 8:11

Ut wi wank eerik'in li xMusiq' li Yos li kiwaklesink re chi yo'yo li Jesus sa' xyanqeb' li kamenaq, a' ajwi' li kiwaklesink re li Kriist chi yo'yo taak'ehoq xyu'am leech'och'el leesululel sa' xk'ab'a' li xMusiq' wank eerik'in.

Deuteronomio 32:39

Chek'e reetal naq laa'in injunes wib' ut maak'a' chik junaq yos chiwu laa'in. Nink'ehok chi kamk ut nink'e ajwi' li yu'am, nintiq'ok ut nink'irtasink. Maajun tixkol rib' chiru linwankil.

San Juan 11:25

Kixye li Jesus re: —Laa'in li wakliik wi' chik chi yo'yo ut li yu'am. Ani napaab'ank we, us ta taakamq, taawanq xyu'am,

Hechos 26:8

K'a'ut naq nekek'oxla naq moko yaal ta a'in: naq li Yos naxwaklesiheb' chi yo'yo li kamenaq?

San Juan 17:2

ut, sa' xk'ab'a' li wankil aak'ehom re sa' xb'eeneb' chixjunil li yo'yookeb', tixk'e taxaq xjunelik yu'am chixjunileb' li xak'eheb' re.

2 Reyes 5:7

Naq li awab'ej re Israel kiril xsa' li hu, kixq'ich li raq' ut kixye: “Ma laa'in tab'i' Yos chi kamsink ut chi k'ehok yu'am? Li awab'ej re Aram xtaqla chaq li winq a'in chink'irtasi li xsaqlepil. K'ehomaq reetal naq a'in yal yo xsik'b'al chanru naq taayaloq wik'in”.

1 Reyes 17:21

Oxib' sut kixhupub' rib' sa' xb'een li ch'ina'al, ut chi kaw xyaab' xkux kixye re li Qaawa': “At Qaawa', at inYos, chiwanq wi' chik xyu'am li ch'ina'al a'in”.

San Juan 6:63

A' li musiq'ej nak'ehok yu'am; li tz'ejwalej maak'a' na'ok wi'. Eb' li aatin xinye eere a'an musiq'ej ut yu'am.

1 Corintios 15:45

Jo'ka'in tz'iib'anb'il sa' li Santil Hu: “Laj Adán, li xb'een winq, kiwinqob'resiik chi wank xyu'am”; ut li xkab' Adán, li kichalk sa' roso'jik, a'an musiq'ej aj k'ehol yu'am.